Ann Mamma Thai kitchen by 張秀玲

營業中

休息中

泰國餐廳眾多，最令我們印象深刻的要數這間Ann Mamma，除了名字獨特，味道出色，更是長期人山人海，多次想Walk In都無得入，足以證明有幾受歡迎😎✏️位置（7/10）：荃灣福來邨附近，不算難搵，步行到荃灣廣場只需15分鐘✏️環境（9/10）：泰式悠閑裝修，感覺舒適自然✏️服務（8/10）：上菜快，侍應會幫忙加水，亦主動問客人要不要打包✏️食物（8/10）：食物質素好，人流多當然有原因🌟泰式無骨鹵水豬手 - $118無骨豬手啖啖肉，份量又多，豬手皮十分香軟嫩滑，鹵水汁香濃，豬手很入味，連芥蘭也美味，配帶點香辣的特製醬汁，味道更加吸引🥰🌟黃咖哩牛腩 - $96黃咖哩很香，微辣中帶香濃椰漿味，牛腩煮得很稔，啖啖肉又有牛肉香，配個入味的炸薯仔、洋蔥及炸蒜碎等，全部都伴飯一流😍🌟冬蔭功湯 - $118放入五隻鮮味大蝦，配上大量草菇、蕃茄、芫荽等，煮出來的冬蔭功湯酸辣味突出，甚有泰國風味😜🏠Ann Mamma Thai kitchen by 張秀玲 📬荃灣曹公坊11號地舖

小食併盤（$99），蝦餅×2（大件，可以一開二當4件食，味道正常）、春卷×2（係素菜春卷，本人都係鐘意有肉嘅多啲）、雞棗×2（同樣味道正常，以併盤計得2粒算少，較難share）。大蝦柚子沙律（$108），柚子清甜多汁唔澀，撈埋沙律汁酸酸甜甜微微辣好開胃，大蝦夠大隻亦彈牙。泰式無骨鹵水豬手（$118），比想像中大份，以為好多菜墊底（的確都好多菜），但豬手都好多，啖啖肉，夠哂飽。鹵水夠入味，而且又夠淋，但淋得嚟又有𡁻頭，唔錯。大蝦炒金邊粉（$118），夠乾身唔會濕淋淋，我最鐘意呢種口感嘅炒金邊粉，Good。PS：啲餸超快就上枱，夠哂有效率。

下班後，特地來到位於荃灣香車街街市對面的『Ann Mamma Thai kitchen by 張秀玲 』買外賣回家。在荃灣眾多的泰菜館中， 先生獨愛這家，平日堂食多，限聚令下，外賣都很方便， 下單後， 等待十五分鐘，便可回家了。在抗疫和工作疲勞下，先來兩杯帶酒精的特飲醒醒神～～西柚特飲 $78甜酸和諧， 喝上兩口，心情非常舒暢。青瓜特飲 $78想不到清新的青瓜與氈酒能夠如此配合，易入口，而且份外解渴。泰式無骨鹵水豬手 $108每次必點， 去骨豬手炆得入味軟淋， 香料味重， 底層鋪上芥蘭，有肉又有菜，非常健康，豬手汁用來送飯一流。大蝦炒金邊粉 $108先生的最愛，金邊粉面層鋪滿碎花生和炸蔥頭，混合炒香的麵條，豆芽，油豆腐等， 口感十足之餘， 層次也豐富，大蝦爽口，啖啖滿足。

今日放工去左荃灣Ann Mamma Thai Kitchen買外賣同家人食。叫左泰式燒雞，泰式無骨鹵水豬手，泰國炸魚皮，泰式燒豬頸肉，泰式燒雞肝。泰式燒雞：肉質都算嫩滑，不會太鞋口。泰式無骨鹵水豬手：豬手皮好重骨膠原咬落口感良好。而肉質口感好好，不會過份淋。味道都好好，個汁配合得好。泰國炸魚皮：夠乾身唔會好油膩，辣粉辣辣地更加好味道。泰式燒豬頸肉：味道良好，肉質口感同樣不錯。泰式燒雞肝：好香烤雞肝味道，不會過份乾身有汁，而個醬汁都配合得好好。

政府剛放寬可以晚上可以2人一枱，我約了好朋友抖抖悶氣。荃灣是行街的好地方，在open rice搜索附近有什麼好食，見到Ann Mamma泰國菜門面很有品味，所以試一試。餐廳有两層，我們被安排坐在地下大廳，這裏裝修優雅，看得出老闆很用心去打做舒服環境。檯與檯之間分隔也遠，疫情關係，餐具轉用即棄型，食得安心。大蝦柚子沙律頭盤是大蝦柚子沙律，蝦很大隻， 肉質彈牙而且新鮮， 很多柚子味道很甜， 配上酸酸的醬汁，很開胃！泰式無骨鹵水豬手很大碟， 鹵水煮得入味 ，肉質軟淋 ，沾上帶點酸的醬汁，帶出豬手香味， 而且豬手下面舖滿了芥蘭菜， 有肉又有菜，十分抵食。炸蝦餅4件蝦餅啖啖蝦肉，爽滑彈牙， 蝦味道濃郁，配上泰式甜酸醬，我吃了3件，食唔停口。沙爹(雞肉/豬肉)上檯時還很熱，應該是即叫即燒的， 肉切得很大舊，還有滿滿的肉汁，沾上沙爹醬，少少辣，帶出它的香味。青檸梳打飲品我們點了2杯中，外面實在太熱了，飲下冰涼解渴。整體而言,這裏佈置很有休閒感覺，環境舒適，交通方便,食物味道也不錯，我們約不久的將來再次光顧。

今日放工故意去荃灣試一試這間泰國餐廳， 餐廳內裏寬敞，分別由上下層 ，由於太肚餓的緣故， 故這次沒有叫了小食， 便直接叫了兩個主食和一碟蔬菜 ，主食分別是泰式燒春雞半隻和泰式無骨豬手， 蔬菜方面我們叫了魚露蒜子炒椰菜。先講講雞 ，食落去比較甜和雞皮都脆身， 亦都都醬汁可伴，少少辣可以有兩種層次品嚐，另外雖然只有半隻份量 ，但都足夠二至三人進食 ，內裹亦有雞鎚雞髀等等部位， 其次是豬手， 豬手感覺比較油，邊皮位亦都比較肥，豬手底部亦都有大量醬汁保持濃味， 底部亦都有蔬菜吸收湯精華，可以兩食， 最後我們都叫了一碟蒜子椰菜，食落去中中矩矩，感覺得適中， 而最後我和友人都叫了兩杯飲品，一杯是泰式奶茶和椰青，奶茶方面比較符合泰式飲品的本來甜甜的味道 ，而原個椰子亦都份量十足，很多椰子水，可以值得一試

印象中的曹公坊，對著市政街市，周邊多數是街坊茶餐廳、粉麵店、火鍋、雜貨店，裝修簡約、價錢大眾化，若非在附近工作或是街坊， 也不會特意選擇在這裏覓食。可是近年開始慢慢起了變化，多了其他類型飲食店進駐。早前透過網上媒體得知這裏開了一間富蘇豪味的泰菜，裝修chic，以年輕客人為主，在抗疫其間仍幾近滿座，難得。餐廳分上下兩層，感覺算寛敞，隨身物品亦有空間可安置；瞄一瞄餐牌，照片不多，參考有限，只好憑直覺點菜。大蝦柚子沙律 $98我最愛這款沙律，入面有很多一梳一梳的柚子肉、 配上泰式酸辣沙律汁，更顯得柚子肉清甜 ，爆汁；大蝦只有三隻，不夠兩人分，但以大大只去殼蝦奉客，的確賣相吸引，肉質亦爽脆彈牙。泰式無骨鹵水豬手 $98份量大，無骨，皮肉超軟霖，肉嫰多汁，膠質重，不太需要用牙力咬，好易食，鹵得相當入味，另外超多青菜鋪底，新鮮爽口，盡吸泰式鹵水汁精華，好正 !  配白飯( $22 )一流小食拼盤 $88 ( 2件蝦餅，2件春卷，4件泰國雞棗蝦餅外型呈扁圓型 ，造形有點似"食鬼" ，熱辣辣，十分脆口，炸漿薄，絶不油膩，內涵豐富，頗有蝦味，入口彈牙，有少少肉汁，沾一點泰式酸辣醬簡直令人食過翻尋味泰國雞