The Point - Pizza & Pasta (如心廣場) (已結業)

一入到黎感覺就好好，佈置裝飾都好花心思，非常舒適，岩曬忙碌完一整天的工作後，舒舒服服食一餐好味高質的西餐。當然唔少得一杯靚靚既調酒。特別一讚餐廳揀歌既品味，全部都好有feel, 將餐廳情調再推高一個層次。呢度明顯係主打龍蝦，好多菜式都以龍蝦為主要食材。因為今晚想以輕食為主，所以就只係揀左龍蝦湯。反而沒有選擇特別又吸引的龍蝦pizza.前菜個拼盤非常出色，最中意其中既風乾火腿。主菜既海鮮意大利脆米湯飯好特別，好好味，湯底、脆米都一絕。我地揀既兩杯野飲都好出色-檸檬石榴汁+雪糕士多啤梨奶昔。整體非常唔錯，一定會再黎。