籽泰 (已結業)

嗰日夜晚去碧海藍天AEON買嘢，完咗就喺附近搵餐廳，我哋食咗呢間叫做籽泰（一開始以為係「太子」）😂籽泰船麵（豬肉🐷）船麵有唔少芽菜、所以咬口好爽😄 chop chop 聲好有咬蘋果 ASMR 的治療感覺😂 同埋有菜感覺清爽健康啲。肉類包括了豬肉丸、肉片，炸豬皮。湯底都算清甜、唔會過鹹👍🏼另外，我叫左一碟豬手。肉質好冧身，可以話係慢煮嘅質地😋 再點泰式酸辣醬🌶️就更加惹味。佢地嘅酸辣醬texture 都有種生磨蓉嘅感覺、唔通溝咗白蘿蔔蓉？ 所以無平時果啲咁水。泰北咖喱黃金麵上菜嘅時候聞到一陣好特別嘅味道，有啲似四州咖喱魚蛋咖喱味😍 味道過癮。黃金麵就係炸過嘅麵，索晒啲咖喱湯底之後都仲係脆脆地，口感有脆有軟。炭燒豬頸肉份量比起喺Menu睇到嘅多小小，外觀差唔多，可以燒到有燶邊、幾香脆可口。肉質都有啲彈牙。醬汁係鮮茄辣醬，所以會有少少甜酸味道🍅 少少辣味，平衡口味、入口好味金柚子蝦沙律好難得可以搵到有唔辣嘅柚子蝦沙律🥗🍤 好多泰國沙律都係用辣做主調。柚子肉都幾大舊😍 咬落幾juicy 💦 而且上面會有櫻花蝦同埋炸蒜碎🦐🧄 咬落口咁就更加豐富😌馬拉盞炒通菜份量正常，味道唔錯，馬拉盞都唔會好辣😀

因工要去到山旮旯咁遠做嘢，本來諗住附近都應該冇咩好食要出返’市區’，但係收工已經成8點，真係太肚餓唔想再行，就諗住喺Aeon求其搵間嘢食。點知全部都係啲連鎖店，咩八方雲集、敏華冰室、Saizeriya.....真係好冇食慾。行行下俾我見到有間終於唔係chain store，見佢裝修得幾靚，乾淨企理，晚市仲有八折，就決定入去試下，點知真係冇揀錯。我最鍾意試新嘢食，見到佢個menu，當然有一啲出面泰國菜館有嘅食物，但係吸引我嘅係一啲好少見到嘅嘢，所以我就即刻點咗。青木瓜沙律就試得多，青木瓜咸蛋碎沙律就未試過，超級鍾意食任何咸蛋菜式嘅我，二話不說就點咗，果然係好特別，應該喺香港其他地方食唔到，問返老闆，佢話呢個菜色原本喺泰國係用奄仔蟹嘅，不過香港人食唔慣，所以用咗咸蛋去代替個咸味。另外一樣新嘢係泰北咖喱黃金麵，見到佢菜牌寫係全球50大美食排名首位已經想食。嚟到嘅時候，放喺檯上面已經聞到咖喱香味，微辣，牛腩非常入味，個麵望上去有啲似普通嘅粗麵，但係食落去更加有口感。不得不點嘅係生菜包，呢個菜式雖然間間泰國菜館都有，但係係我個人飛佛，所以係必點嘅。上菜嗰陣，我係有啲奇怪佢咁細碗，仲諗住唔抵，點知