天海家草庵 (已結業)

年初四中午未夠一點出黎搵野食。 本來諗住食水煮魚，但黎到商場又轉軚去左哩間食天婦羅。 假期中午時段，入店時只有2枱客，我地坐落後不斷有人入黎，食完時出面已經要等位。 叫左兩份海鮮天婦羅定食，另加個天婦羅蛋付。 唔知係咪佢放得唔好， 餐牌上有既野都有齊，但就梗係覺得個份量細左。 各式既天婦羅都一如以往炸得不錯，我鐘意佢個紫蘇鯖魚同軟殼蟹。 如果大件d就好喇。至於個蛋... 睇落ok，但只係一隻普通半熟蛋，外面有一層炸皮。 食落甩開皮還皮，蛋還蛋，仲要無乜蛋味。 唔多值$14. （可能係我期望過高）食過哩間幾次，佢d天婦羅炸得幾好， 唔會油淋淋， 味道不錯，對得住個價錢。3，4歲小朋友都岩食，方便晒我地家長㨂食物。不過佢地份量唔大，飯都係細細碗，食完唔會好飽,男士更可能唔多夠。 今日舖面只有一個經理一腳踢——迎賓，落餐，送餐，加茶，收錢。 佢都好有禮貌.店面唔係好多枱，俾少少耐性佢就回應到你。