日本野 (已結業)

朋友約我去旺角食日本野，講來講去唔知佢想食邊間，最後先知原來日本野係店名呢～環境光鮮大量原木裝潢，好有日本feel，美食選擇多，壽司、定食、丼飯、鍋物，都幾吸引，味道唔錯整體滿意。雞泡魚乾 $58魚干甜美有o趙口，令人食唔停口，作為小食/下酒菜一流。厚燒鰻魚玉子 $88蛋卷六小件，厚厚的玉子味道甜甜地，鰻魚餡料無骨可以放心食。海鮮大阪燒 $118面上舖上木魚及紫菜碎，增添動感，質地偏淋，掃了好多醬汁非常美味，內有很多椰菜及魷魚等海鮮，口感豐富美味滿足。牛油果軟殼蟹卷 $138壽司大大件，份量絕不吝嗇，壽司飯上舖滿木魚絲，多到快要掩蓋壽司飯，牛油果熟度適中入口即溶，軟殼蟹餡料亦夠香脆。

黎到旺角，本身今晚係諗住食西餐慶祝紀念日，咁就簡左附近嘅銀城商場上面一間叫MINI FRIDAY嘅食，去到發現原來有一間”日本野”喺隔離，佢又話今日不如唔食西餐，想食壽司，於是乎就留返下一次先再食MINI FRIDAY。蟹籽沙律青瓜絲幾爽口，沙律醬味道適中。海鮮大阪燒味道唔錯，而由於大阪燒可能因為混入左唔少八爪魚粒一齊整，所以質感較豐富。鰻魚玉子燒玉子幾厚實，食完之後都幾飽肚，如果鰻魚份量再多少少就更加好。壽司質素旺角黎講算係中上，對得起價錢。估唔到反卷上面有咁多蟹籽沙律，早知唔使另外叫多個🥲

相信好多人身邊總會有個朋友好中意食日本野😅 今晚就俾個朋友帶左我黎呢間日本野食日本野🤣見到menu有定食，咖哩丼，炒飯，鍋物，sushi，大阪燒，串燒，石燒牛等等等等揀到我心大心細🙈最後我地咩都叫左D😁 👇🏻1. 牛油果軟殼蟹反卷 $88份量大賣相吸引，軟殼蟹香脆唔油膩，同面頭既牛油果薄片一齊食好夾👏 (如果啲飯無咁厚口感應該會更好，不過好夠飽肚😂)2. 雞泡魚乾 $38呢樣係我食日本菜必點既小食，燒得好靚唔會太乾，面頭仲曬左啲七味粉更惹味，搭配沙律醬做前菜黎開胃一流👍3. 炭燒雞腎 $28好香炭燒味，爽口，呢個價錢有兩串好抵食🤗4. 炭燒雞肉軟骨棒 $38偏向食到雞肉既嫩滑口感但無乜軟骨😅 但味道唔錯既～5. 和風炒野菜 $58呢樣諗住叫黎平衡下食咁多肉既罪過感，但又幾出色WＯＲ！😯 食落有鐵板既香味，個汁幾好食，全部蔬菜都爽口，唔錯！😊6. 海鮮大阪燒 $98好耐無食大阪燒🤗 好足料，滿滿既海鮮同高麗菜，反而唔太食得到麵粉😂😂 口感豐富～7. 墨魚壽司，芥辣八爪魚壽司，蟹籽壽司 $18，$28，$22足料，新鮮，爽口，抵食！👏8. 味咐螺肉 $28份量多而且爽口彈牙，曾經係其他地方

銀城廣場最近又有新食店選擇，那就是日本野，日本野裝潢以日式木材風格為主，光線充足，滿舒適的，食物水準也不錯，相信會成為我們日後飯聚之選。吃日本菜怎會不吃壽司，我們分別點了三文魚壽司，甜蝦壽司和帆立貝壽司，壽司一份兩件，甜蝦壽司一看便知肥美甘甜，三文魚壽司脂香滑溜，嚐到最原始的魚鮮，帆立貝壽司誘人的彈力，濃濃的海味回味三分。剛吃完刺身壽司，我們意猶未盡，馬上追加火炙和牛壽司。我們此刻更愛火炙和牛壽司，因為它的油脂豐腴，炙燒後的和牛香氣俱增，脂肪與牛肉融合，連同酸美的壽司醋飯品味，妙不可言。海鮮大阪燒份量相當厚實，餅皮夾住蔬菜，蛋和海鮮，餅皮不薄不厚，這樣看用料豐富。經過鐵板熱炒配料，蔬菜清甜，蝦肉和魷魚有著彈牙鮮美，最後塗上特製醬汁，木魚絲及紫菜絲，味道層次多變，這是吃海鮮大阪燒幸福之處。厚燒鰻魚玉子燒咬下去有蛋的香甜，帶有微微彈性，玉子燒中間的鰻魚細緻無骨刺，配上蟹籽與木魚絲，玉子燒充滿日式風味，令人愛不釋口。咬下炭燒牛舌串，牛舌好不脆彈，之後漸漸感受到它的甜度與油香，朋友說原來新鮮的牛舌沒有調味，只是原始地炭燒是這麼好吃呢。我們深明光吃肉是不健康的道理，故多點一份炭燒茄子，保持均衡飲

今日帶朋友去食日本野啦！你唔好搞錯啊日本野係呢間餐廳嘅名黎架不過佢都真係主打日本野食架！睇完餐牌我已經諗好食咩啦⋯⋯就係石燒吉列霜降小牛扒！對上一次食呢種吉列牛都係係日本食 未試過係香港食啊！而且睇佢個價錢唔算貴！唔知會唔會伏都算幾大份架！又沙律又飯又溫泉蛋！佢有4種調味，沙律醬，鹽，辣菜圃，燒汁！先燒一燒脂肪，等d油出黎唔會癡石板嘅底同場加映仲有朋友叫嘅普通牛小排個人覺得吉列好味過普通牛小排，一黎燒完個邊仲脆，二黎肉質好似比較好！睇得出吉列牛嘅脂肪分布比較靚而個人認為調味最好都係燒汁同鹽最夾！其他都係一般般我地仲追加咗刺身拼盤，都幾新鮮！呢個牛舌幾正，口感幾彈牙！唔會硬！而且夠哂味牛油果軟殼蟹卷，超級大份！味道不錯最後係海鮮大阪燒！我同朋友都食到捧住個肚翻屋企！食物都幾好！我比較推薦吉列牛小排！仲想讚下佢哋嘅店員都幾熱心服務！ 可以推一推呢間新店！唔洗次次都食放題咁悶