雅 ‧悠蔬食

營業中

休息中

最近食得太多肉肉，要食返啲蔬菜清理下腸胃，專登搵咗呢間尖沙咀樓上餐廳食素食的～ 估唔到素食都可以有咁多花樣，中西泰日菜式都有，仲可以Crossover，餐牌款式好多～ 餐廳裝修以紫色為主調，整體感覺高雅舒適～Vita-C 奇異果汁 $45鮮榨果汁好Fruity清新，奇異果，香橙，檸檬的酸味同香蕉的甜味好配合，奇異果籽好有咬口，裏面有好多果肉同纖維，有助消化，抗氧化，增强免疫力，生津解渴，健康推介青檸百香果梳打 $35青檸加百香果酸甜開胃，配合梳打消暑解渴，夏日消暑精選～土匪腐皮卷 $98好似炸雞髀嘅造型，上面沈左土匪雞翼嘅孜然粉，好香好惹味～ 外皮非常酥脆，一咬會聽到卜卜脆嘅聲，裏面係香濃腐皮卷，整體好夾～泰式鳳梨炒飯 $138炒飯炒得好香，入口食到好香嘅泰式青檸味，酸酸地再配埋鳳梨好開胃，上面放咗素肉鬆口感好香脆～鮮蔬豆腐粉絲煲 $138材料好豐富，包括芋頭，翠玉瓜，蘆筍，雲耳，香菇，淮山，西蘭花，娃娃菜，粉絲… 咁多菜好健康～ 上湯好清甜，粉絲吸晒湯底精華晶瑩剔透好入味～

好好食又健康嘅素食餐廳，個個Staff都好Nice，嘢食款式選擇好多，味道超好食，價錢合理，中式又有，西式又有，份量又合理，仲坐得好舒服，仲有印花卡，一定會再去食

推介！餐廳係蛋奶素既餐廳，亦標明可走蛋/走奶。菜式新穎，多元化，日式/泰式/中式/西式/港式都有。環境寧靜，以紫色為主，播住柔和relax既音樂，感覺舒適。✨味道80分，環境75分，服務78分。.🔸泰式鳳梨炒飯($108)⭐️可免蛋！含菇菌類，粟米芯，青椒，紅椒，菠蘿，素肉粒。炒飯炒到粒粒分明，口感豐富，色水好夠，微辣，好惹味。.🔸大啡菇松露薄餅($158)⭐️可免芝士/免奶！Pizza芝士拉絲，芝士味幾濃郁，不過冇乜松露味，反而上面啲沙律菜就好香松露味。大啡菇好厚肉，又juicy，加埋菠蘿，蕃茄醬， 酸酸甜甜好開胃。另外仲有黃椒，火箭菜，筍，瓜類，蘑菇。

素食體驗 呢幾年第一次係無肉嘅一餐黎到裝潢好紫色嘅雅·悠蔬食同MY BOSS叫左個Dinner Set ($258)前菜已經好豐富 見到麻醬沙薑豆絲粉皮已經心心眼粉皮口感煙韌 青瓜絲爽脆 味道清新😛而香芒牛油果苜蓿芽手卷 交左比MY BOSS用苜蓿芽代替飯 感覺更健康同清新茶樹菇竹笙黃耳百合燉湯湯水入口充滿菇菌香氣 不油不膩👍🏻牛肝菌忌廉燴意粉伴香脆腐皮卷牛肝菌味道要比鮮菌濃 意粉都入晒味腐皮卷亦都好香脆 十分香口😛我哋額外泰式鳳梨炒飯 ($98)賣相很好之外 味道也很好🍍而我覺得必食係黑松露薯蓉焗大啡菇 ($158)只要簡單的調味已非常好吃大啡菇每件有掌心大小 而且十分厚肉甜品嘅杏汁椰香紅豆糕同紫薯乳酪蛋糕都好好味整體上完全唔覺得係呢餐係素食🙈_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂