國金軒

營業中

休息中

適逢端午假期，波王長輩從美返港，並於中環「國金軒」設宴一席，以國金名菜款待肥肥家族。步入中菜廳必先經過羅曼蒂克嘅香檳走廊。主人家早已安排派對於廂房內進行，房內有個獨立洗手間，私人空間足，有靚景睇，仲有專人服務，設備十分完善。餐店面積寬廣，樓底極高，裝潢雅致，連水晶吊燈及藝術擺設都有氣派過人，確真富麗堂皇。桌上有齊備嘅餐具、濕毛巾、餐巾，整潔企理，而且衛生非常。菜單雖早已定好，但八掛嘅XO仔見到旁邊有本厚厚嘅彩圖餐牌，結果都係忍唔住影咗幾頁同大家分享。首頁先道出店子嘅廚藝背景。尾頁則清楚列出各項消費，包括茶芥、開瓶費、切餅費等等。水晶大蝦球（$380/位）：為晚宴作序嘅水晶蝦球同小肥個拳頭差不多大，一上枱已令全場嘩聲四起，外型絕對震撼！據悉，超大隻嘅水晶蝦乃來自沙巴嘅老虎蝦，蝦身雪白晶瑩，且極富光澤，師傅喺蝦背𠝹咗刀即造成起雙飛嘅效果。水晶蝦球爽脆鬆潤，喺口中慢慢咀嚼可細嚐到蝦隻如何爽甜彈牙，爆！乳豬：當紅乳豬上場時已片好皮。燒至金紅嘅乳豬皮不單又香又脆，最重要係鬆而化口，大廚果然有料到！手撕二度肉質香軟幼嫩，毫不油膩，可謂皮脆肉香。陳皮炒東星斑球：紅皮白肉嘅東星斑球以翠綠嘅毛豆粒粒墊底

家姐從外國回港，酒店在港島區，所以就她在中環吃飯。樓底夠高，客人不多，而且望住摩天輪，所以環境一流。約客吃飯就最好了！ 我們一家六口，點了五個餸，其中一個是片皮鴨二食，所以算是點了六個餸，好夠飽。包片皮鴨的薄餅分為三個。一是最普通白色的原味、第二個是黑色的，最後一個是紅色。爸爸說紅色的是甘筍，但是我吃不出三個有什麼分別。片皮鴨每人都可以分到三四件，很足夠。而二食的另一個菜式是鴨鬆包生菜，味道一般。 叫了柚子汁脆蝦球。由於一碟只有五件，而我們有六個人，所以侍應幫我們加多一件，一件的收費是＄120。柚子味很清新，而蝦球炸得外脆內軟，蝦球的size亦很大，味道不錯。 清炒蘆筍，味道不過不失。但是最後看了單，竟然收我＄320，完全不值。 魚香醬蒸鱈魚黑豆腐。黑豆腐第一次見，味道一般，沒有豆味。而鱈魚魚肉好嫩滑，感覺不錯。 最後是海王西施泡飯。這個非常好吃，湯就是龍蝦湯，海鮮足料，加一些薄脆，口感一流。