阿來泰式地道風味 (已結業)

泰式茶餐廳路過長沙灣，見到新開張阿來泰式地道風味餐廳，愛食泰國野嘅我，即時入去吃個晚飯。叫了海南雞配油飯，泰式肉碎生菜包，飛天通菜，柚子沙律，飲番杯咸檸7。海南雞肉嫰雞味濃，點上微辣蒜蓉紅辣椒醬，好正，加上油飯清香，已經好滿足飽了5成。泰式肉碎生菜包，肉辣辣地咸咸地，用生菜包住味道啱啱好。飛天通菜，莖有少少硬，葉就好嫰，好有泰國街頭風味。泰式柚子沙律，柚子好新鮮大大粒，好有咬口。飲番杯咸檸7，降降火，好爽好爽。今晚真系大飽口福，大滿足go go go 泰式咖啡好甜，但味道真的和平時西式咖啡好唔同，幾香幾滑。食了熱氣野要飲番個椰青，滿足了，遲D先去泰國。

住了長沙灣十幾年，食肆都是以茶餐廳為主，而且很多24小時的茶仔，無論打風落雨，半夜肚餓也只需要落街行2個街口就可以醫飽肚子，至於面對租金不斷上帳的環境下，舊的茶仔做不住了，新開取替的很多時也是茶仔，但近年開始多新樓落成下，終於開始有不同的食肆進駐，而不再清一色茶仔了﹗是的，前新是一間茶仔，現在取替的是阿來泰式地道風味，在長沙灣泰國菜只一間，現在多了阿來這位競爭對手了﹗阿來以簡約的裝潢為主，當中亦有不少泰國的小裝飾⋯餐單選擇多，價錢合理，個覺得套餐的配撘不錯又更經濟抵食⋯下雨天行兩個街口就可以吃泰國菜，多幸福，我們倆口子點了個二人餐(B)$298，選了海南雞(例牌)，還有2碗白飯，海南雞去骨，肉質嫩滑⋯套餐還包生蝦刺身，而且有8隻，蝦肉爽口，加刺身醬汁更惹味﹗另外套餐還有泰式肉碎生菜包，份量十足，肉碎以肥瘦比例大約6:4，令肉碎帶點爽口感覺，包在生菜裡面清新清脆⋯飛天通菜爽口味濃另外我們還點了一客泰式小食拼盤，包括：泰式春卷、炸魚餅、炸蝦餅和炸雞翼，非常豐富﹗泰式鐵板蠔仔蛋上枱時熱辣辣，蠔仔大粒鮮味，好適合伴飯吃啊﹗跟包包括這兩款特飲啊﹗不用另外加錢，泰式咖啡啡味香濃另外咸檸七也是特式飲

長沙灣一帶泰國餐廳向來不多，所以好多時想食泰菜都會選擇誇區搵食。直至早兩日發現之前喺元州街同東沙島街交界果間茶餐廳原來已經消失左，變左做阿來泰式地道風味。有新野梗要試下啦。門口仲寫住試業中，但入面已經坐到滿晒。有幾個2人餐可以揀，如果唔啱散叫都好多選擇。但我地都係覺得套餐抵食啲，最後揀左個B餐。首先登場係生蝦刺身，尺寸都算大隻，係略嫌唔夠凍。如果用冰鎮住，加上點埋個辣辣地嘅醬，就有冰火嘅感覺。好彩個醬都夠濃，點一點已經夠晒入味啦。泰式海南雞--基本上除左雞翼部份，其他都係無骨嘅，啱晒我地呢啲懶吐骨嘅人。而且隻雞有小小肥，唔會太乾，味道都唔錯。平時食泰國野，好少叫肉碎生菜包，因為老婆唔鍾意佢啲肥豬肉。但今次個餐又連埋生菜包，咁我唯有當飯食啦。生菜夠新鮮，咬落去感覺好Fresh，肉碎辣辣地又夠醒胃惹味。呢個飛天炒通菜炒得認真香口，老婆最愛。呢個泰式鐵板蠔仔蛋唔係跟餐架，係我見到餐牌有比佢吸引左。有啲似打冷嘅煎蠔餅，不過佢無咁油。而且鐵板上可保持溫度，熱辣辣好好食呀。2人餐仲包2杯飲品，我揀左咸檸7，老婆揀左泰式咖啡。最後值得一讚佢地嘅服務，開頭入座時我地被安排一張2人檯，而隔離檯幾個阿叔喺