文華雞飯(新加坡)

營業中

休息中

相信係大角嘴好多人都知道呢間海南雞飯及肉骨茶，大角嘴開咗好多食店，呢間都開咗好多年有一定吸引力，今次我哋平日午餐嚟呢度食，因為店舖開咗好多年所以裝修比較舊了！而我都係點咗海南雞飯配湯再加杯芒果優多，海南雞飯仍然keep到水準，味道正常！可能外面已經有很多海南雞飯都做得不錯，所以令到這店已經不太驚喜了！

經過記得雜誌介紹過呢間海南雞飯幾出名，咁係附近，無理由唔去幫襯下。咁早，就買外賣返屋企先食。叻沙都好吸引，不過都係試佢回主打個菜式嘅。跟餐其實加$20有菜有湯有飲品，相對抵，但本身我覺得$58都唔係平，又唔突別想飲嘢，所以叫左個飯only。同埋佢無下午茶嘅。幾巴閉喎。最吸引我嘅，係佢有三色醬，有部份出名海南雞飯都未必間間有。三色醬有甜鼓油，甜酸辣醬，同埋薑蓉。係個薑蓉無乜味，另2款都唔錯，點雞加入飯都正。佢伴菜得幾舊青瓜令到雞望落好似好多，其實個雞量少左D。但係個雞油飯就真係唔錯，夠軟綿，又夠油味，整體都回味嘅，唯一價錢少貴左D囉。

聽聞左呢間餐廳左一排，一直未有機會試，有時行過都見到有人排隊，今日終於有機會黎試試佢！餐廳環境偏細，台同台之間距離好近，所以坐得唔係幾舒服，不過比平民價錢，都唔可以要求人地比酒店咁既環境既，食物質素先係重點！海南雞飯推介：4星份量唔算好大份，不過男友話食完都夠飽既！雞肉嫩滑，入味但唔會太濃味，油飯味道唔錯，又唔會太油，同埋軟硬程度都岩岩好，我最怕有d餐廳d飯煮到軟林林，破壞哂成餐飯。雞肉喇沙推介：4星我都算係一個麵怪，對麵有一定要求！呢到既喇沙抵讚既係個湯底唔會太濃味，味道岩岩好，有d d 辣令個湯再突出d，米粉煮得岩岩好，唔會太淋，就算浸左一陣湯都無變淋到，抵讚既！雞肉好滑同夠入味，總體黎講係唔錯，值得推薦既唯一唔夠好就真係服務質素，可能夜晚多人啦，d 姐姐成日唔得閒應人，等位又無人帶，唔知坐邊，等埋單又叫左幾次先有人理，上菜既速度都偏慢，咁既服務質素仲要加一，就有少少唔抵！ （6點前免加一，勸大家想試既就6點前黎啦，唔駛加一，少人d可能服務仲好d)