霸嗎拉麵 (已搬遷) 新店位置

銅鑼灣諗唔到食咩, 走入去試, 裝修唔錯,保持日本拉面店風格, 點菜係最親切的車仔面紙 最終叫了一個特盛豚肉拉面, 加支波子汽水(懷念下小時侯先) 個拉面超多肉, 而且厚厚的, 先試個湯, 香濃,唔會過咸, 唔錯, 個豚肉超好食, 口感一流, 一層肥肉夾在中間不太厚,太毒了, 肉質鬆軟, 外面有點煎香了, 咬一口唔會好多油流落D湯, 太吸引, 心想好彩叫了特盛, 有多幾塊, 拉面面質滑流, 有點蛋味, 唔黏牙。 最後見到隔離位個餃子蠻吸引, 追加了一碟, 咬落有點肉汁流出, 煎得香脆唔太油,好食, 但食埋有點飽,好滿足。

見銅鑼灣開左新拉麵店個名都好有霸氣所以lunch time黎試下比較早黎到，所以唔洗排隊就有得食店內有好多座位睇下menu點餐紙好貼心，可以揀少油少蔥同埋麵既軟硬我自己就揀左適中，冇特別走油服務員好熱心介紹拉麵款式比我地總括黎講有3個湯底可以揀一個係豚骨湯，一個係雞湯，一係就揀辣味總共叫左2款拉麵:炙燒豚肉海苔玉子拉麵醬燒雞鎚味玉拉麵一望已經流哂口水海苔拉麵有3塊好大既紫菜食落去好脆好新鮮湯底好濃郁，聞到香香既豬骨味一d都唔咸，麵度軟硬適中，彈牙最正係隻流心蛋，外面熱入面微暖做到流心既效果，蛋味好香甜而豚肉就好大塊，好肥美，入口即溶而雞湯都係好濃雞既味道不過我個人覺得豚骨湯好味d而雞鎚好好食，因為雞好嫩整得好入味Lunch好抵食，因為加$12就有得加餃子或炸雞我當然2樣都加左餃子好多肉，炸得啱啱好，唔會好熱氣皮薄又夠哂脆炸雞好香好脆，$12竟然有咁多舊食落好juicy..好惹味因為要揀原價既雞先有沙律醬所以我拎左餃子醋黎點感覺冇咁熱氣抹茶雪糕紅豆大大粒，比較硬身雪糕抹茶味不算好濃，奶味重一點質感軟滑我仲揀左波子汽水飲已經好耐冇飲過，細個成日飲見有得叫順便試下拉麵湯底好濃好正建議必選豚骨

登龍街自某知名拉麵店進駐後，拉麵店越開越多，現在大大話話有五六間在短短一條登龍街內。今日到訪的 Bari-Uma 廣島霸嗎拉麵，應是新開業不久，地方簇新。除一般二至四人枱外，亦有一列列單排座位適合一至二人使用。在近門口的一角，是店中的製麵工場，可見店員忙於製麵，保證新鮮。拉麵店主打兩款湯底，一是濃厚豚骨湯，跟湯會拼上一片厚身豚肉。二是濃厚雞白湯，跟湯會拼上兩只雞鎚。一場來到，每款勻點上一碗試試。特盛炙燒豚肉拉麵以是濃厚豚骨湯作湯底，並有四塊厚豚肉之多。豚骨湯味道頗濃，質感稠身帶滑，拉麵麵質富一定嚼勁，掛上湯汁後同樣滑感十足。豚肉大塊厚身，四大塊份量十足。輕咬一口豚肉，豚香不俗，口感亦見鬆軟。同場追加一只流心蛋，切開蛋白橙黃蛋汁緩緩流出，火喉控制富水準。就味道而言，蛋心幾香，甜度頗高。醬燘雞鎚海苔醬油拉麵，湯頭比豚骨湯鹹一點，濃香度少了一點。但與此同時，湯質仍比一般拉麵店的湯底稠滑。用上的雞鎚不算很大隻，但因醃煮時間夠長，雞肉離骨入味，甜感重。湯中放有一片海苔，跟湯接觸後難免脆度有所下滑。跟麵追加一份粟米，個別用小碗奉上，清甜度普通喇，建議煮熱粟米才上菜更佳。除拉麵外，餐廳另有石燒飯供應

登龍街出名多日式拉麵, 天天排大隊. 最近廣島霸嗎拉麵進駐了又要分一杯羹, 爭一席位. 其實對於食客的我們受惠不少, 有競爭才會有進步.去到己下午二時, 過了最繁忙食晏時段, 好彩不用排隊, 但店內依然爆滿.聽講這店在日本以最濃豚骨湯底第一見稱. 湯底由日本直接空運到港. 湯底用料是用了豚骨, 雞骨和多種蔬菜熬製10多小時而成, 再加入溜醬油提升味道; 流心蛋亦不馬夫, 用自家製的醬汁醃足一晚, 可見落足心機要做到最好.先來一碟羽根燒餃子, 不知何時開始每次吃拉麵時一定要叫餃子才覺完美.煎得金黄的外表, 咬落多汁還有肉和菜的鮮味平時多吃义燒拉麵, 今次見到menu好持別, 有雞鎚! 二話不說叫了碗醬燘雞鎚味玉拉麵, 先講湯底果然濃而不膩, 帶有黏口感覺, 應該是豚骨雞骨的骨膠原精華所在. 麵條彈牙有嚼勁, 卦湯力足. 雞鎚不可不提, 憫至軟腍完全入味, 肉質嫩滑, 推介之選. 流心蛋做得非常出色, 外彈牙內軟熟, 疍味香甜, 滋味!义燒亦是店方自慢之品, 要了一碟炙燒厚切豚肉. 陣陣焦香樸鼻而來. 選用了豚腩部位, 經過炙燒將油脂迫出, 面上加了少許自家製辣椒醬, 香口惹, 值得一試最