天浮橋拉麵 (已結業)

近年較喜愛的拉麵店。天浮橋主打雞白湯，除了原味鹽雞白湯，還有4種口味：1. 翡翠濃湯（即是菠菜雞湯）2. 海老味噌3. 辛之味噌4. 黑松露濃湯除了有湯底選擇，還可選擇湯麵或沾麵。原味雞湯適合清淡口味嘅你，海老味噌及辛之味噌至啱濃味達人，翡翠濃湯較特別，有菠菜又有雞湯味，平衡的味道。麵質方面恰到好處，夠爽口彈牙。每碗麵跟一隻流心蛋，蛋黃流心香滑。還有雞叉燒，選用錦爽雞，嫰滑有嚼勁。小食叫了餃子，味道不俗。下次要試試黑松露濃湯拉麵。

平日可以同老公出遊，就去下元朗探下啲新小店。見到喱間拉麵店零負皮，仲要係雞白湯為主，就不如試試佢。老公之選：鹽雞白湯沾麵（配熱麵）雞白湯味道夠濃，配料份量足夠，有木耳，口感爽脆，份量亦都頗多；有雞肉3片，肉質嫩滑，帶有黑椒香味；有溏心蛋一隻，流心度一流，帶有蛋香；而所配嘅麵，就同普遍的沾麵一樣，掛汁度適中，但份量就比好多拉麵店多，女士食的話，可能會偏多(其實店員都有溫馨提示，問我啲麵需唔需要少啲份量，但由於我食唔晒係可以俾埋我老公食，所以我就要返正常份量）。整體味道絕對合格，但就欠缺啲驚喜（可能之前食過啲比較神級嘅雞白湯拉麵）。如果個湯可以再熱多啲，我就會覺得更好，由於食到尾段，個湯嘅味道開始有啲變，變得有啲啲怪味，我覺得係因為溫度嘅問題。（溏心蛋嘅流心度絕對係Me之選： 海老味噌沾麵（配凍麵）海老味噌比雞白湯味道更濃，配沾麵就正喇，但唔知點解海老味噌個湯係少啲嘅，好驚食到尾唔夠湯至於配料同其他都同雞白湯嘅一樣。由於今日天氣都好熱，所以我係點左配凍麵，但由於湯嘅溫度唔夠熱去維持到最後，所以最後就好似變咗食冷麵喇所以我係有少少後悔點左凍麵嘅。但後來我發現佢枱面上有兩樽醬汁，其中一樽我估係

喺西菁街嗰邊搵嘢食，見到嘅間店舖嘅門口幾得意吸引。行去望吓，原來係食沾麵拉麵嘅食店，見啱啱有人食完唔洗等位，就揀咗佢。餐牌好簡單直接，我就揀咗海老味噌沾麵、餃子同埋蘋果梳打。餃子 (3隻)✨✨餃子熱辣辣，外脆，微焦，整得幾香口，入面係豬肉餡，都幾juicy。海老味噌沾麵✨✨沾麵嘅賣相幾靚，上碟嘅時候服務員都會有禮貌咁講一講翻上咗咩👍👍湯底好鮮，入面啲蝦乾同雲耳增加咗唔少口感，都加咗唔少鮮味；湯入面嘅雞肉嫩滑，唔肥，上面有簡單嘅黑椒調味，都幾好食。溏心蛋都幾入味，不過唔會好鹹，而且仲流心㗎，好味！麵體彈牙有咬口，有嚼勁，唔會淋。點落啲湯度都好掛湯。而麵本身都有一股麥香味，夾埋都好正吖！飲品就叫咗枝信州蘋果梳打，唔算好甜，有香嘅蘋果味。好飲。呢間沾麵好食，價錢都唔算貴，而且都食得飽肚，正！

這家拉麵店在元朗有很多好評，而且拉麵店賣的不是普通的豬骨湯拉麵而是雞白湯拉麵，所以吸引了我和朋友來試試。拉麵店位於元朗西菁街，即千色匯後面。餐廳以傳統的拉麵店裝修，店內有一張長角長枱，大約可以坐十個人。因為已經過了午餐時間，餐廳不算多人。這裡主打的是雞白湯拉麵，一場來到一定要試一試。鹽雞白湯湯麵 $80湯底很重雞味，帶點膠質，不太鹹，味道非常好。拉麵是麥拉麵，硬度剛好，配雞白湯感覺很香口，而且不膩，單單食拉麵已經很好。拉麵內有洋蔥，京蔥，味玉，雞胸肉，錦爽雞腿肉，木耳和紫菜。味玉即是糖心蛋，切開中間蛋黃慢慢流出，蛋味很濃郁。雞胸肉只有一塊，沒有加上任何調味，味道比較淡但尚算軟熟。雞腿肉外皮加了調味粉，味道和質地較雞胸肉濃和軟滑。整體來說，拉麵的湯底，麵和配料都做得很好，味道很豐富，而且不會像豬骨湯底的拉麵有種油膩的感覺，推介推介！海老味噌沾麵 $90海老味噌沾麵的料跟鹽雞白湯湯麵是一樣的。沾麵是湯和麵分開上的。麵底可選熱食或凍食，我選了熱食的。沾麵的麵底跟湯麵一樣，但硬度比湯麵的硬一點。沾麵的食法是先嚐麵條一兩口，感受麵的原味，然後再沾上湯底嚐試湯的香味。這個海老味噌湯底跟雞白湯完全不

原來打算去食次前食過既拉麵店, 點知入到去發現原來轉左手, 同樣都係拉麵店, 但拉麵款式跟之前不一樣!既然黎到, 就試試同之前有咩分別啦!試左海老味噌沾麵, 呢間店既特色係以雞肉熬成湯底, 所以會見到湯表面有少少雞油! 湯底好香味噌味, 唔會好咸, 而且表面有好多櫻花蝦, 增加左湯底鮮味!碗內仲有一整隻溏心蛋、洋蔥、京蔥、木耳絲、紫菜同雞腿肉!好想大讚雞腿肉!!! 除左好大塊之外, 仲好嫩滑!! 真係好嫩滑!! 遠望好似一片片鮑片, 好易咬開, 而且有d黑椒燒過既味! 沾麵份量都好足夠, 有d小麥味, 配湯底好夾!價錢黎講跟其他拉麵店差不多, 呢間既話特色在於雞腿肉吧!

<很久沒有旅行了·天浮橋🎏>_天浮橋-海老味噌沾麵$90 + 青森100%蘋果汁$22 _新冠肺炎至今已經超過左一年了，夜晚堂食終於開返，今晚放工思鄉病發作🤓，決定星期三晚上Take a little Break 😌放生一下自己，去屋企附近嘅「天浮橋」食返碗沾麵🥰_天浮橋店舖外觀真係好靚，雖然明知自己明明仲係元朗😂，但都會不自覺喺腦海入面幻想自己喺大阪準備食碗熱辣辣嘅拉麵🥳_今晚叫咗「海老味噌沾麵」，依度嘅拉麵主打雞白湯為主，沾麵可以揀「冷麵」定「熱麵」，見凍凍一於黎個熱沾麵，每一碗麵都會有基本材料，分別有味玉、洋蔥、京蔥、錦爽雞腿肉、錦爽鷄丸子，即叫即做，上枱已經聞到櫻花蝦味，飲落雞白味同蝦味嘅比例平均，亦唔會太過死咸剛剛好。沾一沾麵先，麵身屬於粗身偏硬，帶有少少小麥味，配依個海老味噌雞白湯食，不錯😌，全晚最驚喜喺個錦爽雞腿肉，十分出色，雞肉柔嫩，有雞味，而且用咗黑胡椒吊一吊味，正～👍🏻另外，味玉亦做得流心效果，如果醬油再重啲就perfect 了 🎉_最後，絕對建議大家整返支青森蘋果汁配依個海老味噌沾麵一齊食，因為有「加乘」嘅作用，蘋果汁酸酸甜甜令人更加開胃，而且食雞