The Point - Pizza & Pasta (如心廣場) (已結業)

一入到黎感覺就好好，佈置裝飾都好花心思，非常舒適，岩曬忙碌完一整天的工作後，舒舒服服食一餐好味高質的西餐。當然唔少得一杯靚靚既調酒。特別一讚餐廳揀歌既品味，全部都好有feel, 將餐廳情調再推高一個層次。呢度明顯係主打龍蝦，好多菜式都以龍蝦為主要食材。因為今晚想以輕食為主，所以就只係揀左龍蝦湯。反而沒有選擇特別又吸引的龍蝦pizza.前菜個拼盤非常出色，最中意其中既風乾火腿。主菜既海鮮意大利脆米湯飯好特別，好好味，湯底、脆米都一絕。我地揀既兩杯野飲都好出色-檸檬石榴汁+雪糕士多啤梨奶昔。整體非常唔錯，一定會再黎。

荃灣多野食就系人都知，而呢間高質素意大利餐廳，好多人都知，這家餐廳是The point , 以高性價比推出的意大利傳統菜和fusion菜式，餐廳環境乾淨企理，裝修簡單直接，泰式紅咖喱豬頸肉pizza ，凱撒沙律，海鮮意大利脆米湯飯，就是這晚的囊中物!Menu花多眼亂選擇太多，實情睇menu 上的推介的就夠了🤣，餐前才來一個「凱撒沙律」，清鮮的羅馬生菜，附上沙律醬，配上麵包糠是一陣流。每次意大利菜的指定動作，就是「海鮮意大利脆米湯飯」大只虎蝦貨真價實，肉厚美味，而重點落在龍蝦湯，倍感滋味，就咁睇已知道完全足料，不是粉混出來，而且煲出來的味道，配合魷魚，香料，真是用心之作。泰式紅咖喱豬頸肉批Pizza 厚身但仍脆卜卜，看它豬頸肉好足料，啖淡肉口感又香口，而泰式風味可以伴紅咖喱，非常惹味，而且味道唔會太濃，食完都唔怕口渴。

新開張既point 位於荃灣如心廣場，佔地非常大，成間餐廳都係以綠色為主，感覺非常舒服我哋叫咗個二人餐今餐包左兩杯果汁梳打，今日就係菠蘿梳打，淡黃色嘅菠蘿梳打配埋一塊真菠蘿添頭盤嘅沙律其實一啲都唔迷你，成碟沙律有一個碟咁大，上面仲有啲三文魚、芝士片、麵包糠、當然唔少得新鮮既沙律菜棒棒雞翼真係第一次見，估唔到又炸得幾脆，再點埋d紅色既蜜糖燒烤醬，正！橙黃色既南瓜湯一睇就知夠哂足料，果然味道濃郁，冇令我失望風乾火腿既pizza上面有唔少火箭菜，下面仲放左d焦糖菠蘿添最後個海鮮湯飯入面有魷魚、大蝦、青口、帶子、魚柳同蜆肉最後我哋叫咗個甜品，佢就係烤香蕉、棉花糖、杏仁片、朱古力醬、雲呢拿雪糕嘅Pizza