粵式生香蒸氣海鮮火鍋 (已結業)

自從同太座結婚之後，我棵Family Tree越嚟越大棵，間唔中飯局真係食唔停，今次就約咗一班家人食飯，生咗比卡豬之後真係少嚟咗，因為蒸氣火鍋嘛，但比卡豬越嚟越大，可以再嚟呢度密D喇，好掛住呢度嘅食物!頭盤小食當然唔少得生蝦，因為佢地之前喺三角公廁對面開泰菜好多健，所以呢個生蝦基本上係冇得輸，如果唔食得辣嘅朋友記得點餐時叫小辣!泰式酸辣鳳爪我連骨都未睇過就俾人照鏡，可想而知幾好味!燒豬頸肉燒得啱啱好，肉汁豐富而嫩，正!今次老闆娘整咗個生菜包我地懷念吓，人情味爆燈!輪到主菜，鍋底今次我地點咗一個巴戟雞湯一個豬骨粥，而一個海鮮拼盤一大班朋友食就最啱，樣樣可以試吓，呢度嘅海鮮係老闆每日下晝去街市選購㗎，所以新鮮味美就一定喇!安格斯牛肉絕對係啫牛必選，入口有牛味，唔識形容!蒸排骨配上烏冬，會令人食到唔停得口，我建議大家食小小好喇，停唔到口飽咗就食唔到其他嘢!蒜蓉蒸勝瓜，絕對係大魚大肉之間協調吓個胃嘅美食!由第一次幫襯到而家，有一樣係每次都會點嘅，就係蟲草花蒸雞，我極力推介 食過就知!其他仲有墨魚丸、秘制五花腩、白玉蟹棒卷等等，你嚟到同老闆或者侍應傾吓，佢地會介紹啱你食嘅食物俾你!最近仲做緊優惠

早兩日有海外親戚來到香港，好想話試試本地嘅蒸氣火鍋。好隨意係Openrice search左依間火鍋店。介紹食物之前首先提提大家,大廈既升降機係要排長龍先至可以上到去😱依楝大廈嘅餐廳多到你唔信😳本來諗住散叫海鮮，但老闆極力推介海鮮拼盤好抵食，所以試試🙄已分量計算（4人計），呢個拼盤真係幾抵食。帶子蝦,泥鯭,鮑魚都好新鮮；不過黃金甲就極多沙，蟹係鐵一般嘅水蟹，冇乜肉😞👇🏻好多沙😖蟶子和大花甲都係散叫，味道肉質非常之好亦鮮甜，可能拼盤對比散叫質量真有區別🤓為咗遷就小朋友，另外叫豬牛雞不少得。比較出色嘅係冬蟲雞，亦因為小朋友最愛烏冬，將兩樣食物放在一起蒸+食，原來效果亦極之意想不到😋小朋友也因此吃多了一點😊第一次試蒸秋葵，亦出奇地好味，不妨試下👍🏻如果同周邊TST嘅蒸氣火鍋比較，質數真係普通，不過價錢較其他平，所以亦可一試。