影片
更多
2022-12-06
89 瀏覽
因工要去到山旮旯咁遠做嘢，本來諗住附近都應該冇咩好食要出返’市區’，但係收工已經成8點，真係太肚餓唔想再行，就諗住喺Aeon求其搵間嘢食。點知全部都係啲連鎖店，咩八方雲集、敏華冰室、Saizeriya.....真係好冇食慾。行行下俾我見到有間終於唔係chain store，見佢裝修得幾靚，乾淨企理，晚市仲有八折，就決定入去試下，點知真係冇揀錯。我最鍾意試新嘢食，見到佢個menu，當然有一啲出面泰國菜館有嘅食物，但係吸引我嘅係一啲好少見到嘅嘢，所以我就即刻點咗。青木瓜沙律就試得多，青木瓜咸蛋碎沙律就未試過，超級鍾意食任何咸蛋菜式嘅我，二話不說就點咗，果然係好特別，應該喺香港其他地方食唔到，問返老闆，佢話呢個菜色原本喺泰國係用奄仔蟹嘅，不過香港人食唔慣，所以用咗咸蛋去代替個咸味。另外一樣新嘢係泰北咖喱黃金麵，見到佢菜牌寫係全球50大美食排名首位已經想食。嚟到嘅時候，放喺檯上面已經聞到咖喱香味，微辣，牛腩非常入味，個麵望上去有啲似普通嘅粗麵，但係食落去更加有口感。不得不點嘅係生菜包，呢個菜式雖然間間泰國菜館都有，但係係我個人飛佛，所以係必點嘅。上菜嗰陣，我係有啲奇怪佢咁細碗，仲諗住唔抵，點知
行行下俾我見到有間終於唔係chain store，見佢裝修得幾靚，乾淨企理，晚市仲有八折，就決定入去試下，點知真係冇揀錯。
我最鍾意試新嘢食，見到佢個menu，當然有一啲出面泰國菜館有嘅食物，但係吸引我嘅係一啲好少見到嘅嘢，所以我就即刻點咗。
青木瓜沙律就試得多，青木瓜咸蛋碎沙律就未試過，超級鍾意食任何咸蛋菜式嘅我，二話不說就點咗，果然係好特別，應該喺香港其他地方食唔到，問返老闆，佢話呢個菜色原本喺泰國係用奄仔蟹嘅，不過香港人食唔慣，所以用咗咸蛋去代替個咸味。
青木瓜鹹蛋碎沙律
1 瀏覽
0 讚好
0 留言
另外一樣新嘢係泰北咖喱黃金麵，見到佢菜牌寫係全球50大美食排名首位已經想食。嚟到嘅時候，放喺檯上面已經聞到咖喱香味，微辣，牛腩非常入味，個麵望上去有啲似普通嘅粗麵，但係食落去更加有口感。
泰北咖喱黃金麵
1 瀏覽
1 讚好
0 留言
不得不點嘅係生菜包，呢個菜式雖然間間泰國菜館都有，但係係我個人飛佛，所以係必點嘅。上菜嗰陣，我係有啲奇怪佢咁細碗，仲諗住唔抵，點知原來佢個碗係細，但係好深，所以其實一啲都唔少，生菜以為得幾塊，但係原來夾住咗，所以大大細細都有8塊，份量好足。
味道方面，因為我好鍾意食辣，我覺得味道夠晒，唔會唔拖唔水，肉碎有咬口，配埋新鮮脆口嘅生菜啱啱好。
豬肉碎生菜包
1 瀏覽
0 讚好
0 留言
飲品係話梅梳打，唔算好甜，話梅解辣良品，食辣嘢必點。埋單8折之後先係百幾蚊，抵過出面食嘅泰國菜好多，不過入到去咁僻做嘢嘅機會唔多，下次有機會一定再去食過。
話梅梳打
1 瀏覽
0 讚好
0 留言
張貼
