一盛極牛 (已結業)

我同朋友都好喜歡食拉麵，今日去左尖沙咀食一盛極牛。極牛拉麵，湯底係大火熬煮二十小時既牛骨湯，醬油濃度可選淡、普通或濃味，我就揀左普通，都已經好濃郁，另外和牛可選刺身或火炙，因為我怕太生，所以選了二分火炙和牛 $148，份量不算太多，和牛入口即溶，輕輕用火燒過，加重了牛油香味，二份都好足夠好滿足。白牛拉麵，湯底多左白松露既味道，超級濃郁，吃多會覺得太重味，久久揮之不去，所以我個人會較喜歡極牛拉麵。朋友同樣選了二分牛$158，二份以上可選刺身和火炙和牛各半。另外仲可以揀芽菜、黑木耳絲、荀、紫洋蔥、蔥、紅椒絲、溏心蛋、紫菜既份量，仲麵既硬度，我揀左普通硬度，感覺都係偏硬。好耐無飲過波子汽水，同朋友一人加左一支 $18，係兒時既味道，就如波子汽水糖。

尖沙咀一向多拉麵店，聽講黎緊會有幾間過江龍進駐真係十分期待。一盛極牛就先打響頭炮，以極品A5和牛作賣點，配以牛骨高湯及鮮蛋麵，單單係呢個組合已經令愛牛人士心動。極牛拉麵，因為食真啲牛湯嘅味道所以所有配料都揀左半分，減低對牛骨湯嘅影響。睇住師傅由切牛到盛湯都一絲不苟，未食都加分俾佢了。牛骨飲落清爽，雖然唔係豬骨湯咁會呈現奶白色，但淡棕色嘅湯頭味道十分濃郁甘香。和牛刺身經伙記提點，唔好浸係個湯裡面太耐，否則牛脂會溶得太快，牛肉就會變韌的了。果真輕輕浸過嘅和牛十分嫩滑細緻，配上偏硬身蛋麵，整個組合配搭上黎好好食。溏心蛋真係做到七成熟，入味之餘蛋濃郁。令到蛋麵食落更香口。飲埋支波子汽水，真係十分正。呢度以日式酒館佈置，同時又放住日劇歌曲令人彷彿置身日本街角一般。

今日陪朋友往百利購買結婚用品, 之後朋友帶我往一盛極牛食晚餐, 我們點了極牛拉面, 白牛拉面和波子汽水, 極牛拉面我選了火炙牛肉, 牛肉燒得香脆, 肉質鮮甜味美, 味道濃郁,入口即熔, 糖心蛋我選了半隻, 蛋味道鮮甜香滑, 配菜有牙菜和黑木耳絲, 食落爽口, 紫菜味道爽脆, 鹹度適中, 拉面面條是深黃色, 入口軟綿爽口, 湯底有濃香牛肉鮮甜味, 而且不含味精, 整碗極牛拉面份量適中, 美味可口；最後我點了波子汽水, 第一次飲罐裝波子汽水和玻璃樽一樣,甜度適中, 好好飲。餐廳座位舒適, 極牛拉面牛肉鮮甜美味, 湯底鮮甜, 面條爽口, 高質美味的極牛拉面, 喜歡食牛肉的「牛肉控」必食。