篤篤車 (已搬遷) 新店位置

在元朗食車仔麵的話，以往十之八九都會去老字號的「永年士多」，不過最近發現了這間帶東南亞風的「篤篤車」，湯底幾有特色，以後可多一個選擇了。此小店最特別的是湯底中有兩款幾有泰國風：泰國鱷魚湯和冬蔭湯。我選了坊間少見的鱷魚湯底，可選不同辣度或不辣，我選了微辣，想試真一點味道。湯中下了不少紅棗、杞子及香菇，但整體藥材味不太重，反而帶鮮香。車仔餸中選了牛腩、金錢肚及白蝦仁，都唔錯，尤其是牛腩夠軟熟但不會完全失去嚼勁，是我喜歡的口感。套餐的油菜可轉馬拉盞炒菜也不用加錢，屬車仔麵店少有的選擇，唯炒得過火左少少。小食的泰酥雞翼可選辣味或原味的，夠香口，但脆皮之餘肉又不會太乾身，不俗。整體而言此車仔麵店水準挺不錯，三餸麵加小食加菜及飲品的套餐$62起跳，不貴，而且店子細細但感覺幾乾淨，總之下次可以再來。

今日好鬼熱，但都阻唔到一班食篤篤車既食客，大家都係為左碗車仔麵，連我都唔執輸，人排我又排先入面位唔多，但勝在食車仔麵，流量夠快，餐廳出麵都好快終於知點解咁多人排，皆因呢度既湯底真係幾特別，餐廳竟然用䲔魚湯做湯底，個湯底係奶白色既，有杞子等藥材，個味真係好特別，真係未試過，呢碗就叫左魚皮、響鈴同埋蘿蔔，蘿蔔好清甜，如果響鈴同魚皮可以分湯就更好喇呢碗就叫左少辣，碗湯係紅左少少，但估唔到都幾辣，入面就有豬皮、豬腸、同牛肚豬腸真係冇得彈，食落有咬口之餘仲可以吸湯馬拉盞生菜係有d辣，但係夠哂惹味蠔油菜心就當然味道正常春卷好鬆脆，剪開為六小舊，入面應該係素菜，配埋個酸辣汁真係冇得頂雞翼都係即叫即炸，入面d雞肉都幾滑簿荷青檸梳打入面真係有好多青檸，食完碗車仔麵飲返杯真係好正叫左兩個套餐，就有咁多野食，呢個價錢真係好抵

平時食開嘅車仔麵一般都係用牛腩湯或清湯做湯底, 今日呢間篤篤車就特別在經典選擇以外仲有泰國鱷魚湯, 冬陰功湯 & 咖哩湯俾你揀。 有噱頭之餘, 價錢仲相當吸引, 三餸麵都只係35蚊 。點餐紙上仲有成2-30款餸, 除咗一般選擇之外, 加$2仲可以揀海鮮添。麵底選擇都唔少㗎, 但既然呢度主打泰式湯麵, 如果有埋金邊粉我諗會更夾！奶白色湯底, 真材實料用鱷魚熬製而成, 加入紅棗杞子, 鮮味又養生。湯底有四種辣度, 我揀微辣都食到流曬鼻水, 怕辣嘅話記得落單時同老闆娘講聲啦！三餸 (墨魚仔 + 蘿蔔 + 響鈴)幾款餸之中我就最欣賞墨魚仔！鮮味爽口, 唔會煮過龍而變靭, 朋友都大讚。呢個湯底有大、中、小辣俾你揀, 朋友叫小辣都話食到出汗, 真係唔講得笑呀。愛辣之人必定上癮。三餸 (金錢肚 + 牛腩 + 魷魚圈) 金錢肚同牛腩 都非常入味, 又夠腍, 魷魚圈新鮮彈牙, 配濃味湯底就最夾。即叫即炸, 外脆內嫩, 配上餐廳自家調製嘅泰式沾醬, 當然特別惹味啦。清甜爽口嘅芥蘭配上馬拉盞, 風味倍增。食完辣嘢, 飲返杯冰凍青檸梳打, 爽呀！

雖然我無真係去過泰國，不過成日睇旅遊節目都會提到泰國有好多篤篤車，即係泰國的士，帶住乘客穿梭大街小巷(聽講有d 仲會劏客，要小心)。香港原來都有間叫篤篤車o既泰式fusion 港式車仔麵，有gimmick 得o黎又應該唔會貴得去邊啦，於是前來一嚐。點o左碗珍珠元貝牛腩金菇鱷魚湯米粉。個湯底，睇落係白白地色有d 似魚湯o既感覺；飲落，帶一點奶油o既味道，唔似魚湯，唔腥的，再因為落o左好多紅棗，有股淡淡o既清甜——原來鱷魚湯是這樣的！用佢o黎送米粉真係個幾新奇但又唔錯o既選擇wo。d 牛腩唔單止煲到好腍，浸o左湯都仲嗒得出佢個醃料，可見煲到好入味。元貝因為係海鮮類所以加o左$2，只係$2 雞，絕對值得加，雖然細細粒咁但每一粒個海鮮味都好出。食完個麵，都仲有好多沉o係底，等我慢慢打撈番佢地上o黎先……一場o黎到，梗係唔會淨係食一個車仔麵啦，佢仲有d 泰式小食我都想試呀。如果我叫一個麵加一個小食就$61，但我叫一個set 就只需$62，會再多碟菜，咁叫埋囉唯有……個腐乳唐生菜就唔會話好特別，但你幻想住e 碟菜只係需要$1 雞，諗落都覺得興奮……泰酥炸雞翼先係重點啦！o係叫o個陣已經可以揀辣定唔

今日喺元朗試試另一間車仔麵，位置喺馬田路舊B仔對面。入到去店員殷勤地招呼就座，就座後望一望Menu，見到有唔同湯底選擇，分別有泰國鱷魚湯、冬蔭公湯、牛腩湯、咖喱湯及清湯，而辣度亦有分。鱷魚湯底車仔麵真係未試過，咁今次即管試試。我哋叫咗兩碗油麵，餸方面第一碗叫咗豬腸、冬菇、蘿蔔、豬紅同炸魚蛋，另一碗就有金錢肚牛腩同芝士丸。另外加多一客炸雞翼及兩杯薄荷青檸梳打。食物大概等咗8分鐘就到，未放底已經聞到濃濃湯底香味，一放底時已急不及待要試一試個湯。個鱷魚湯好濃，配上杞子甜甜地。跟住就要試下個麵，麵底淥得幾腍，食落幾爽口㗎！啲餸方面，個金錢肚做得好入味，咬落一啲都唔靭，另外魚蛋同冬菇都幾彈牙喎！其次牛腩方面，個人喜歡呢個食法，因好似食緊牛肉乾咁。豬紅豬腸亦係一個唔錯選擇，因為食得出新鮮。泰酥炸雞翼炸得恰到好處，皮脆而內𥚃夠熱，再點點個甜酸醬，可以話係完美組合。最後杯薄荷青檸梳打真可推介一下，全因杯內有唔少嘅薄荷葉，薄荷葉嘅味道亦將青檸梳打嘅味道帶出來。篤篤車無論食物與飲品都有一定嘅水準，呢間車仔麵小店一定會再去幫襯~