醉藥雞 (啟志樓) (已結業)

一直很喜歡這間醉葯鷄，每次經過路德圍揀完一輪都係食返佢～餐牌都算多選擇：佢個砂鍋鷄湯翅好夠味，粉底可以有不同選擇。而我每次都係揀銀針粉，我覺得係最配個湯底嘅～砂鍋鷄湯翅銀針粉 68元- 鷄湯滾燙，味道香濃，面少少油膩，不過飲落口卻不會太油，配銀針粉一流～麻辣口水雞撈麵 58元口水雞夠滑，醬汁有輕微辣，不過啲麵有點不夠彈～醉三鮮 85元有鮑魚，蝦，花螺，花生，以花雕調味，酒味太重，完全掩蓋本身味道，我不太喜歡～泡椒豬手 58元本身冇乜味，全靠醬汁，加上極少肉，好難咬～仍會繼續幫襯鷄湯粉，至於小食就看心情吧～

😁 小編依晚同朋友去晚飯，搵咗間專製作藥膳醉雞嘅食肆——醉藥雞。🍝 砂窩胡椒豬肚雞(瀨粉) 😋😋😋😋😋小編落單見到買少見少嘅瀨粉，唔使諗即叫！砂窩一到嚇親小編同朋友 😲，相當大碗，而且滾起熱辣辣咁上菜♨️。瀨粉同濃郁嘅雞湯非常夾，仲有淡淡胡椒味。🍗 約有一隻雞脾份量嘅雞件，豬肚切件後，亦有相當多嘅份量，豬肚吸入雞湯，仍然挺身有咬口，食完好暖身。見到湯頭內裡仲有茨實，整體有補中益氣嘅作用。☺️🍜 砂窩醉藥雞(粉絲) 😋😋😋😋朋友叫咗依窩配粉絲，試咗湯頭，帶酒香甜味 🥃。湯頭嘅藥材十足，有紅棗、准山、木耳、杞子同薑，有助行氣活血。💪🏻 同樣有約一隻雞脾嘅雞件份量，粉絲好索湯，但唔會浸到腍晒。朋友本身話好肚餓，到最後都係食唔晒，砂窩嘅份量真係唔係講笑！😆🥚 溏心醉蛋 😋😋😋😋溏心雞蛋可以跟麵加配！溏心呈橙黃色，伴有少許花生、蟲草花同杞子。食落除咗有酒味外，亦有淡淡桂花香味！一隻蛋盡見店家嘅心機。👍🏻🍽 泡椒豬手 😋😋😋😋泡椒唔算好辣，啱晒想過下辣口癮嘅朋友。😉 豬手浸煮得夠腍身，每舊都好大件，容易咬之餘，亦食到軟骨嘅咬口。😁晚餐 💵💵 約港幣$90/人🎉 其他招牌推介 🎉【砂窩生滾麵】砂窩雞湯翅