黃珍珍泰國菜館

營業中

休息中

早前參加了「九龍城⻝、買、玩」活動，之後便和友人在九龍城多間餐廳遊走，一次過試盡多間食店不同的撚手菜；而第二站是九龍城的老牌泰國菜館～黃珍珍，在90年代黃珍珍可以說是泰國菜的代名詞，相信大家對她也不會感到陌生。雖然現時九龍城遍地泰國菜館，但黃珍珍仍能屹立至今，相信一定有其過人之處。餐廳分一樓及地庫兩層，而地庫更有個小小舞台，攪小型聚會就至啱不過了。冬陰魚～店子於今個冬天特別推出這個寓意「年年有餘」的冬陰魚；先將泰國紅寶石魚炸至金黃酥脆，後再置於明爐上以保持溫度；倒入以檸檬葉、香茅辣姜、魚露和辣椒膏秘製而成的冬陰湯，湯底酸辣帶勁，肉香脆又不失魚味，開胃兼保暖；確是冬季必食之選！咖哩炒大頭蝦配麵包～這味菜是咖哩炒蟹的變奏版，蝦肉鮮甜美味，選用鳳香園香脆豬仔包；澆上惹味的咖哩汁，真係越食越開胃！泰式燒豬頸肉～爽口惹味的燒豬頸肉應該無人不愛吧？配埋自家製的酸辣蘸汁就更加滋味；炸得香脆的蝦片當配角，送酒一流。青檸梳打青甜解喝，不錯。保持傳統又不失創新精神，相信這便是能屹立九龍城多年的原因吧？黃珍珍泰國菜館地址: 九龍城打鼓嶺道23號百營中心地庫至1樓電話: 27166269

嚟得九龍城，除咗食，仲有咩做吖？咪就係嚟個偽泰遊，呃自己嚟咗泰國，食吓呢間幾出名嘅泰國餐廳開心吓囉既然嚟呢度打卡，當然要嗌個充滿仙氣嘅生蝦刺身啦乾冰令氣體瀰漫，蝦肉厚身又爽口，點埋勁刺激嘅青椒醬，簡直有閃電嘅感覺菠蘿炒飯氣勢凌人，大大個勺到瀉晒，炒飯充滿菠蘿香，食到底刮吓啲菠蘿肉，好新鮮多汁，肯定冇重用豬頸肉配蝦餅嘅配搭都幾得意，豬頸肉火氣夠，雪花又均勻，加上蝦餅脆卜卜，爽皮小食拼盤上有4款餸，有香葉包雞、香辣魚餅、泰式炸蝦餅同泰式春卷當中魚餅同蝦餅真係冇得彈，生菜包春卷食都好鬼正食厭豬牛雞串燒嘅話，不妨嚟個羊架。見menu上嘅羊架燒到鬼火咁靚，上到碟又真係一模一樣，好嫩好惹味呀食咁多辣醬，嚟返杯椰汁解辣，最特別嘅係綠豆冰配椰汁，降火得嚟又滋味，同時又幾襟飲

嚟到九龍城梗係要食泰菜啦，今日嚟到黃珍珍泰國菜館食飯，晚飯時間都好多人，座無虛席，等咗半個鐘左右先至入座泰汁燒日本魷魚🦑呢個燒魷魚燒到好香，可以點特製嘅泰式醬汁或者唔點都夠味，個醬汁酸酸辣辣幾開胃，魷魚都幾大隻而且燒得啱啱好，咬落完全唔韌泰式燒豬頸肉 豬頸肉肥瘦平均，燒到好香配埋特製嘅辣醬別有一番風味冬陰功湯叫咗個一客份量試吓，平時出去都冇得咁樣叫通常都係大大盆，因為驚食唔晒所以就叫咗一客份量試吓，酸酸辣辣味道正宗，大頭蝦都好鮮味香芒蟹肉炒飯呢個完全唔辣，食到淡淡嘅蟹肉味，配少少芒果感覺比較Fresh泰式明爐烏頭條魚好新鮮落咗好多配料完全唔腥，啖啖肉，個湯係特別熬製唔係普通雞湯，食得出材料嘅鮮味泰式金邊粉傳統嘅泰式金邊粉味道，材料豐富碧翠椰青糕，椰汁西米糕椰汁西米糕係傳統泰式甜品味道正宗，不過太甜我唔係太鍾意；反而我鍾意碧翠椰青糕，椰青水同大菜糕的配搭清新，食完都唔會話好膩好滯椰汁香芋西米露和椰汁香芒西米露西米好大粒爽口，細細碗啱啱好一人一碗

潮濕既春天來到了，最好就係去食辣野祛濕，女神搞食泰菜，正合心意 ！地點揀左九龍城既"黃珍珍泰國菜館",我同男朋友約埋"為食狼"一齊係旺角花園街總站坐紅van落九龍城，去到打鼓嶺道，直接門口落！我地三個早左到，攞位先，由侍應生帶領我地上二樓。餐廳環境佈置美觀，座位舒適。我地合共18人，分開兩大圓枱坐, 每枱坐9人。分開點菜，我地呢枱點左十一道菜式:-1.酸辣鳳爪 : 男朋友既至愛 , 鳳爪比較瘦小，咬感爭d, 味道偏辣！搞到男朋友都搖哂頭 ……2.泰式小食併盤 : 有春卷，炸得香脆。蝦餅、魚餅比較普通。香葉包雞，雞肉滑嫩。3.馬拉盞通菜 : 一般炒通菜，不過不失！4.泰式海鮮炒粉 : 海鮮少，感覺得蝦，炒粉唔會太油膩！5.泰式酥炸軟殼蟹 : 炸得酥香，口感似啖啖魷魚肉。6.馬拉盞炒飯 : 炒飯粒粒分明，少少辣，好食過碟炒粉！7.泰式燒豬頸肉 : 肉質嫩滑。8.泰式明爐魚 : 有生魚及烏頭揀，我地揀左烏頭。魚肉一d都唔腥，肉質鮮滑，連湯汁食， 到痺！9.什錦沙爹串燒 : 我地點左牛、雞、豬三款。我揀左豬串燒，燒得比較乾，致其肉質較硬 ！男朋友揀雞串款，見他連吃兩

在下今天初試牛刀，將我的第一次送給珍珍。約了中學時代的“project鐵三角” ── 兩陳一李，到九龍城寨一聚，到黃珍珍落腳，廢話少說，上菜！1. 冬蔭功湯 黃珍珍的冬蔭功湯，材落都落足，對於不嗜辣的我，酸辣程序都適中，兩位陳小姐就認為可以更辣。而為了更切合香港人的口味，黃珍珍的有加椰子汁，中和了辣味，個人很喜愛！2. 泰式燒豬頸肉 惹味版的中式叉燒加三中蝦片，穩穩當當，醬汁蠻好味！3. 泰式柚子沙律 對於 “沙律怪”的我，任何一碟普通的沙律我都愛，而珍珍這個也真的普通！哈！ 85%都是柚子肉，加入少許乾蔥、花生、蝦米粹及咸味醬料，有多三隻小蝦！就是這樣！中規中矩！4. 三味魚柳 甜酸醬加炸魚柳，又一中規中矩作品，好處在於沒有一般茶餐廳或大排檔的甜酸東西的那陣刺鼻的酸味。其實不值一讚，應該是要追樣才合格！5. 泰式咖喱炒蟹 如果這是她的招牌菜，珍珍應記十個大板！賣相可以，不過還是杷蟹蓋放上面好，懶得很！蛋漿埋芡，不過得個看字！她實際上是不怎樣有咖哩味的！我都不接受，一個咖哩痴會有比八十後更強的反對意欲、衝動！6. 小甜品 – 芒果糯米糍、椰汁糕、芝麻糕 雖然得四