九井壽司 (已結業)

星期六大概12:30到達，可以直入，餐廳裝修好靚，以列車為主題，左手邊係車窗設計，右手邊是地圖設計，入口處有小朋友玩樂區，提供圖書及可以免費拎一隻公仔。餐廳設有小朋友餐具。整體壽司同刺身都比較新鮮，海膽魷魚軍艦，海膽味濃，可惜今日海膽賣晒，見到好吸引，下次一定要再試下。軟殼蟹手卷軟殼蟹份量比較少，屬於香脆有蟹膏。鵝肝壽司值得推介，鵝肝份量適中，外脆內軟，好Juice，唔鹹，煎得剛剛好。蟹柳卷賣相一般，唔算好整齊，飯鬆軟。牛肉拉麵值得推介，牛肉肥瘦適中，拉麵湯底濃郁，拉麵軟硬度適中，吸了湯底，好啱我口味。

今次已經係第二次嚟啦～餐廳喺Megabox 9樓親子樓層岩晒行完街帶小朋友嚟食🤤藍白卡通列車主題 大人都可以重拾童真👧🏻魚生飯size比想像中迷你😂海膽算唔腥 帶子係全晚mvp👅龍蝦沙律都幾鮮甜 相對下軟殼蟹卷會比較失色魷魚好爽口 海膽醬好濃郁😍劍魚腩係厚切 豐富油香味 同時都好爽口👍🏻幾欣賞呢度嘅熱食👍🏻 特別係炸物整完第一時間用列車送黎 仲係熱辣辣🤤炸皮好鬆脆 同時又唔會𠝹口！蟹餅好彈牙 炸蠔值得一試👍🏻————————————————————————總結餐牌選擇都幾多 壽司熱食炸物咩都有👍🏻今次去都見到有新推出嘅款式😛價錢中等 味道同質素都算中上而且環境唔錯幾舒服 店員服務都好好☺️去開megabox不妨一試～

帶小朋友出街食飯, 小啲童趣都真係搞唔掂餐安樂茶飯(媽媽嘅共鳴😛). 喺MegaBox 9樓原來有間新幹線🚄主題壽司店, 店内一碟碟壽司係用新幹線火車極速地送到ga! 小朋友超鐘意, 除此之外更有各樣for小朋友嘅玩意, 用Pad order好方便.🚅濃芝士軟殼蟹卷 (HKD38)睇返部pad真係ok多壽司揀, 價錢都算抵食. Li個軟殼蟹卷新鮮炸起再包, 芝士上面仲有一啖芝士蟹籽, 夠哂芝味.🚅日式芝士年糕 (HKD28)必食item想必係芝士年糕***超好味****, 軟糯年糕x軟心芝士無得輸.🚅吉列南瓜薯餅 (HKD20)南瓜比例豐富嘅薯餅, 口感好滑, 炸粉漿又唔太厚, 小朋友超鐘意.🚅海膽魷魚軍艦 (HKD26)新鮮! 魷魚short short聲口感好爽, 海膽份量睇得到嘅明顯, 紫菜都係脆嘅.🚅赤蝦壽司 (HKD25)由於赤蝦非常肥美, 我地encore左.🚅㩒㩒下又嗌左好幾碟剌身壽司食, 最鐘意係包住軍艦脆脆紫菜, 壽司上嘅魚生係足料嘅(推介劍魚腩壽司, 芝士蟹籽軍艦, 海膽魷魚軍艦), 炸物水準Good尤其必食軟糯到有d過分嘅芝士年糕. 整體ok抵食, 大人小朋友都食

同朋友行MegaBox，喺9樓見到呢間好得意嘅壽司店，以快速列車為主題，見環境乾淨整齊，有得食又有得玩，就同朋友入嚟食咗一餐豐富嘅日本菜！呢度提供煎茶，唔係一般嘅抹茶🍵，但反而煎茶比沒茶清澈，加上有烘焙香氣，個人覺得更加適合襯托味道簡單自然嘅壽司食材。喺螢幕上瀏覽餐牌，見到呢一款壽司丼做緊大特價，幾乎係半價， $68就有咁多三文魚籽同海膽，真係好抵！海膽口感好creamy，入口已經食到嗰種獨特嘅甘香，再帶一點微鹹，將鮮味再提升，非常鮮甜。三文魚籽調味十分好，醬料份量適中，不會奪去三文魚籽本身的甘香和鮮味，壽司飯亦加入適量嘅醋，味道不會太酸，壽司飯一粒粒有口感，令成碗飯味道均勻，嗰種多種口味既和諧係一種享受💕🤤高速列車真係好高速咁將壽司送來😎👍🏽落單後大約等1分鐘就有得食。三文魚腩壽司真係好肥美🤤💕肉質好嫩滑，creamy!呢款壽司好食到我同朋友叫咗兩碟😂係海膽醬加魷魚條～冇想到兩者係咁夾omg，魷魚🦑咬碎左之後喺口中同海膽融合🤤叫咗四種嘢食之後就有一個抽獎機會，抽中左蟹柳手卷！好彩朋友肚餓，如果唔係我都係食落，食咗咁多壽司之後真係有啲飽😆為咗再次品嚐勁鮮甜嘅海膽，我哋幾飽都再叫多一件海

星期六去左megabox行下街順便食埋晚飯，商場嘅餐廳大多數都已經食過好多次， 突然俾我發現到九井壽司 立即攞飛等位啦！ 大概等左半個鐘內就有位了，都算幾快！店舖內環境光猛舒適用平板電腦點菜，唔需要人手落單！新幹線果然速度好快!點完菜冇幾耐就送上芥辣八爪魚軍艦，紫菜脆卜卜，份量亦都比起其他嘅店舖軍艦大舊好多劍魚腩壽司$25，實在太肥美， 入口即溶帆立貝壽司$32，大大件仲好厚身又好鮮味火灸芝士蟹棒壽司$18啖啖肉點完菜之後仲有得玩遊戲海膽魷魚軍艦， 我已經愛上咗呢度嘅軍艦， 因為我鍾意佢哋嘅紫菜脆卜卜油甘魚壽司$20 ，又係厚切，肉質鮮甜火焰左口魚邊壽司$24， 係我至愛既壽司之一，我鍾意佢入口即溶！三文魚壽司$18， 大大件好抵食！龍蝦沙律卷， 呢一款普通咗啲龍蝦沙律軍艦玉子壽司，一啖咬落去玉子軟滑，帶有小小甜甜地嘅味道！燒雞骨腸，今次淨係試咗呢一碟熱食腸入面有肉汁幾惹味！

收工諗食乜, 見到間新野,  好多一家大細去幫襯,  香港人鍾意試新野, 睇到價錢OK不特止仲有限定海膽丼就衝左入去我真係好中意食海膽,.....迷你海膽丼,  期間限定!海膽夠FRESH,好鮮甜! 配上既吞拿魚都好厚身新鮮麻煩少少既係要先點其它食物, 至可以搵店員落單,  始終係limited item ,都理解ge三文魚腩好好味!!  唔需要火炙就好, 其它壽司都好味,價錢又OK唯獨係左口魚唔推介,好似rubberband另一樣驚喜既係海膽魷魚軍艦,  左邊個芥茉八瓜魚就唔好提,我唔記得左我唔食芥茉:海膽魷魚軍艦, 下次可以食到兩碟XD老老實實我唔係太中意依項高科技野, 啲野食到你又要留意住又要自己拎, 我都係鍾意order 枱咁一碟碟上...想真真正正咁放鬆食餐飯..有漏單情況而佢顥示己上菜, 所以記得check 單,  催左一次然後都再等左陣.....嗰一碟由落單到上菜等左好耐好耐.成一個鐘.不過店員好有禮貎, 所以唔緊要啦整體來講, 係好有誠意既新店, 值得幫襯GE