Orange Elephant Thai Restaurant (博文街) (已搬遷) 新店位置

復活節假期後返工真係生不如死，食啲好嘢幫自己打打氣。Orange Elephant 每日都有一蚊特價菜色，星期三超級抵食，原本$169嘅泰式明爐烏頭魚，而家只需要一蚊，真係平到笑。條魚夠滑，冇腥味冇泥味。可能因為佢落咗一啲泰式醃檸檬或者梅子（？）去辟腥味，令到個醬汁酸酸甜甜，非常開胃，而且仲有一啲菇菌類伴碟， 十分豐富，呢個真係超級抵食，星期三必食之選。泰式滷水焗豬脾粉絲煲又係超抵食，一上枱見到全部都係粉絲，以為係啲鬼祟餐廳只放少少肉喺下面，仲要用生菜托住扮多果種，點知一撥開d粉絲，下面全部都係肉！肉好淋唔需要練牙力，又有少少豬皮唔會太瘦，味道又甜甜地，好食。西蘭花炒蝦球比我想像中細碟，好彩蝦球尚算新鮮，唔會軟爛爛，西蘭花都夠味， OK。飲品叫咗個椰青，好有泰國feel。咁豐富埋單唔洗$300，真係好過自己煮🤪

每日都有一款 $1優惠菜式，試問有邊個見到唔會心心眼，雖然係優惠，但食物質素一d都唔馬虎。蛋網海鮮金邊粉($88)，蛋包飯就食得多，蛋包金邊粉第一次食，一切開入面即噴煙，熱辣辣，夏天食返d酸酸尾尾即美食好開胃，攪拌埋花生碎一齊口感更好。泰式滷水豬脾焗粉絲煲($106)，粉絲唔會太乾太濕，掛滿住豬脾既肉汁，至於豬脾亦煲得好腍，而且去晒骨。黃咖喱雞($1)，哩個就係優惠菜式，雞肉都有好多，絕不馬虎，咖喱味香濃。特選椰青($42)，大大個椰青，滿滿既椰水，好飲，椰肉容易刮起，好方便。

泰國菜就成日食，食食下唔識煮都識得分析下佢既特色今次黎到大角咀尋找泰味，Orange Elephant出面裝修相當新派，幾靚下，搵都易搵啲，地鐵行過去都唔使5分鐘(拿我唔係想影架的士架，唔通call佢使開啲咩)店舖入面走簡約風，有啲日本野既感覺，加返少少泰味，非常精緻啱啱聚會或者拍拖食都有浪漫味(支水都高檔次過人啦)地方闊落，坐得舒服慢慢叫野食，餐牌花多眼亂，到時你再睇下，我留返啲篇幅講我食左既正野先黎勞蘇食推介 —— 泰式燒牛肋條可以試下先唔好點醬，食下個牛味，好濃既牛味牛肋條算係一個幾上乘既部分，燒同醃得相當不錯牛肉未全熟，保持軟腍加埋自調既泰式醬汁，肉味濃既關係特別調濃啲既醬，貼心啲泰味惹味酸酸辣辣味出晒黎完全無得輸，必食之選泰式滷水豬脾焗粉絲煲，試一間泰國餐廳，豬脾都係其中一個必食個煲連埋好吸味既粉絲，好難唔好味粉絲同配菜加埋泰式滷水汁就當然正，豬脾較重九層塔同八角味既，我自己就覺得好味肉質非常腍身，最正既推介係挾舊皮+肥+瘦一齊食滿足到呢壓軸有$1特價菜式，今日係明爐烏頭，無錯，你無睇錯，係$1 明爐烏頭你以為將貨就價收廣告之效？錯晒，完全正宗成條連明爐咁出現先試湯底，好多泰