篤篤車 (已結業)

2023年7月3日行完旺角波鞋街，去左女人街搵野醫肚，發現有間新開張既車仔麵，一於同朋友入去試新野，我覺得環境吾錯。我地叫左一個泰國鱷魚湯同冬陰功湯底，湯底吾算濃烈，味道適中，適合香港人口咪。值得介紹既係冬陰功湯底，酸度同辣度中和得剛好，我平時鍾意飲冬陰功湯，必點既一道菜。另外，叫左泰式鳳爪，用醋同辣椒醬浸過，好入味，仲有吉列炸蝦餅，一個字-脆！如果平時食厭左打邊爐，又吾想食飯或韓日餐，可以一試呢間篤篤車

呢一晚同老公想快食晚餐🥣行經旺角好多選擇老公想食麵 我地就揀左呢間 篤篤車📍主打泰式車仔麵🇹🇭開胃試下先😚-我地懶得諗 都揀左一個3餸配小食同菜的套餐📝我就揀左冬蔭功湯湯米粉🌶配紫菜、墨魚仔同咖喱魚蛋🦑湯底好夠足，唔會太啖又唔怕辣 有冬蔭功味🖤個人鍾意墨魚仔 好彈牙呀!😁-老公點了泰國鱷魚湯米線小辣🐊配牛丸，貢丸，紫菜呢個湯底相對會清淡一D❗️岩D唔食得辣既朋友不過如果本身重口味既，可能會覺得淡⚠️-小食方面，我地分別揀左網紋春卷同泰式鳳爪網紋春卷好脆口，配上身製醬汁好惹味😋而泰式鳳爪偏辣，相對開胃，唔食得辣既朋友要留意🤩-蔬菜方面分別點了灼菜心同炒腐乳唐生菜🥬份量都好多 好足夠!飲品我們點了檸檬茶🍋-真係好抵食😛不過就以快食為主 環境相對簡單‼️

今日去左波鞋街買鞋，買完過來女人街呢邊有間篤篤車仔麵。餐廳唔算太大，但座位舒適，燈光明亮。點左一個套餐三餸麵+小食+菜$81，另外加一碗三餸麵，網紋春卷，吉列炸蝦餅和2枝飲品。三餸麵蘿蔔好淋又入味甜甜地，豬皮又入味，咖喱魚蛋又唔辣又彈牙用，冬陰公湯底好香濃又唔會辣，配上米粉吸上湯的精華好味道。三餸麵牛肚夠淋又香濃，豬紅又彈，墨魚丸爽口彈牙，鱷魚湯底好特別，又幾鮮甜。金銀蒜菜芯，菜芯炒到好碧綠，又唔會太淋，蒜蓉味香濃。泰式鳳爪，鳳爪好爽彈，酸酸辣辣幾開胃。網紋春卷，炸到金黃色，外層鬆脆，內里材料豐富。炸蝦餅幾彈牙。

今日同朋友去旺角拎野，晚飯時間又少少餓😜決定快食！ 行經通菜街，見到一間光猛麵店🍜便決定一試，這家係篤篤車📍-睇到個名都估到係泰式為主🇹🇭原來係泰式車仔麵呢！ 我都第一次試🔎主要係湯式就以泰式為主同有泰式小食！ 朋友點了一個套餐，就係3餸車仔麵📝再加一小食同菜！🥦她點了米粉配鱷魚湯，加牛丸、貢丸同紫菜🥢鱷魚湯帶有魚湯鮮甜味😋材料份量好足！ -我就點左兩餸麵，揀左米線配冬蔭功湯🍅🌶加墨魚仔同芝士丸～推薦大家試墨魚仔🦑細細粒好爽口同彈牙冬蔭功湯少少酸同麻， 我個人想再辣d同濃d😆-小食揀左泰式鳳爪，夠辣同爽口，好惹味💯再加點左泰式炸魚餅同唐生菜🥬飲品就點左檸檬茶🍋～-真係抵食既晚餐🥣 坐得都舒服～絕對係快食之選!