Cambo ขุนทอง (The ONE)

營業中

休息中

喺尖沙咀行完科學館，就週圍搵下有咩食。行下行下就出返彌敦道去咗the one。而家天氣咁熱梗係入去涼下冷氣。上到去本身個商場都好似冇乜人流，以為都死死地。點知見到有一間餐廳叫cambo排曬隊wow。望一望完來係間泰國菜排隊都唔係排咗好耐十零分鐘就入咗去。叫咗個青咖哩軟殼蟹，生菜包肉同埋椰汁焗飯青咖哩軟殼蟹份量唔算太多，最驚喜佢竟然係有一個煲熱住，底下有蠟燭咁上。佢青咖哩汁唔錯，辣到適中，超級惹味生菜包就正常發揮，冇咩特別都唔錯。個椰汁焗飯質地有啲似芒果焗飯啲飯，嗰個椰汁好鮮甜，上面估唔到加咗好多海鮮，有蝦有八爪魚有蜆肉。非常飽肚，可以當埋甜品食。

每次去the one睇戲經過都會忍唔住望下依間泰國野😂，見朋友都有興趣，就睇戲前試下佢🤣餐廳環境幾大，枱與枱之間都唔窄又多位，一入到就見到有落地大玻璃，打卡都幾靚☺️。✨另設加一-💕 泰式去骨海南雞飯(連餐湯) $72👅好味指數：7/10海南雞肉質彈牙，皮都幾滑👍🏻淡淡黃色既飯，唔油有少少清雞湯味。-💕 泰式青咖哩軟殼蟹(配法包)$103👅好味指數：7.5/10青咖哩既椰汁味好濃🥥！配料有茄子、翠肉瓜、豆角等，冇乜辣味比較香甜，小朋友都食得。而軟殼蟹係分開上，想食先放落去滾就唔怕太腍☺️炸得好香脆juicy，另外仲配有幾粒薯仔，滾完一陣變得綿密，法包好煙韌😍索哂汁正😍-💕 炸蝦餅4件 $76👅好味指數：7/10蝦餅好厚身，外皮都唔厚粉，肉質彈牙有蝦味👍🏻-💕 椰汁千層糕 $38👅好味指數：6.9/10椰奶味重，唔會太甜，老一輩都岩食。-💕 青檸梳打 $29-環境：9/10服務：7.8/10好味指數：7.5/10回頭率：7/10

今日同啊妹行街，先黎到The One覓食兩個都想食泰國野！Search到呢間好似好吸引咁我地率先order左生蝦刺身基本上係我地兩姊妹必食嘅泰國菜九隻生蝦BB, 上面鋪滿蒜同辣椒我唔客氣啦隻隻都好有肉地，好fresh~~都幾辣下刺激嘅開始~~Pad thai又係我地必點主菜之一，繼續我地嘅蝦蝦蝦~蝦肉彈牙，羅望子醬好重手，好甜，微辣套餐有跟一碗湯，清清地，解下辣，不錯。之後嘅重頭戲！「泰式青咖哩軟殼蟹」！見網上都多人點，所以試試佢！平時青咖哩跟豬或雞就成日試，呢個真係好新鮮軟殼蟹另上保持佢酥脆嘅口感，成set配法包，點咖哩汁食又係正！下次多幾個人食一定會點份薄餅..實行點到佢一滴咖哩汁都唔剩lol 今次兩個女仔就唔眼闊肚窄啦 我地好like個椰青，真係好refreshing...一啖辣嘢，一啖椰青水仲可以刮埋啲椰肉 食，好正刮到手軟，好掛住去泰國旅行啲姐姐會刮埋比你嘅時光呢個lunch真係大滿足，食飽飽可以行街lu~

好耐無食呢間泰菜，好味又性價比高，今期推出左青咖哩軟殼蟹，起初都怕浸到唔脆，點知見人地上菜時，係分開上，即入去食。不過都幾多人，要排一陣，我地大約等15分鐘就可以入座。炸蝦餅 $68有四塊，即點即炸好夠熱辣辣。外皮炸得酥脆香口，蝦餅很厚身食落啖啖肉，十分彈牙多肉汁，沾酸甜醬更滋味。主角泰式青咖哩軟殼蟹 配法包 $96，幾乎每枱都點呢個青咖哩，一來新品，二來用火熱住可慢慢食都唔怕變凍。青咖哩香中帶微微辣，食出有香料味但唔太重，加了椰奶味道比較溫和易接受，配法包/飯都超正。貼心安排的另上軟殼蟹。法包份量都算多，切成4份烘得又脆又夠熱。軟殼蟹炸的鬆脆，同時更能吸咖哩汁，蟹肉飽滿，味道好好。法包亦係沾咖哩汁會食唔停口，很香很惹味。另外我地點多入印式薄餅 $25，只有一塊份量較少。雖然都係配咖哩食，而且味道口感更夾，但薄餅再酥香再油潤更好。泰式炒椰菜苗 $66，非常有泰菜風味，辣度剛好有鑊氣，椰菜苗好爽口，份量多性價比高。香芒糯米飯 $55，亦係抵食又好味，芒果超大又甜又多汁，仲有果香。椰漿糯米飯好香軟綿糯，紫米較有咬口更煙韌。兩款我都喜歡，配芒果亦很美味。

抵食夾大件@Cambo 收工後相約友人在尖沙咀食飯，美女想食泰菜，尖沙咀泰餐館不多，Cambo萛是最出名又抵食的一間，二話不說就早早到THE ONE排隊 我覺得Cambo什麼都好，食物好食，服務好，地點方便，而且不貴，最不好的地方就是要等啦，任何日子的晚上7點後都是出現長長人龍，要食飯一係早點/遲點食，一係就要有等的心理準備 有一個早收工的友人真好，我們不萛等了很久便入座 Cambo不時會供應不同的推介特價菜色，SO FAR每次來點都絕不出事 尖沙咀區跟本沒有便宜東西食，Cambo的菜色幾十蚊就有交易，平均一個人一百蚊左右已經好飽，下午來還有午餐SET，所以人多必然有原因 本日推介特價菜色，泰式青咖哩軟殼蟹$88 青咖哩和軟殼蟹是分開上的， 食的時候才自己放軟殼蟹下去沾青咖哩食，此舉可保持軟殼蟹脆身的口感 青咖哩是用泰國盛產的青辣椒，搭配香茅、南薑、檸檬葉、芫荽等天然香料混合製成，微辣，帶點特殊清香 青咖哩夠大碟，份量足， 法包是伴上的,上桌時還是熱呼呼，外脆內軟必然好食 個人喜好咖哩拌飯食~!白飯$14 沙爹半打$85 可自由選擇牛，雞/豬 我們就點了全牛的，

那日星期天與男友去THE ONE 睇完戲後, 選我至愛泰菜~Cambo ขุนทอง食晚飯. 餐廳以木系裝修,兼備溫暖與摩登的感覺.首先來了【活蝦刺身】共有八隻新鮮虎蝦,肉質爽口彈牙,再配蒜蓉,小青及紅辣椒,沾有秘製酸辣醬汁,食後勁開胃呢!【泰式青咖哩軟殼蟹】炸過後軟殼蟹香酥美味,但分量有點少, 附上法包來沾點熱騰騰不辣青咖哩湯汁,青咖哩湯汁內有什菜,簡真是美味極了.【生菜包(豬肉)】新鮮生菜及青瓜包豬肉碎來一齊食, 但豬肉碎味道偏向酸,食不出有其他香料味,有點可惜.男友只食了一口就不想食了.【辣椒糕炒大虎蝦】蝦膏來炒大虎蝦,香濃惹味,附有好多什菜,來送飯一流,但蝦肉略為散不夠實.不過送餐時間有點慢, 希望餐廳有待改善.

辛苦左咁耐, 難得有一日空閒時間 ,首先就去左食MY FAVOUR FOOD ~ 泰國菜 .CAMBO尖沙咀彌敦道100號The ONE 4樓L403舖假日關係 , 加上12 點幾咁早 , 唔太多人 ,一去到就有位 , 仲要係WINDOW SEAT 添 ,環境優雅 , 坐位舒適 , 感覺唔錯 .多款款式選擇 , 有酸, 辣, 咖哩等等 .頭盤當然唔少得 “ 活蝦刺身 “ ,SIZE夠晒大隻 , 咬落啖啖蝦肉 ,蝦肉鮮甜同彈牙 , 配上醃制既蒜頭同指天椒 ,仲有甜酸醬汁加椰菜甘荀絲 , 真係冇得頂 !“ 泰式海南雞湯粉 “賣相唔太特別 , 感覺一般 ,海南雞肉入口嫩滑 , 冇骨又幾方便 ,但湯底味道唔夠 , 比較清淡左D .“ 泰式燒帶子 “真係好大粒 , 同匙梗咁闊 ,一啖食落口, 又真係食唔晒 ,配上香濃既蒜蓉味道 , 入口好香 ,但又冇搶到帶子既鮮味 , 啖啖肉好彈牙丫!“ 泰式青咖哩軟殼蟹 “食泰國菜當然唔少得食咖哩啦 ,軟穀蟹 , 青咖哩 , 法包分開上碟 ,仲有個爐仔, 即時加熱咖哩汁 ,熱透後再放入軟穀蟹同薯仔 , 再慢慢煲下 ,青咖哩汁入口好重椰奶味 , 一D肥膩感都冇