Orange Elephant Thai Restaurant (博文街) (已搬遷) 新店位置

每日都有一款 $1優惠菜式，試問有邊個見到唔會心心眼，雖然係優惠，但食物質素一d都唔馬虎。蛋網海鮮金邊粉($88)，蛋包飯就食得多，蛋包金邊粉第一次食，一切開入面即噴煙，熱辣辣，夏天食返d酸酸尾尾即美食好開胃，攪拌埋花生碎一齊口感更好。泰式滷水豬脾焗粉絲煲($106)，粉絲唔會太乾太濕，掛滿住豬脾既肉汁，至於豬脾亦煲得好腍，而且去晒骨。黃咖喱雞($1)，哩個就係優惠菜式，雞肉都有好多，絕不馬虎，咖喱味香濃。特選椰青($42)，大大個椰青，滿滿既椰水，好飲，椰肉容易刮起，好方便。