Cambo ขุนทอง (The ONE)

營業中

休息中

同屋企人食飯 未試過就過咗嚟試吓我哋一行8人 被安排左坐門口出菜位旁講真唔係真係坐得好舒服 好多人出出入入近出菜 啲人走嚟走去 坐都坐得有啲拘謹嘅.服務呢.. 員工服務態度就真係要改善下…短髮女員工態度呼喝 叫佢加水會西面…有啲扣分另1位男員工由點單開始都係服務好 又熱情而且好主動幫忙加水 印象分幾好.食物方面 食物選擇多 好多都好吸引 同埋質素幾好 某幾款的確好食 //🐔泰式去骨海南雞 - 半隻 ($112)推薦‼️雞肉非常嫩滑多汁 加埋特製泰式醬皮薄 唔會好肥 食落爽滑 有雞味且濃郁.🐟泰式明爐烏頭魚鍋 ($188)大大條烏頭 加有多種泰式香料 再淋上酸辣汁伴有香蔥 芹菜 肉碎 辣椒 粉絲 酸菜 菇片等就咁食配菜都好開胃 烏頭亦非常嫩滑入味 超正！.🦀泰式青咖喱軟殼蟹鍋配法包 ($138)青咖喱煲連爐上 唔怕會凍咗 咖喱偏稀食落偏甜重椰香味 微辣感 正常水準軟殼蟹配炸薯仔係分開上 另配多一條大法包軟殼蟹大 炸得酥脆 就咁食會好油一定要沾汁🐮泰式青咖喱牛腩鍋配法包 ($108)另外揀咗牛腩 牛腩配埋牛筋 燜到好軟腍入味 .🍤泰式拼盆 - 大 ($258)蝦餅 泰式魚餅 墨魚餅 蝦春卷

今日經過The one 見到泰國菜 無論賣相還是其他都略為吸引 所以同朋友都試下🤣👍🏻首先叫咗泰式青咖喱軟殼蟹連法包 $99青咖喱都表現出色，茄子都入味，法包亦可沾湯，超正😊😊然後叫咗 泰式炒粉連餐湯 $72 味道都好食，又有檸檬可以加都幾好再叫左個泰式活蝦刺身 $99 海鮮都新鮮 蒜蓉辣汁都好食🤣👍🏻👍🏻現場環境亦唔錯，服務態度都不錯，下次可以再食賣相：4/5好食程度：4/5服務：4/5衛生：5/5

下午行完街，經過The One睇到呢間泰國菜好多人食緊，又突然好想食泰國菜，即管試試😆首先叫咗份活蝦刺身$99酸酸甜甜嘅辣醬，配上新鮮嘅活蝦刺身🦐，好開胃😄朋友叫左份午餐set泰式炒粉 $72 （+$8叫多杯椰汁紅豆冰）味道不錯，食得出好有火喉👍🏻泰式青咖喱軟殼蟹 配法包 $99哇～ 呢個真係好好味😋 青咖喱甜甜地 裏面仲有茄子🍆而軟殼蟹另外分上 可以點嚟食但法包就比較耐先出～ 食到有啲飽飽地先出😌味道：5/5環境：4/5服務：4/5衛生：4/5抵食：4.5/5

黎到尖沙咀The One, 第一次食金寶，原來有免費泊車，唔洗食得咁趕。當晚Walk In得返出面位置，佢地用易拉架放透明膠片，但要行入座位真係有d難度，因為有d窄，而衛生問題，我唔想成個人掂到d易拉架再行入去，好彩服務員都有幫我地拉開。果日全日忘記食野，所以有d餓，2個人叫左春卷，炸魚餅，廚師推介大蜆粉絲湯煲，泰式炒粉，椰汁西米糕，千層糕，可惜最想食既生蝦刺身賣哂。春卷個皮好厚同幾硬身，炸得麻麻，可能炸好之後放耐左，個餡冇乜特別，可以唔洗試，有d失望。炸魚餅中規中矩，冇乜特別。廚師推介大蜆粉絲湯煲，果然冇介紹錯，第一次食到呢種湯底，顏色好清，睇落似清酒煮蜆嘅湯，分量足料，性價比高，啲蜆幾大隻同幾新鮮，另加咗肉碎，肥豬肉同粉絲，個湯底好好味(可能重味精), 偏酸微甜鹹鹹地辣辣地，飲左2啖，感覺好開開胃，好啱送飯。泰式炒粉，係推介食物見到所以叫黎試下，都好大碟，2個人食都覺得有少少多，個粉偏甜，濕濕地，整體都算唔錯，唔算十分出色。椰汁西米糕，千層糕， 椰汁西米糕整得認真麻麻，入面有芋頭，粟米，椰汁唔夠香，千層糕極軟身，同平時食到好煙韌既差好遠，班蘭葉香味亦得好小，有啲失望。返到去果晚極口

今日同啊妹行街，先黎到The One覓食兩個都想食泰國野！Search到呢間好似好吸引咁我地率先order左生蝦刺身基本上係我地兩姊妹必食嘅泰國菜九隻生蝦BB, 上面鋪滿蒜同辣椒我唔客氣啦隻隻都好有肉地，好fresh~~都幾辣下刺激嘅開始~~Pad thai又係我地必點主菜之一，繼續我地嘅蝦蝦蝦~蝦肉彈牙，羅望子醬好重手，好甜，微辣套餐有跟一碗湯，清清地，解下辣，不錯。之後嘅重頭戲！「泰式青咖哩軟殼蟹」！見網上都多人點，所以試試佢！平時青咖哩跟豬或雞就成日試，呢個真係好新鮮軟殼蟹另上保持佢酥脆嘅口感，成set配法包，點咖哩汁食又係正！下次多幾個人食一定會點份薄餅..實行點到佢一滴咖哩汁都唔剩lol 今次兩個女仔就唔眼闊肚窄啦 我地好like個椰青，真係好refreshing...一啖辣嘢，一啖椰青水仲可以刮埋啲椰肉 食，好正刮到手軟，好掛住去泰國旅行啲姐姐會刮埋比你嘅時光呢個lunch真係大滿足，食飽飽可以行街lu~

式款多多的泰式餐廳，有沙律、燒烤、海鮮、炒粉麵飯等等，十分豐富。環境企理，座位之間有適當距離，自成一格。冬蔭功 ($83)• 高甜度的冬蔭功湯，而酸辣度相對較輕微。• 大蝦和配料同樣交足貨，湯汁吸收了配料豐富的味道，非常有層次。活蝦刺身 ($99)• 蝦肉鮮嫩、帶著獨有的韌性；處理得乾淨，除了蝦尾外，剩下的都是可吃用的部分。• 而舖在蝦肉上的醬汁和蒜蓉更加是這道刺身的精髓，蝦肉充分吸收各種酸甜、微辣的味道後變得十分惹味。生菜包(豬肉 | $68)• 生菜放在雪櫃保持低溫和乾爽，菜的表面不會有多餘的水份而影響口感。• 肉粒大小均一，混合了一些香草來配合豬肉的味道，放在生菜上卷起一齊食，口感和味道同樣豐富有層次。泰式炒粉 ($72)• 不過不失的金邊粉，保持一貫泰式小炒的惹味程度，油膩度適中、口感煙韌。• 碎粒花生份量頗多，可以均勻曬在金邊粉裡，顆粒的花生加上爽脆的芽菜令金邊粉更有口感。通菜 (泰式炒 | $62)• 可選擇以泰式、蒜蓉、咸魚或是清炒。• 泰式炒通菜會有輕微的辣度，爽脆又惹味的通菜很適合配以炒粉或炒飯一齊食。

係尖沙咀收工又想食泰國野，特別係生蝦，朋友介紹下就黎左the one 4樓既cambo。環境: 成間鋪環境唔算特別大，但亦唔會太迫。枱面同餐具都十分清潔，一d油積同食物積都冇。店內環境以暗光情調為主，好有浪漫既感覺。服務: 呢間cambo的服務質素要特別讚一下，所有店員都好有禮貌，上菜時間可以用奇速黎形容，真係做到賓至如歸既感覺。食物: 半打串燒沙嗲，3牛3雞，我推薦牛肉串，好多肉，炭香十足，放耐左亦唔會硬哂。相反雞一開始非常香口，但放耐左會有少少出現乾乾地既情況，所以串燒親熱食是常識吧。泰式活蝦刺身 一開始以為得7隻，原來中間都仲有1隻， 一共八隻。生虎蝦好新鮮好好味，佢既汁一開始已經幫你加好哂落去，唔洗自己點，個人覺得汁調得幾好，甜同酸比例岩岩好，唯一要留意佢真係好辣，唔係好食得辣既人要自己潑開d辣椒粒。椰菜苗 (蒜蓉炒) 味道好好，超香蒜味，佢用成粒蒜咁炒，亦落得唔多油，好健康。泰式炒粉 味道調得好好，油亦唔多，醬汁方面比較易食得出茄汁味，粉方面好有咬口，師傅炒得好均勻，唔會太乾或太濕，感覺好高質。

黎到2019年的最後一日我決定都係去番呢間好受歡迎而我又好鍾意的泰國餐廳食晚飯每一次黎都會必點呢個廚師推介✨青咖喱軟殼蟹煲✨首先講下個青咖哩，我超鍾意！超creamy ，有少少辣，帶出左個野味另外除左份量唔少的軟殼蟹，仲有唔少配菜：薯仔🥔，茄子🍆，豆角仲有一條長法包，法包外脆內軟，沾上青咖哩食，簡直一流豬肉生菜包味道好正宗，不過都幾辣下有生菜，青瓜 同生豆角不過我個人認為生豆角口感麻麻泰式炒粉都係我最鍾意食的金邊粉有幾隻蝦，同埋有雞蛋絲，芽菜，花生碎味道不錯三色冰由椰汁🥥同3隻顏色的jelly 組成冇咩特別整體黎講非常滿意

還未進門口就感受到濃濃的泰國風格，無論是裝修或裡面的香氣都令人覺得自己去了泰國，店裡面用了開放式設計，令到客人不會有壓迫感，大家覺得坐的很舒服。「活蝦刺身」🦐活蝦刺身味道鮮甜，蝦非常新鮮，外面有香濃的大蒜同辣椒，再加上酸甜的醬汁，一口可以食到酸、甜、辣，下面底部舖了一層椰菜，可以平衡比較重口味的醬汁，令到本來重口味的菜變得清新。「泰式炒粉」🥘金邊粉上面加上蛋、蝦肉、茄汁、青檸等配料，再用大火猛炒，使到炒粉變的香口乾身，最後加上花生碎撈混搞和，為整個菜增添了多一重的口感，入口微甜，然後嚐到酸味，令人想不停地吃。「泰式明爐大蜆鍋」 🇹🇭使用了一個火爐不停的煮着，可以悠閒的慢慢吃也可以，因為爐的關係，菜不容易放涼。大顆的蜆被放在鍋爐的旁邊，不會長時間受熱而做成over cook。鍋下面有不少菜跟泰國粉絲，加上酸甜的調味，令到整個湯鍋變得令人好開胃口。「椰青」🥥這個椰青又大顆又清甜，裡面的椰青肉好嫩，能夠好好的解決辛辣味，比較怕辣的人建議點這個。服務不俗，店員送菜速度快。

今日中午過尖沙咀食飯。朋友想食泰菜，我就提議黎呢間The One 入面既Cambo。呢度菜式真係平靚正。<泰式炒粉>（$69）用甜甜啲既醬炒，落啲青檸，夠曬有泰式風味，最貼近我最鍾意既Pad Thai！<蒜蓉炒椰菜苗>（$66）椰菜苗比較少食就黎食下。同椰菜一樣幾有咬口。有四款炒法，我地揀左蒜蓉炒，好香！<海南雞飯>（$68）雞有四件左右，全部都超嫩滑，配埋個粒粒份明既油飯，正！<串燒三條>（$56）豬、牛、雞各一條。上面用左啲甜甜地既醬燒，旁邊陪一啲唔辣既沙爹醬。份量幾大，滿足！<芒果糯米飯>（$55）呢個芒果糯米飯份量性價比係我近期食過最高既。芒果有好多片，夠鮮甜，糯米飯仲有白糯米同紫糯米兩款，加左椰漿不得了！呢度性價比好高，有幾款套餐$60-80包餐湯同飲品，而且冷熱同價，抵食！

每次經過都超多人等位嘅Cambo，今日早左少少難得唔使等，就同男朋友入左去食。之前都有食過，今次就試左之前無食既菜式。<活蝦刺身，$99>首先叫左個生蝦刺身，平時都鐘意食，不過無係而間食過。蝦都算新鮮，都爽，而且個汁唔會太辣，調味唔錯。<泰式炒通菜，$62>另外叫左個泰式通菜，而個基本上係食泰國野一定食既菜。通菜幾嫩，而且今次都無之前咁辣咁鹹，但係都好好味。<香茅烤豬頸肉，$76>我自己比較鐘意食豬頸肉，今次就試一試。呢個豬頸肉幾腍，香茅味唔算太重，岩哂我呢啲唔鍾意太重口味嘅人。配返個泰式辣醬惹味啲。<泰式炒粉，$72>最後叫左個炒金邊粉，炒得好乾身，不過唔係太酸，同平時食開酸少少有啲分別。最後食左四樣菜已經好夠飽，而且好滿足。

因為太忙，好耐無寫食評了！今晚約了朋友去睇頒獎典禮，所以安排吓食咩先！原本諗住去飲茶食點心的，但訂唔到位就改食泰國菜，於是上 openrice 訂位。訂左4:15pm，餐廳座落於THE ONE，坐位設於店外和店內，商場人來人往，我哋都唔想坐在餐廳外的坐位，所以取位時問侍應有冇窗口位，她說暫時未有要等，等候期間我見窗口位有張4人枱未有客的，可能我哋得2人所以唔比得我哋，大約15分鐘後還未有動静，我又問吓侍應係咪還未有枱，過了片刻就帶我哋入坐剛才那張4人枱，但要6:00結帳，因有客人訂了位，現在才4㸃幾，時間尚早當然無問題啦。兩個人叫些小食再炒碟粉都應該夠吧！先來個串燒沙嗲牛肉和鷄肉，朋友話近期豬瘟問題，唔想食豬，所以就無叫豬肉。兩款肉質都稔唔鞋口，但沙嗲醬就稍為失色，香味和辣味都唔夠，所以令到串燒唔夠惹味和香口。串燒墨魚丸都算爽口的，由於醬汁是串燒的靈魂，卻因沙嗲醬味道稍遜色，墨魚丸只能是平平無奇的味道。泰式炒粉，朋友說是此店的名菜，於是就㸃來試吓，賣相普通，份量覺得有D少，蝦同粉似是各自分開炒再併在一起，唔夠熱辣辣，感覺有D唔夠鑊氣，味道一般，並非想像中咁出色。海南雞飯，因個炒粉份量少

雖然係平日夜晚黎食 不過都多人呢所以想食既話都係訂定位先啦~呢個泰式青咖喱軟殼蟹幾好食呀用個法包點咖喱汁 唔錯唔錯~而且仲有個爐一直滾住泰式炒粉就油左少少 唔係咁岩我呢兩個人叫左三樣野之後其實張枱都無咩位置啦 份量都算正常~

上星期五晚，行The one 時，發覺Cambo 門口好多人排隊，心想下星期平日，搵日準時收工過來開飯。 今日約了舊同學到Cambo 吃晚飯，先到先拿位。晚上6點50 分到，唔係7點幾就好多人排隊。環境不錯，坐得好舒服，朋友聚會好地方。青咖喱軟殻蟹配法包，依家做緊推廣價HKD 93 , 好抵食🤗青咖喱有香甜椰汁味及 味道濃烈，配菜都算多，炸軟殻蟹，炸得好脆，唔油膩，yummy。熱辣辣法包點青咖喱汁，一流，好味呀。青咖喱汁送飯吃，掂呀。泰式炒粉：蝦爽脆，炒蛋滑，粉好入味 ，酸甜味適中，good 😋大蝦菠蘿焗飯： 菠蘿新鮮好甜，蝦爽脆，飯好入味，飯軟硬適中，炒飯炒得好靚，粒粒黃金色，美味芒果糯米飯： 芒果香甜，糯米軟綿，配上棷汁，不錯呀！這餐晚飯好滿足呀唔怪之得，咁多人排隊😄 。下次再早收工，過來吃其他推介美食先得。

以前每每想食泰菜，第一時間想起泰菜集中地-九龍城，今天喺The One 商場內見到泰國餐廳-Cambo，順道一試泰式明爐大蜆鍋大大隻蜆放喺上面，賣相十分吸引大蜆鮮甜、厚肉，味道唔錯，𥚃面既粉絲及椰菜吸收哂泰式酸辣湯汁，酸酸地，又唔辣，十分醒胃泰式炒肉蟹，絕對喺我至愛肉蟹好大隻，肉質雪白，新鮮美味，啖啖肉，有口感，好滿足法包外脆內軟，用來蘸惹味咖哩汁，十分夾泰式炒粉蝦肉新鮮彈牙，金邊粉唔腍，有口感，配埋甜甜酸酸醬汁，好惹味，加埋青檸汁，味道更有層次