一虎 (已結業)

和朋友在中環一帶覓食，走到馬莎對上一點轉右的小徑，找來了一間隱蔽而門口富有日本風味的小店，叫做一虎拉麵。這裡的裝潢也頗有日本的味道，連廚房內的一位老師傅也該是日本人、只說日語。未幾，店員率先為我們端上唐揚炸雞。配菜椰菜蘸上芝麻醬，基本上也沒挑剔的餘地。主角炸雞也近乎完美。我們還以為炸雞質地會較粗糙，誰知就是外脆內嫩！脆醬很薄，皮下脂肪頗多極為邪惡，肉質嫩滑多汁，加上檸檬汁後則可減退點罪惡感！及後，我的一虎拉麵和友人的海老虎拉麵也上桌了。兩碗拉麵份量頗多；一虎拉麵主要有一顆半熟蛋和兩塊叉燒。兩者皆味美，特別是後者切得薄而入味；麵質軟韌適中。朋友的海老虎拉麵則有海量櫻花蝦，亦附帶小棠菜。朋友稱這拉麵偏鹹，但整體而言還是滿意的。 

Happy Friday! 今日收工同同事兩個去蘭桂芳食杯野, relax下。同事提議先去蘇豪區醫醫肚先, 我地係openrice搵到呢間評價唔錯嘅一虎拉麵。我地跟地圖去到史丹頓街13號但搵唔到間拉麵店, 原來一虎係巷仔入面, 餐廳門面非常有日本拉麵店風格, 店入面唔大, 除左bar枱位置只有大概6張枱, 不過由於我地到餐廳時只係6點, 客人仲未係好多。廚房係開放式設計, 可以望到日本師傅點樣即場炮製我地碗拉麵。😙餐牌設計簡單, 除左期間限定款式之外, 有6款唔同口味嘅拉麵可以選擇。我揀左每到拉麵店見到必點嘅蝦味噌拉麵, 同事就點左黑蒜拉麵加蛋。海老虎拉麵 $97我個人非常喜歡蝦味拉麵, 呢款海老虎拉麵由蝦味噌同餐廳自家豬骨湯底熬製, 加入左蝦油同櫻花蝦, 湯底富有濃濃嘅蝦味, 湯頭唔會太咸。麵質爽滑富有彈性而且好掛湯, 叉燒大大件, 軟腍入味, 配料有香蔥, 木耳同筍, 另外仲可以自己加配辣椰菜, 辣韭菜等調味, 味道唔錯。👍黑虎拉麵 $95 加糖心蛋 $12同事揀呢款黑虎拉麵蒜味好香, 我試左一啖湯, 黑蒜味好香濃, 同事都讚好好食。全店唔駛加一, 埋單每位$100左右, 性價比幾

年頭到九州自由行, 食拉麵食到上曬癮, 今日就嚟到高質美食雲集嘅SOHO搵日本正宗豬骨拉麵！呢度以香濃豬骨湯底見稱, 湯頭加入大量豬骨 & 蔬菜, 淆足12小時！就連麵底都分別有直身同曲麵兩款俾你揀, 非常講究！兩者有咩分別？原來曲麵加咗蛋黃, 比較有彈性, 而且hold到較多湯汁。而直身麵口感較為順滑, 配合濃稠湯底就最適合啦。我揀嘅呢款海老虎拉麵, 濃郁豬骨湯底再加上海老油、櫻花蝦, 為原本已經濃厚嘅湯頭再增添風味。 雖然濃湯比較適合配直身麵, 但我個人特別鐘鍾意濃湯掛麵嘅感覺, 揀曲麵就完全做到呢個效果啦。叉燒厚薄適中, 肉質偏瘦, 非入口即溶type, 但質感實在,食落帶濃郁肉香。拉麵講究, 小食亦同樣出色！呢個煎餃子, 底部煎至金黃色, 咬落外層微脆, 入面餡料鮮味多汁, 自家製確係唔同啲。

一虎在中環的分店比想像中易找, 搭扶手電梯一直直到見到馬莎蘇豪食品專門店後面的小巷就到了,門面不算太大, 好在門面的紅燈籠比較搶眼, 要不很易忽略小店的存在。內裡面積也不算很大, 廚房已佔去餐廳一部份面積, 有幾張可供4人坐的檯, 也有幾張bar 檯。檯上已有紅薑, 醋, 辣油, 抹手紙和筷子等等, 客人坐下時店員會再添上冰水。店員彬彬有禮, 為我和朋友介紹餐廳的特色。在她的介紹下, 我們分別點了海老虎拉面和白虎拉麵。白虎是店裡的招牌菜, 最傳統的豬骨湯拉麵, 而海老虎拉麵則加入了蝦油和櫻花蝦, 而且兩者都是來自北海道。湯底說時遲那時快, 兩碗拉麵已從廚房端到我們的檯前。照慣例先呷幾口湯底,menu 寫著「以12小時大火, 加入大量豬骨、新鮮蔬菜濃縮成自家湯味」一虎的湯底有著幾香濃的豚骨味，有丁點兒咸但又不算過份, 而且一虎的湯底不會膠著咀巴, 很不錯。而朋友的海老虎拉麵因有蝦油的關係, 蝦的味道非常特出, 而且也加入味噌作為湯底, 味道比豬骨湯更為濃郁, 但也比豬骨湯有少許油膩。叉燒兩碗拉麵各有叉燒有2塊, 是瘦叉燒, 不是太肥膩的那種, 只有邊位有點點嚡, 中間部分還是挺滑的。麵條