粵式生香蒸氣海鮮火鍋 (已結業)

平時係街，是是旦旦食一個蒸氣火鍋，基本上都係按人頭收費，普普通通價錢大約每位都要$3-400左右。呢一間，有海鮮套餐既選擇($498/4人餐)，如果唔揀海鮮套餐，另外仲可以散叫食物，選擇比較彈性。蟲草雞($128/半隻)無骨！超滑！好食！必食推介！另外，侍應姐姐服務好好，幫埋你蒸野/分菜，見你落手拆蟹，等你食完之後，會主動遞上濕紙巾。當日book唔到心儀既蒸汽火鍋店，唯有求其係尖沙咀區搵到呢間，見到openrice d食評同餐牌都N年前咁制，心入面都打左個底先去食，但估唔到竟然有意外驚喜～。

好耐冇去食蒸氣火鍋，突然心血來潮想食，當然係去H8食佢地啦，去到見到有埋幾款泰菜，佢地前身就係三角公廁附近嗰間小店泰式生香，梗係即刻轉軚食泰菜啦!當然冇以前主打咁多款揀，但有太座至愛嘅“香葉辣椒豆角肉碎炒飯”，食落一樣超級好味，不減當年!“炸蝦餅”送酒一流!“燒雞翼”配上甜酸汁簡直令人食唔停口!真係要多D上嚟食飯喇!

星期五己接近兩點非繁忙時間，我與朋友入去只安排一張入面最窄的枱俾我地，我禮貌地問那個戴眼鏡女待應可否安排另一張大點的枱，因為裏面其實重有五至六張吉枱冇人坐，點知嗰個女待應語帶不滿話「你要坐咪坐囉，到有其他人坐你都係要俾返張枱我啦！」第一，己過了午餐繁忙時間如果你爆就唔會咁多吉枱剩低，其次駛唔駛用趕客語氣咁不滿，只係要求調個位啫，乜嘢order都未叫都唔得？你咁好生意就唔駛樓下搵阿姐派傳單叫人上嚟食飯啦！你咁爆午飯時間就唔駛咁多吉枱啦！終於明白原來佢哋服務態度咁一流，唯有祝你地「客似雲來」....

自從同太座結婚之後，我棵Family Tree越嚟越大棵，間唔中飯局真係食唔停，今次就約咗一班家人食飯，生咗比卡豬之後真係少嚟咗，因為蒸氣火鍋嘛，但比卡豬越嚟越大，可以再嚟呢度密D喇，好掛住呢度嘅食物!頭盤小食當然唔少得生蝦，因為佢地之前喺三角公廁對面開泰菜好多健，所以呢個生蝦基本上係冇得輸，如果唔食得辣嘅朋友記得點餐時叫小辣!泰式酸辣鳳爪我連骨都未睇過就俾人照鏡，可想而知幾好味!燒豬頸肉燒得啱啱好，肉汁豐富而嫩，正!今次老闆娘整咗個生菜包我地懷念吓，人情味爆燈!輪到主菜，鍋底今次我地點咗一個巴戟雞湯一個豬骨粥，而一個海鮮拼盤一大班朋友食就最啱，樣樣可以試吓，呢度嘅海鮮係老闆每日下晝去街市選購㗎，所以新鮮味美就一定喇!安格斯牛肉絕對係啫牛必選，入口有牛味，唔識形容!蒸排骨配上烏冬，會令人食到唔停得口，我建議大家食小小好喇，停唔到口飽咗就食唔到其他嘢!蒜蓉蒸勝瓜，絕對係大魚大肉之間協調吓個胃嘅美食!由第一次幫襯到而家，有一樣係每次都會點嘅，就係蟲草花蒸雞，我極力推介 食過就知!其他仲有墨魚丸、秘制五花腩、白玉蟹棒卷等等，你嚟到同老闆或者侍應傾吓，佢地會介紹啱你食嘅食物俾你!最近仲做緊優惠

 估唔到又幾好 wor…蒸海鮮餐廳午餐竟然係做泰菜…坐位寬闊, 好爆場! 有生猛游水海鮮, 下次可以試下晚餐! 泰式午餐好抵食, 見隔離枱枱都清碟, 咖喱連汁都清埋 (連女仔都清碟), 我哋好有期望…點知….堅掂! 蝦醬炒飯 ($50) ~ 未放枱落已經聞到好香, 飯炒得乾身, 仲有幾片葡式臘腸, 好味道! 炒金邊粉 ($52) ~ 夠味, 粉軟硬適中, 仲好多餸! 豬手飯 ($50) ~ 豬手好淋, 唔肥, 入味! 唯一飯於我有點硬! 註: 整體來說….都真係幾好食, 可以去多幾次, 下次試咖喱! 

行過見到佢樓下個易拉架見佢lunch又唔算好貴就一於上去試下上到去又唔算多人叫左個青咖喱雞飯佢個咖喱係菜多過雞既😂😂😂不過個咖喱都唔錯送飯一流可惜個飯淋左啲

今次跟同事黎尖沙咀蒸氣火鍋，冇諗到係尖沙咀金馬倫道呢頭成日都經嘅地方有間咁正嘅蒸氣火鍋～呢間嘅海鮮係十份新鮮！佢可以比你自己撈調味料！最好味係加左份雞肉，蒸嘅方法將雞肉好入味，雞肉本身仲有甜味！黎到嘅時候雖然是星期五晚但食客唔太多，所以都坐得幾舒服！而且小店都幾山有心機，包括擺盤、公食碗同埋好似客棧嘅長木椅！我自己都食唔少蒸氣火鍋，之前多數番大陸食，價錢相對便宜好多，百幾蚊人仔食到你嘔！不過相比起大陸，呢間真係鮮甜好多！之後介紹左比男朋友同朋友一就去食，佢都大讚好味道！

同朋友行開尖沙咀想搵嘢食,又諗唔到食咩好,行行下去到厚福街尾好多食肆個座大廈度,見到有間蒸氣火鍋,於是就上去試下.餐廳唔大但都唔會覺得迫.呢度主要係食海鮮為主,隨左散叫仲有套餐點.我地最後都點左個套餐.個餐有鮑魚,蝦,蟹,扇貝等等,鍋底都有粥同湯選擇.海鮮都好新鮮,鮑魚都仲係郁緊既,蝦同帶子都好鮮甜.店員服務都好好,佢哋幫你將食物擺落蒸鍋度同計時間,唔駛驚自己整會蒸到過晒火,好岩一班人黎吹水食飯.

又係時候放學啦，今日都有飯局，好耐冇食過蒸海鮮，今日就去試一試一間喺學校附近你去過嘅蒸氣鍋店，6:30準時到達，一路等𨋢一路爬文睇吓究竟有啲咩食，未出發先興奮嘅感覺好耐都冇，可能因為星期五超級Holiday mood，上到去望一望餐牌，見到有一個Set $498，有蝦有蟹有鮑魚有扇貝有蜆有花甲，諗都唔使諗，就叫佢啦，原來仲會做埋個粥底，一諗起啲海鮮汁流晒落去個粥度，就即時好多FF，每種海鮮都係好新鮮，最值得讚蜆同埋花甲都係冇沙，下次可以再嚟。

本來打算食樓下日本餐廳喺樓下見到個廣告又好似幾正咁就上黎試下估吾到搵到一間超正既蒸氣火鍋又好好彩今日吾多人有幾位哥哥輪流幫你蒸服務簡直係冇得挑剔🙈叫咗個四人份量嘅拼盤全部都好新鮮好鮮甜omg❤️仲有特大聖子68一隻！一定要試，真系超級好食架蒸完哂所有海鮮仲有靚湯飲，成日容易頭痛最啱飲呢個湯，我自己系超級鐘意藥材味嘅湯😳再加上佢嘅大頭魚啖啖肉，好正呀！今日系同男朋友紀念日過了一個好開心的一個晚上☺️同埋呢間餐廳開到朝早6點架，收工同同事過黎慢慢食都仲得🤩一個字形容呢間餐廳「正」

因為生咗個小魔怪，好耐冇嚟幫襯，今晚公司圍內團年飯，想食蒸氣火鍋，梗係上去啦，小食有牛脷同牛粒，送酒一流好惹味，海鮮拼盤夠6個人食，最重要新鮮，唔係街邊嗰D任食火鍋可以相比，當然要食我至愛蟲草花蒸雞，好嫩好滑又有益，蒸蝦完全食到彈牙，仲有最重要係服務好，有專人幫你蒸食物，免卻自己動手，希望好快可以再嚟食啦

次次帶新朋友去都話好食又抵食，鮑魚用正宗新會陳皮去蒸，口味鮮得來又豐富，蒸勝瓜用的瑤柱，每一口都多汁野味，材料還是自家制，好食到想喊！老闆同員工們服務態度好好，幾乎不用自己動手去做，超推薦點粥底或者酒雞湯，極品呀！環境都好好，好適合聚會，來光顧不下10次，但會繼續帶新朋友過來食！

服務好好、海鮮明碼實價，教埋，幫埋你蒸，其間服務良好，值得再去佢個海鮮拼好正 ，再加左聖子等 十分新鮮，店員幫手計時蒸 ，時間岩岩好 ，十分正，店員亦笑容滿面，好高興既一餐

作為持家有道的好姑娘，即使再為食，錢還是要省的。太貴的食材還是捨不得嗌的，幸而，有一個好老細，請食飯餞別一位同事，仲要主動加左隻$13xx的藍龍蝦黎食既然如此，我不客氣了。由於店裡近入口處有個大魚缸，非常搶眼。老細大概感受到我地含情脈脈地望住魚缸，再望住佢，「好似唔夠食喎～」佢話：「要唔要加d料呀？」「唔好意思既，老細你話事丫。」下一秒，「好識do」既老細已經自動自覺行到魚缸旁邊，著店員捉起隻龍蝦黎望下新唔新鮮。講緊既係法國藍波士頓龍蝦，要$13xx一隻。拎上手仲猛咁跳，好新鮮。再下一秒，呢隻咁生猛既大龍蝦已經被斬晒隻放上我地檯面。老細即時感到我地熾熱既愛意嘞。龍蝦好大一盆，店員首先將難熟的龍蝦鉗放入去蒸。蒸到咁上下，再將其餘龍蝦都放進去。第一次見龍蝦在鍋上顫動，其實是肌肉收縮的反應，睇到我內心都好激動。蒸熟之後，我分到龍蝦膏（其實應該係蝦腦黎）龍蝦味非常濃郁！質感好Smooth好綿滑！龍蝦蝦身亦都啖啖肉，每一口都感受到蝦肉在齒間回彈的感覺。亦完全冇需要添加其他調味料，因為它自帶鮮味。講完龍蝦，講返湯底，首先揀湯底是一件非常掙扎的事豬骨粥底好似好正，雞又好似好正，最後在店家推薦之下，叫

是日母親節慶祝，我哋一家人去咗食二間都嚟過幾次嘅餐廳，但係佢哋嘅服務真係一路都好好，原因係今次我哋多咗個坐輪椅嘅阿伯，但係佢哋都好貼心咁樣去幫我地安排座位，仲要有母親節驚喜送我媽咪一枝花搞到媽咪好開心佢哋依家餐廳啲嘢食都唔差㗎，首先要推介嘅係佢哋嘅蟲草蒸雞同埋有啲酒味嘅豬腩肉，隻雞真係好新鮮，有雞味。佢哋嘅手切肥牛亦都係唔係真係普通貨好新鮮同我九龍城嗰啲有得fight一定要嗌蒜蓉勝瓜同埋新鮮嘅淮山其實蒸完出嚟個啱啱好唔會太硬好好味小食都可以帶黑糖雞翼佢之前有個蝦丸都好好味不過依家冇得哎lu海鮮拼盤呢亦都係所有海鮮都好新鮮而且啲蜆冇乜沙同埋好甜我哋帶咗豬骨粥仔最後食個粥嘅時候已經好飽但係因為太鮮味啦所以我都食咗兩碗