たまご園 (形點 I)

營業中

休息中

元朗形點的三期二樓一田超市樓上又多了一間新派的日式餐廳，Tamago園。Tamago 是日文，蛋的意思，因此這間餐廳是以蛋的菜式為主打。餐廳裝飾都是以蛋為主，天花的燈是蛋的形狀，餐廳主色調也是蛋黃色。餐牌上所有食物都是用蛋或加入了蛋製成，如玉子串燒，蛋包飯，生蛋拌飯等。這晚和朋友點了兩款，一款主菜和一款甜品。　主菜是海蝦明太子忌廉意粉 ($88)這個意粉比較好。 忌廉汁很滑很香濃， 意粉也煮得剛好不會太硬或太淋。 蝦很爽口。為了配合主題，意粉上面刻意加了一隻半熟蛋。拌入蛋後，味道其實都不錯，但質地有點怪，太稀了，都是不加蛋比較好。　甜品是春日櫻花梳乎厘班戟 ($98)賣相一般， 春日櫻花的感覺去咗邊？！ 班戟味道比較淡， 班戟上面的原來忌廉不是雪糕，有點失望。 雖然班戟上加上了士多啤梨醬，但士多啤梨味不夠濃，帶不起整個班戟味道。唯有加多一點糖漿提味吧！餐廳服務也是一般。這裡是沒有水供應的，一般都應該有吧。整體來說，餐廳食物款式和賣相不錯，但食物味道和服務一般，價錢也不算平，想打咭的朋友都可以一試的。

蛋，全部都係蛋，去到門口就已經見到好多太陽蛋，連天花板上面嘅燈都可以整成太陽蛋，佩服佩服好耐都冇食過咁好食嘅滑蛋豬扒飯啦，平時喺日本料理食嘅豬扒同滑蛋撈埋一齊之後，通常豬扒塊皮一啲都唔脆，但呢度就啱啱相反，豬扒做到好脆口，但係浴室一啲都唔鞋口，抵讚呢個意粉中間就圍住左隻流心蛋隻蛋震騰騰忍唔住要整串佢鮮橙色嘅蛋黃汁一湧而出將蛋汁撈勻成個意粉之後，令到個意粉再更加creamy啲，而橙色一粒粒嘅就係明太子，撈埋啲意粉一齊食會更加有口感，佢啲蝦都好爽身，係有煎過㗎最後我哋叫咗個甜品，建議大家食主菜食到咁上下要落咗個甜品先，因為整梳乎厘都需要25分鐘嘅時間梳乎厘其實用到嘅材料都非常簡單，但係好考功夫，呢度嘅梳乎厘係做到非常之有空氣感，食落軟綿綿，甜度都啱啱好，配埋旁邊嘅水蜜桃，再加上少少糖漿，好有夏日氣息

這間蛋餐廳在Yoho mall新開張，作為元朗人梗係第一時間黎朝聖啦。星期六的晚上十分興旺，大約等了半小時才有枱呢。人頭湧湧的商場及排長龍的店面。Tamago園係咪應該咁稱呼佢呢食物方面有飯有意粉有三文治等，選擇唔算好多，但種類算廣泛了。自己點左明太子三文魚忌廉蛋包飯，賣相好吸引啊～超多醬汁正呀！旋風蛋肉包著雞肉飯，軟綿綿的好吃，明太子醬汁鹹香鮮味，還有幾件三文魚柳呢，好啱口味好好味啊！朋友點的海蝦明太子忌廉意粉，個鳥巢蛋好得意呀，意粉彈牙有韌度，醬汁同樣是明太子忌廉，呵呵，我倆都鍾意呢個口味，即叫即炒有誠意，呢碟都係好好味。點少得甜品呢，要了菠蘿黑糖珍珠梳乎里班戟，菠蘿口味少見喲。軟綿綿軟綿綿軟綿綿吖，口感好正，香甜可口，一邊食一邊覺得好幸福啊，甜品使人快樂，呵呵～即叫即整嘅關係制作需時，由等位到上菜大概90分鐘左右，由於餐廳新開張，未熟手慢一點也是合理的，食物有水準，賣相味道也完美，值得再來光顧！