天海家草庵 (已結業)

中環的天婦羅名店有三四間，歷史相對較悠久（雖然也只是短短幾年）的有「天秀」、「一宝」，當然不能不提最新開業、四季酒店的「Tempura Uchitsu」，尤其後兩間都是來自日本的星級名店。星級餐廳當然係星級價錢，較親民可以選擇「天海」。但四間店都好多人訂枱，小編又沒有提早個幾月訂枱吃飯的習慣，所以一直未能品嚐。今日偶然機會下，在和富中心商場內發現此間「天海家草庵」，原來係中環「天海」的副店，當時大約11點多，正準備當中；反正不用訂枱也有位，一於先試試副店質素如何。中環鴨巴甸街總店沒有提及太多餐廳的源頭，反而副店門口就掛了一大幅紅底白字布橫額，寫上日本靜岡。據了解，「天海」並不是來自日本靜岡的天婦羅料理海外分店，只是店主大廚兩夫婦係來自靜岡的日本人。旅居海外的日本人似乎特別喜歡經營小店，小編已經不是第一次光顧這種由日本人開設的個體小餐廳 ⋯⋯ 但今次只是光顅副店，由店主聘請的香港本地人管理，所以未能感受日本小店風情。門口擺放了一張小枱，放了許多外賣飯盒，估計外賣生意相當不錯⋯⋯ 但外賣天婦羅似乎有點奇怪，攤涼了的天婦羅已經肯定不再香脆，還要蓋在飯盒內，天婦羅外衣肯定更會變得又軟又腍。副店

天海家草庵係上環天海嘅姊妹店，上環天海係做omakase，而北角呢間主打天丼同天婦羅定食。餐牌都幾多選擇，最平嘅天丼一百蚊都唔駛，走抵食平民路線。我哋兩個人點咗一個最貴嘅海鮮天婦羅定食，一個天婦羅定食(梅)。海鮮天婦羅定食擺盤擺得好，軟殼蟹同蝦都擺到豎起身，賣相好靚。吸油墊紙上無乜油，證明炸功唔錯海鮮天婦羅定食包括半隻軟殻蟹、兩隻蝦、魷魚、帆立貝、白身魚同秋葵。天婦羅衣炸得夠脆，而且唔油膩。天婦羅蝦算唔上好鮮味，但口感都幾彈牙。白色魚同魷魚都好鮮甜。反而帆立貝就一般，鮮味欠奉，而且天婦羅衣同帆立貝分離。第一次食天婦羅軟殼蟹，蟹腳脆卜卜，蟹身有肉濃蟹味。而且炸得乾爽，一啲都唔油膩。另一個天婦羅定食(梅)就無咁豐富，但份量都足夠，有兩隻蝦，白身魚同兩款野菜(南瓜&蓮藕)。定食包括沙律，前菜，味噌湯同白飯或烏冬。沙律好新鮮，沙律菜爽脆。餐牌寫明前菜係柚子大根，但因為賣晒所以轉咗做鹿尾菜煮物。我自己就好鍾意，係喺日本先食到嘅味道，送飯一流，但我估未必啱香港人口味。聽到隔離枱對於柚子大根賣晒有點不滿，明明餐牌寫住「名物柚子大根」，既然係名物但無供應真係有啲奇怪，建議餐廳無供應就唔好寫上餐牌。白蘿

日本餐廳嘅門口總會有一條長長嘅人龍，炸天婦羅的確係需要時間慢慢整嘅菜式，我哋排咗大概15分鐘，就得到一張二人枱。入座嘅時候，店員提醒我哋落單後要至少等20分鐘先有嘢食。第一次嚟，決定試吓一個比較豐富嘅天婦羅定食，配白飯嘅話可以免費添一碗，但當日冇哂柚子大根。等左足足半個鐘，終於有得食啦~天婦羅定食(松)，天婦羅的炸粉比想像中厚，墊底的部分已經淋左。加$14要左隻炸蛋，有流心，但冇特別，粉漿同雞蛋分離，食返普通溏心蛋仲好。呢舊雞塊係成盤最難食的，好大陣雪味。粉漿亦好厚，又淋左。沙律正常發揮，啲菜都幾新鮮。呢個係最貴的海鮮天婦羅定食，鯖魚天婦羅最好食，但帆立貝同蝦過熟。烏冬一啲咬口都冇，煮到好淋。

年初四中午未夠一點出黎搵野食。 本來諗住食水煮魚，但黎到商場又轉軚去左哩間食天婦羅。 假期中午時段，入店時只有2枱客，我地坐落後不斷有人入黎，食完時出面已經要等位。 叫左兩份海鮮天婦羅定食，另加個天婦羅蛋付。 唔知係咪佢放得唔好， 餐牌上有既野都有齊，但就梗係覺得個份量細左。 各式既天婦羅都一如以往炸得不錯，我鐘意佢個紫蘇鯖魚同軟殼蟹。 如果大件d就好喇。至於個蛋... 睇落ok，但只係一隻普通半熟蛋，外面有一層炸皮。 食落甩開皮還皮，蛋還蛋，仲要無乜蛋味。 唔多值$14. （可能係我期望過高）食過哩間幾次，佢d天婦羅炸得幾好， 唔會油淋淋， 味道不錯，對得住個價錢。3，4歲小朋友都岩食，方便晒我地家長㨂食物。不過佢地份量唔大，飯都係細細碗，食完唔會好飽,男士更可能唔多夠。 今日舖面只有一個經理一腳踢——迎賓，落餐，送餐，加茶，收錢。 佢都好有禮貌.店面唔係好多枱，俾少少耐性佢就回應到你。

喺炮台山💼做完嘢，特登🚶‍♂️行到過嚟和富中心試吓🤤呢間平價版天海：天海家草庵。佢係中環🍤天海嘅副線，💰價錢亦親民好多。🚪門面裝修簡約，入邊🪑座位唔多，間格好快餐店feel😂。我同朋友仔都不約而同咁揀咗🦀海鮮天婦羅🍤定食🤤，貪佢有蝦🍤有蟹🦀有帶子夠豐富😍。啲天婦羅🍤幾咁的式😂，再睇👀清楚啲嗰件🦀軟殼蟹🧐真係好細隻😅。不過其實都幾好食😋，粉漿唔厚而且🔥炸得好酥脆，炸蝦🍤同埋軟殼蟹🦀都食到佢哋嘅鮮味👍。特別要提吓🌽粟米仔好鮮甜😍，加上佢個薄薄嘅脆漿，口感上外面香口得來入面個🌽粟米仔又有少少🤏爽同腍😋，幾 impressive 👍！呢個帶子天婦羅🤤係我最欣賞嘅👍，帶子大大粒又😋鮮味，火候🔥控制得好好，炸得啱啱好，所以肉質能夠保持到好鮮嫩😍！總結來講食物🤤質素算係唔錯，而且價錢💰都幾經濟實惠，性價比唔錯，唯獨是係炸蝦🍤同埋軟殼蟹🦀太細隻，我有少少失望😅。

與孩子來試這間新開的天婦羅專門店午膳。下午1時到達，已見門外有5，6人在排隊等候。由於疫情關係，食客需要隔枱坐，但眼見坐位隔得有點不必要地遠且有點不平均。可幸是在等候的15分鐘其間，可透過店外的玻璃窗看著廚房內的店員製作食物，時間總算過得快一點。店內裝飾簡約簇新，以白色和淺木色為主，加上播放的輕音樂，感覺輕鬆舒適。落地玻璃窗外雖然沒什麼裝飾，但總算為細小的店舖加了幾分空間感。我們點了一客海鮮天婦羅定食追加一碗烏冬。天婦羅整體尚算脆口，但未夠乾身，碟底有剩油。原本充滿期望的半隻軟殼蟹有少少黃色蟹膏，但味道有點偏咸。海老肉有點淋，有點失望。南瓜，魷魚和竹輪反而有驚喜。南瓜香甜爽口;魷魚口感彈牙有咬口，竹輪厚厚的有魚鮮味，正!“小砵”白飯份量少，但質地軟糯黏性高，能用筷子夾起，不錯。加$28的烏冬質地軟滑彈牙，湯頭夠味。沙律用上柚子醋，夏天食感覺清新。麵豉湯色澤清澈，勝在不會死咸，加上滑滑的豆腐昆布，不錯。女兒邊食邊叫好味，對這餐很滿意。不能不提，醃大根好好味，酸甜得來有柚子香，清新爽口。在這裏要對店家說聲對不喜，因為我一口接一口，一不留神把整瓶吃掉。