丼瀛 (已搬遷) 新店位置

撐🟡行動今日來到觀塘站🙌🏻來到這間在工廠區的樓上餐廳未入到餐廳已感受到濃濃的🟡 •松葉蟹肉海膽甜蝦丼 $158和友人每人點了一個丼 大量的魚子令人心情歡愉急不及耐咬下滿口的魚子🤤 海膽新鮮 沒有令人難以下嚥的腥怪味難得在小店吃到不錯的海膽！反而甜蝦就一般 吃得出那雪味玉子不夠嫩滑 但總體來說是okay的 •明太子醬燒玉子 $26 喜出望外的一個小食不只賣相 味道也令人掛念玉子滑嘟嘟 蛋香中帶明太子獨特的味道 味道匹配 玉子面燒得少少燶 香口而帶著甜風味十足•天龍卷 🍣$98來到日本餐廳不能不點卷物吧賣相中規中矩 味道也是😅 吃的時侯炸蝦已凍了皮不脆軟腍腍的 飯量十足 對我們來說更是太多😂卷物上的三文魚則普通 魚子份量不多 小失望😭•流心芝士漢堡扒 $48這款漢堡扒其貌不揚但味道卻出乎地好咬開裡面芝士隨即緩緩的流出來沾上醬汁增添層次 yum yum~•焗帆立貝 $136 想不到這帆立貝不是一整塊上殼上的是一件件切碎的帆立貝加上濃郁的醬汁 味道不錯但稍嫌濃了少少 地方不算難找 食物質素中上 價錢合理撐🟡必來捧場

最近瘟疫流行，人心惶惶，巿況低迷，丼瀛係比較有衛生意識的食店。唔單止每一枱免費提供消毒搓手液，長枱更加要隔位坐，避免同隔離太近，讓人食得比較安心。要堅持，的確唔容易，做少幾枱點都有d影響，可見老闆唔係只為賺錢，仲很有良心。 （埋單先知，而家星期一至三晚巿七折優惠，我們2人食到飽都只係$400，又幾好味，真係抵，一定要撐下！） $88抵食之選，每隻都有肉，味鮮，清酒及葱味適中，更帶出蜆的鮮甜。海膽壽司，鮮甜大隻，比預期中好！抵食！海膽醬？一樣有驚喜，食一隻唔夠海量文宣星期一至三晚巿七折，menu上食物，牆上時令推介未必包，注意啊雖然，民間好多人話黃色經濟，但而家巿況，就算巿民支持，都唔易維持，看見黃店一間間的告急倒閉，如連儂牆一幅幅的倒下....真係好心痛....

觀塘工廈又一驚喜！丼瀛openrice咁多好評，今晚準時收工終於有機會一試龍鳳，係真係十級推薦！好抵好服務好好味！個米紙卷好新鮮，皮soft芒果甜，蟹子凍冰冰卜卜脆，襯埋個麻醬100分。金菇牛肉卷又係好soft，唔會有啲肥牛筋咁既野痴晒牙，而係成舊包埋都好入味同juicy。海之幸丼有三文魚，赤身，油甘魚，赤蝦，蟹肉，三文魚子。啲魚生勁厚勁有油份。我自己勁欣賞啲蟹肉好多撈飯好正天氣開始凍就飲下養生熱飲！陳皮檸檬飲完喉嚨好舒服，唔係hea煲，係飲得出燉嫁，所以廿幾蚊超抵。芝士漢堡扒好邪惡，一咬落去啲芝士爆晒出黎，好厚肉，芝士控必點最尾要介紹最抵最打卡able既時令魚甜蝦海膽卷，抵到爛，4條都係$78。甜蝦好新鮮，海膽一大pat係上面，連埋塊魚生勁夾！呢間日本野可以一星期食一次都唔悶，餐牌上仲有好多野未試 😋

觀塘工廠區好多樓上餐廳，而且好多都水準好得，同時因為租平，所以同相對比較平嘅價錢就可以食到好野。 今次我就黎左觀塘一間叫丼瀛嘅日本料理，裝修以日式為主，牆上貼左好多張店長推介，令到人有置身日本小店嘅感覺，講返野食先！香芒三文魚米紙卷 ($68) 以好薄嘅米紙卷住芒果、三文魚同菜，芒果好鮮甜，加上充滿魚油嘅三文魚食落好滿足，配上生菜同米紙令到入口個時有種清新感，而且因為唔係用白飯卷住，所以食多幾舊都唔會好飽！流心芝士漢堡扒 ($48) 上台已經有濃濃嘅牛肉味，入口就有種好厚實嘅感覺，真材實料！同埋入面真係做到流心嘅效果，但係食個時要小心，因為D芝士好熱。炸三文魚頭 配 黑蒜油豬骨湯 ($108) 三文魚上台個時已經炸好，就咁食都已經好酥脆，而浸左落去黑蒜油豬骨湯道之後就增添多一份香味，但係記住浸兩三秒就夠，因為咁先係最好食嘅狀態。呢個鍋同時跟左好多菜、豆腐同粉絲，中和返個油膩感，值得一讚！松葉蟹肉海膽甜蝦丼 ($158) 全晚嘅亮點，上面分別有甜蝦，松葉蟹，三文魚籽同海膽，全部都好新鮮同鮮甜，甜蝦勁大隻，配上日本珍珠米同少少飯素，令到個鮮味有進一步嘅提升。脆炸流心粟米餅 ($28)佢脆得

自從觀塘工廈被成功活化之後，呢度已經成為唔少香港人嘅飯堂，今日朋友就帶咗我嚟昌榮5樓嘅呢間人氣日式居酒屋。餐廳門口有朋友最愛嘅麵包超人，加上大大個招牌，相當易認。店內裝飾用上日本娃娃同日式花布，頗為別致。我哋兩個都好鍾意食海膽，當然唔能夠放過有海膽嘅菜式，海膽豆腐帶有淡淡嘅海膽味，口感順滑，面頭以三文魚子同帶子刺身做點綴，除咗賣相精緻，亦為本身味道較淡嘅海膽豆腐添上鮮味👌🏼海膽油甘魚丼份量雖然唔算好多，但勝在表面鋪滿刺身，非常豐富👍🏻以為海膽會好似menu上咁係細片嘅日本海膽，點知出到嚟係大片加拿大海膽，我當然冇say no🙈雖然味道就冇日本海膽咁濃郁，但勝在大大片，入口軟滑細膩👍🏻另外當然唔少得脆卜卜嘅飛魚子😋油甘魚切得又大又厚，食完唔夠喉旁邊仲有切角蔥油甘魚，味道清甜，油份重，口感柔軟細滑😋天婦羅日本蕃薯炸得香脆，蕃薯清甜又唔會好乾。流心芝士漢堡扒係朋友推薦，要熱辣辣上枱即食，漢堡扒中規中矩，重點係中間嘅流心芝士，味道香濃，仲有少少拉絲效果👍🏻一口豚肉半肥瘦，表皮燒得香脆，用少少黑胡椒調味，加上少許檸檬汁吊味，一啲都唔肥膩。金菇牛肉卷係我嘅最愛，牛肉入口軟稔，燒汁夠入味，加上白芝麻

蕃薯妹又嚟搵工廈隱蔽餐廳食好西！今次響網上發現一間評語唔錯嘅日本餐廳，同朋友放工去試吓佢先😋從餐廳門面到裝潢，都睇倒店主用心佈置，好有日本小店風情。店內嘅空間都幾舒適，坐得幾舒服唔會好迫。呢度嘅食物款式非常多，睇到我地花多眼亂，樣樣都想試，價錢亦唔貴。松葉蟹肉海膽甜蝦丼 $158唔好睇外表以為佢細細碗，其實份量一啲都唔少。松葉蟹肉份量都幾多，仲要有兩隻蟹鉗，蟹肉味好鮮甜，肉質厚實；海膽同埋甜蝦都好新鮮好甜，一啲都唔腥。流心芝士漢堡扒 $48點解可以煎到漢堡扒咁juicy？咬落去可以有肉汁標出嚟，一啲都唔鞋，中間嘅芝士好邪惡！芝士控必食！脆炸流心粟米餅 $28勁好味嘅粟米薯餅，外層炸到金黃香脆，裡面係柔軟嘅忌廉薯蓉加甜粟米粒～ 必食明太子醬燒玉子 $26少少咸嘅明太子醬配上甜甜嘅燒玉子串，好match～ 好味。雞肉味噌茄子燒 $58原條茄子燒！ 燒到茄子肉好淋好好味～ 平時原條燒茄子大家都會挖中間嘅肉出嚟食，呢度嘅茄子燒到塊皮都食得。味噌稍微有點咸，蕃薯妹撥走咗少少味噌先食，但係朋友鐘意食重口味嘅嘢佢就話覺得啱啱好。花之戀 $26/1件有別於坊間食到嘅花之戀，平時都係三至四片薄薄嘅三文魚