Apinara

營業中

休息中

曼谷人氣名店Nara榮獲泰國曼谷米芝蓮的推薦肯定，位於金鐘太古廣場的 Apinara 正是其泰國飲食集團旗下之概念品牌店，去年重新裝修後結合現代與傳統泰國風格，運用了淨白色調和自然淡雅的元素，和一般泰菜餐廳的強烈泰國民族風完全不一樣，仿泰國建築的柱身、天然木質素材、鏡飾面牆身、米白色吊扇等多個細節，讓人彷如身處度假村之中，餐牌款式繁多，展現泰式正宗傳統料理的同時，亦加入創意元素。泰式椰子雞湯 $128原鍋明爐上蒸氣騰騰，從頭吃到底都可保持溫暖熱度，一鍋大約有四碗份量，以泰式酸辣湯為基底，注入香甜溫順的椰奶，交疊南薑、香茅、檸檬葉的馥郁香氣，調和出完美比例的濃白湯頭，配料有嫩滑雞肉和清爽菇菌，一入口微辣之餘亦多一份甜香，喝完頓時感到暖身也暖心。泰式蟹肉奄列 $188巨型厚身奄列份量驚人，將外層半煎炸至金黃酥脆，配上炸乾蔥及炸蒜等提升味道層次，裡面夾雜著絲絲蟹肉，內餡扎實飽滿，啖啖真材實料，讓蛋香與鮮味融為一體，吃時可蘸點是拉差辣椒醬，盡顯泰國地道特色。泰式奶茶班戟伴泰式奶茶雪糕 $108甜品擺盤讓人眼前一亮，富有濃厚東南亞熱帶風情，自家製泰式奶茶雪糕入口濃稠略帶黏性，茶味香醇濃郁，班戟

呢間係泰國米芝蓮推介既著名食店Nara旗下既概念品牌店 位於高尚商場 內籠裝修亦都華麗而舒服 (想影俾大家睇但次次都唔記得👀) 上菜全部都熱辣辣 蟹肉奄列好香口 不過希望裡面蟹肉可以再多啲🦀 好鍾意青咖喱雞配印度薄餅 辣得黎咖喱味合適 薄餅外脆內軟 正ಥ_ಥ 豬頸肉表面煎到香脆 肉質肥瘦分明 好食好食 蝦餅正常發揮 炒金邊粉有鑊氣 配埋鮮味河蝦同簡單調味都唔錯(๑•̀∀- )و 最期待既甜品都冇令我失望 雪糕泰奶味濃郁 表面既cream係椰子諾拉木炭芝麻脆脆口味 好特別入口一啲都唔膩🥥 呢間位於商業核心區域 好啱大家見客食飯需要體面餐廳💼

放工陪媽媽去金鐘太古廣場買嘢，買得心頭好之後，當然去醫埋肚啦。見到有間泰菜環境不錯，決定去試試。花膠海鮮冬蔭功 $268————————————講到泰菜當然少不了冬蔭功，酸酸辣辣，帶點香茅、九層塔香味實在好過癮。入面有青口、大蝦、帶子、魚等海鮮作為材料，好豐富呀，最緊要係有花膠，養顏又入味。上菜嘅時候有個蠟燭仔助熱，唔洗怕個湯好快就凍晒，慢慢飲都得啦！青咖喱雞 $148————————————依個青咖喱幾乎唔辣，食唔食辣都啱，加入椰奶，令到咖喱更加Creamy。另外配咗印度薄餅($38)，點青咖喱一齊食，非常香口。泰式蟹肉奄列 $188————————————個蛋比較乾身，蛋邊有點酥脆，包住一絲絲蟹肉，加埋炸蒜食更有風味。Fresh Coconut Smoothie $65————————————泰國總店推介，鮮果製造，飲落的確椰香重，🥥Smoothie實在適合依加炎炎夏日嘅天氣，好清爽🌀

這間餐廳 Apinara 雖然餐廳選址位於金鐘太古廣場，但是價錢算是合理。又是連續10年獲選為泰國曼谷最佳食府及奪得米之蓮殊榮。於是與一個愛吃泰國菜的朋友，晚上一嚐星級泰國菜滋味。🌟🏆😋泰式椰子雞湯（$128），店員遞上枱時，湯鍋以蠟燭座熱湯，靜待湯滚後就可以上碗。椰子湯味道濃郁，雞湯很鮮甜外，還有清新的青檸及香茅的味道，雞肉全部都是去骨、肉質非常嫩滑，方便易食，還有不少的香菇伴湯。每人都可以飲到 2碗，食完飯再添一碗，湯仍然是熱，欣賞餐廳使用蠟燭台令湯可以保暖的體貼。🥥🐥泰式蟹肉奄列（$188），是餐廳的推介菜式。這份奄列很巨型，除了在奄列表面滿怖蟹肉絲外，奄列似蛋卷一層層緊緊地包住蟹肉絲，切起來整份奄列質感都很結實。蛋是經油炸，外層色澤金黃帶脆口，而且蛋香味濃，蟹肉鮮甜。食前加入微辣的泰式辣醬，味道更惹味豐富。🦀🍳河蝦冬蔭炒飯（$148），飯底炒帶有少少濕潤，粒粒飯香充滿冬蔭公、蔥蒜味、粒粒蟹籽粒和少辣的元素。河蝦粗身又大條，蝦肉鮮甜彈牙、蝦身釀入蟹籽、蝦頭更有少少膏，配搭真的不錯。🦐☺️每樣食物除賣相靚之外，還有很唔錯的食物質素。🤩🤩👍🏼

响金鐘同客食飯，大家都鐘意食泰菜，於是揀咗呢間Apinara, 早前想食又唔想排隊，沒吃到，今次早啲嚟，唔使等位。🤭傍晚6點入去，仲有好多位。坐低就會俾蝦片小食,一邊食一邊睇菜單，脆卜卜又香口。椰汁雞湯好香椰子味，似係椰汁版冬蔭功，辣辣哋同椰汁好夾，感覺滋潤又順喉。泰式小食拼盤嘅小食種類唔係固定架，有炸春卷、炸蝦餅、炸豬頸肉、炸單骨雞翼、炸辣味豬肉丸。單骨雞翼香噴噴，食到停唔到口。蝦餅爽口彈牙有蝦味，正！春卷口感非常鬆脆，餡料係蔬菜，味道清新唔油膩。豬肉丸味道辣辣哋有肉汁，夠曬開胃。炸豬頸肉又香又脆又有肉味，送啤酒一流。泰式炒通菜係至愛菜式之一，爽口又惹味。蟹肉奄列嘅蛋漿炸脆咗，裡面層層夾住好多蟹肉，奄列面都放有滿滿嘅蟹肉，脆口蛋層中夾帶鮮味蟹肉，讚！見店名Apinara似曾相識，原來係同海港城 Lady Nara同源

上個月去完布吉🏝，已經想念泰國既美食啦，所以專登搵金鐘呢間米芝蓮級Apinara，6月底先新裝修完咋😁💡餐廳全新裝修，用左開放式酒吧同半牆間隔，以木同白色為主，座位寬敞而且開揚，亦唔會覺得好嘈👍🏻💡餐廳亦有一個包廂位置，可以16人一齊聚餐都得!🦀泰式蟹肉奄列🍳 ($188)- 超大份！呢個奄列同平時啲奄列唔同，初頭以為只係多蛋少肉，但一切開就見到佢唔係一層蛋包住啲餡，而係好多層好薄好薄既蛋包住勁多蟹肉！！！配埋炸蒜同炸洋蔥一齊食，好有口感，啲蛋好鬆脆而且好香蛋味，蟹肉量既多令蛋又唔會蓋左蟹肉既鮮甜味道，唔怕辣既可以點埋佢個泰式辣醬一齊食，好味！！🤤🍛紅咖哩和牛肋肉🐮（$218）+ 🫓印度薄餅（$38）- 紅咖哩唔算好辣，好濃郁既咖哩汁，和牛肋肉好軟嫩而且入哂味，有啲泰國香葉，泰國茄子仔同蕃茄仔一齊，令個餸更惹味。小編專登叫埋薄餅一齊食，點咖哩汁一流！😋😋🥬泰式咸魚炒芥蘭🐟（$88）- 用左一粒粒咸魚肉去炒，夠哂香同惹味，芥蘭芯仲專登切左做一片片，大家唔洗怕佢太硬咬唔到喔～🥥鮮椰子沙冰🧋 ($65)- 餐廳用咗新鮮嘅椰子打起，加左七彩珍多，大樹菠蘿，同埋粉紅馬蹄係入面，飲落去甜甜地，而且

這間米芝蓮泰國菜位於金鐘太古廣場 環境裝修高雅貴氣 空間感十足做得舒服🥰比較商場內其他餐廳的收費好合理📋而且食物質素有保證 想近近地收工食泰菜就二話不說預約這間！👍🏻✨黃咖喱軟殼蟹軟殼蟹好大隻多肉 炸得金黃又脆身🦀泰式黃咖哩好香濃 調味偏甜微辣🥘醬汁煮時應該加入了蛋黃 質地成糊狀好濃稠 口感層次豐富也好適合配埋薄餅🫓白飯🍚糯米飯一起食✨印度薄餅一份有兩大塊🫓烤得熱辣🔥酥脆但不油膩 用來配上黃咖喱醬吃一流✨泰式蟹肉奄列其中一款期間限定的菜式😍上次食過好驚艷今次來到一心要再叫多次🫶🏻奄列依舊好厚實足料 蛋捲經過油炸 邊皮焦脆好香口內裡依然嫩滑重蛋香🍳加上鋪滿海量的蟹肉 味道鮮甜口感十足🦀沾埋附上的辣椒醬更有泰式風味🌶️✨肉碎米粉生菜包泰式肉碎帶肉汁不會乾也不辣 調味帶點甜配埋鹹蛋一起食味道剛好👍🏻🥬米粉較幼身彈牙 夾埋爽脆新鮮的生菜 味道好清新😬喜歡吃辣的可以加上泰式酸辣醬汁📍Apinara (金鐘)金鐘金鐘道88號太古廣場2樓205號鋪

Apinara已經連續10年獲選為「 Thai Tatler 泰國最佳食府 」。除咗環境舒適，食物的確優質美味👍🏻一望到個menu，好多嘢都想食呀！望下隔離枱，樣樣嘢都好似好吸引🫣🔸泰式蟹肉奄列(💰158)(7.5/10)好多蟹肉呀，上面有巨量嘅蟹肉，中間又夾住海量嘅肉，啲蛋亦煎得好香！份量好多越食越飽🫣不過記得點佢嘅醬，如果唔係就會有啲淡味。🔸泰式椰子雞湯(💰128)(8.5/10)椰子雞湯好好飲，椰奶好滑好濃郁。雞肉嫩滑，仲有大大粒嘅草菇，加上酸酸甜甜嘅香草，好開胃，真係令人難忘。不過佢嘅火有啲猛，我諗煲一陣就可以叫人整熄個火。🔸泰式東北小食拼盤(💰168)(8.5/10)呢個拼盤有春卷、泰式肉腸、泰式魚餅、肉碎生菜包等等。魚餅係最好味嘅，香草味濃，肉腸亦好juicy！👍🏻本身仲叫咗芒果糯米飯伴椰奶，但食完呢幾樣已經好飽，唯有留返下次再黎食啦🤤Overall評分: 8.5/10😋

去金鐘看完電影，就去太古廣場的Apinara吃泰國菜，店室高雅，裝潢以金色和黑色作主調，天花裝上泰式傳統吊扇，牆身掛有花藝作品，營造泰國古老大宅的氛圍🇹🇭😊喜歡餐廳的商標設計，靈感來自古代泰國婦女佩戴的手鐲，簡約柔和、充滿流線美💫😊適逢2022年是曼谷成立240週年，餐廳特別推出期間限定的「曼谷唐人街滋味」餐單，試了其中2款：🔸香脆紅咖喱魷魚球 ($108)採用泰式魚餅的製作方法，主食材則改用魷魚肉，再加入紅咖喱、檸檬葉、冬蔭公醬等香料，攪拌至起膠有黏性後炸至金黃香脆🍋🌿🌶️🦑☄️ 魷魚球味道層次豐富，彈牙爽口，還可以吃到帶嚼勁的魷魚粒粒🦑🦑🦑🔸泰式蟹肉奄列 ($158)奄列非常厚實飽滿，估計至少用上3、4顆雞蛋，吃起來跟中式滑蛋、日式蛋包飯濕潤流心的口感不一樣，而是經過油炸，外層金黃酥脆，蛋香味特別濃郁🥚🥚🥚🍳 奄列包裹大量蟹肉，因為蛋和蟹肉都比較乾身，搭配乾葱、炸蒜、或者是拉差香甜辣椒醬會更滋味🦀🦀🦀🌿🌶️除了曼谷唐人街滋味，當晚還試了：🔸泰式椰子雞湯 ($128)加了香茅和檸檬葉的奶白色椰子湯底，甘香又酸酸甜甜，喝起來順口開胃。湯料十足，有爽口的草菇、嫩滑的雞肉，單獨喝湯或拌飯都很適合

Apinara餐廳環境優雅而舒適，裝潢以泰國特色為主題，仿佛置身於異國風情的世界。燈光柔和，空間寬敞，當晚7點右左坐位已經8成滿，都好受大家歡迎～.🦀泰式蟹肉奄列Apinara的泰式蟹肉奄列表現非常出色，蟹肉新鮮、口感豐富，蟹肉鮮美且蟹肉份量超級多！啖啖蟹肉😍搭配上獨特的泰式香料，味道層次豐富。奄列的醬汁帶有微辣，令人回味無窮，不過如果食得太多嘅話，就會有少少油膩感.🥢泰式小食拼盤泰式小食拼盤包含多款經典泰式小吃，如春卷、炸泰式肉腸、泰式魚餅等等。每一道小吃都為食客提供了獨特的風味。尤其值得一提的是，拼盤既青瓜同生菜配料等都非常新鮮，配合啱啱炸好既魚餅，口味岩岩好～.🥥椰子雞湯在椰子雞湯方面，椰奶與雞肉令到湯底呈現出濃郁的口感，而香茅、青檸等泰式香料的加入，湯汁濃郁，椰汁的清香與香料的味道相得益彰，酸酸甜甜辣辣，好開胃😚.🥢 泰式炒金邊粉泰式炒金邊粉同樣表現出色。大蝦金邊粉煮得很有Q彈，旁邊有花生碎左同砂糖，撈埋一齊，帶來了一個完美的收尾。.總結Apinara岩哂想食泰國菜既朋友仔，值得一試👍🏻

Apinara係拎過米芝蓮既精緻泰菜餐廳，餸菜味道好之餘，價錢亦唔算貴，而且環境舒適，適合約埋三五知己一齊品嘗。✨泰式椰汁雞湯上菜時有火係下面keep住熱～入口味道超濃厚，味道偏甜，當中有濃濃既椰香味。雞肉同蘑菇份量都幾多，雞肉唔會煮到柴。我哋2個人飲到兩碗幾，份量充足。✨泰式蟹肉奄列啲蛋唔係滑身個種，反而幾香口。入面包住既蟹肉非常多，一切開就瀉哂出黎，蟹肉夠鮮甜，配埋酸酸甜甜既醬汁好開胃。✨泰式東北小食拼盤有選擇困難症既人揀呢個啱哂，一碟有齊炸豬肉丸、清邁香腸、泰式香腸、肉碎沙律。肉丸同香腸都食得出係鮮肉製成，仲保留左肉既纖維，肉丸外脆內軟，香腸就彈牙啲，兩樣都係偏香辣，啱哂重口味人士。✨青咖哩雞肉雞肉彈牙滑溜，而且份量都幾多。青咖喱一入口有香濃既椰汁味，再食辣味先湧出黎，令人上癮，用黎配印度薄餅啱哂！

上次食過Nara Thai嘅外賣，今日就一於試埋佢位於金鐘嘅姊妹泰國餐廳🇹🇭香脆紅咖哩魷魚球(6件) 🥘🦑 $108香脆得黎唔會乾，每粒都有淡淡咖喱香同埋好多魷魚粒，咬落幾juicy，完全唔辣🤤香脆蝦餅🦐（$78/3塊）非常彈牙足料，外皮香脆，裡面好多蝦肉，唔點醬都好好食，點埋泰式辣醬食就更加帶出蝦餅嘅鮮味，但真係幾辣🌶️🔥泰式蟹肉奄列 🍳🦀$158奄列裡外都有好多鮮甜嘅蟹肉😍，蛋皮好似炸過咁crispy，裡面嘅蛋層就依然嫩滑，每一啖都有多重滋味👍🏻菠蘿肉鬆海鮮雞肉炒飯🦐🦑🍚（$148）雖然外賣冇菠蘿殼🍍，但味道仍然好出色，炒飯材料好豐富：有大蝦、魷魚、帶子、青口、菠蘿、雞肉、提子乾…每啖都一定食到配料🤭食完今餐好似去咗泰國一轉 🇹🇭，下次要約埋朋友去堂食😋

位於金鐘太古廣場的Apinara 是榮獲米芝連推薦的泰國食府Nara之姊妹餐廳食物同環境質素絕不會令人失望✔️🌟泰式蟹肉奄列零售價：$158保證給你啖啖的蟹肉滋味份量十足的奄列外有金黃色的脆口蛋捲包著內裡的蟹肉一切開便有滿瀉而出😍🌟泰式炒金邊粉零售價：$128 賣相吸引的金邊粉表面有蛋網包著內層而且金邊粉與大蝦口感彈牙配上不同配料：花生、豆腐乾、辣椒粉等等滋味滿溢！🌟泰式東北小食併盤零售價：$168分別集合了4款泰國東北小食有趣的是全部都使用豬肉製成～當中有生菜包、泰式香腸、東北豬肉丸及手製清邁香腸可能因為材料相似所以味道也差不多🤣______________🔍餐廳：Apinara🏠地區：金鐘📍地址：金鐘金鐘道88號太古廣場2樓205號舖

很久沒有去旅行又很想念泰國菜，太古廣場有間素有口碑的Nara姐妹店，看menu 不算貴又挺吸引，馬上試試～⭐️菠蘿肉鬆海鮮雞肉炒飯$148原個菠蘿上菜已經好吸睛～面頭加了大大隻肉鬆、腰果之類，炒飯底係蝦頭油炒的，好香蝦味，炒飯配料有虎蝦、帶子、青口、雞肉，還有粒粒菠蘿，酸甜開胃！影完相個飯還是熱的😆⭐️泰式東北小食拼盤$168未吃過泰式東北菜，見到圖就馬上點來試試～原來全是豬肉做的小食～香脆東北豬肉丸、手掣清邁香腸和泰式香腸、清爽肉碎沙律，配一個辣辣地的醬汁很好吃。Menu特別推介「曼谷唐人街滋味」⭐️泰式蟹肉奄列 $158造型很有心機，見到是一個蟹的形狀！個蛋有部分是炸得金黃色，配辣醬食都幾有風味，蟹肉出奇地多，喜歡吃蟹的朋友不要錯過～小食泰式蝦片好脆很好吃～入座時每枱都會俾的，$18絕對不貴~餐廳還有酒吧枱位置，即使一個人去吃都可以很Chill也不用尷尬～

係附近做完野想食泰國菜，見夜晚8點門口仍然排左好多人，心諗呢間一定唔差，果然餐廳格調同服務都好得體，真係開啱係金鐘呢個位置，適合商務聚餐蜆肉好有鮮味，湯底完全係用曬成個椰青，椰子水加少少辣椒既味道，當湯都好好飲，仲有好多塊新鮮椰子肉，怕辣可以揀唔辣蛋好夠厚，切開奄列裡面既蟹肉滿瀉，但由於兩款食材都較淡味，夾埋旁邊既炸蒜片及淋上醬汁會更惹味一邊係滷豬手，一邊係脆皮炸豬手，唔點醬都已經充滿鹹香同油香，夾層既脂肪又軟又厚，留係口腔令人唔捨得吞用炸鱸魚塊砌返原條魚出黎，上面鋪上大量炸蒜粒，非常香口，食到底發現連骨位都炸埋，一啲都唔浪費，鐘意咬骨既朋友一定鐘意呢道菜