Season Plus (已結業)

一直都知道山林道好多野食,但平時都係去飲野多,都好少去食飯,諗住去度見到邊間想食就入去試下,見到哩間都幾隱世既餐廳幾令又有海鮮食😊所以就試下啦!!食物方面:⚪️白酒煮硯酒味幾香,硯好鮮甜有海水味無沙!⚪️黑松露薯角熱辣辣好大份,飲酒配薯角食真係好正!⚪️烤焗海鮮拼盤(海蝦.龍蝦.元貝.東風螺.大啡菇)海鮮都唔錯,有少少乾,但都有鮮味,龍蝦都好彈牙大啡菇幾多汁,好味!!🤤⚪️牛油焗比目魚🐟比目魚好滑份量都好多,正!⚪️芝士牛油焗日本元貝(2隻)好多芝士元貝唔算好大隻,但都OK👍🏻⚪️美國安格斯西冷叫左5成熟,但應該係熟左少少7成,肉質都OK,有少少根,但都唔會好乾!⚪️日本一口和牛粒和牛粒好好味,好多汁而且無根,啖啖肉😍⚪️雜果賓治⚪️菠蘿梳打飲品都唔錯,食海鮮/牛排都好夾🍹整體方面:餐廳位置都有少少難搵,但地方好大,唔迫,因為今次試左海鮮同牛排,整體食物都好味,價格都好實惠👍🏻

我同女朋友都鍾意食海鮮，但有時出去餐廳食海鮮會覺得好貴，但Season Plus打破咗我哋呢個觀念，不論海鮮或者其他食物都一樣價錢超值，性價比高，而且環境都幾好，裝修有貴價餐廳嘅感覺價錢平唔代表質素唔好，我哋首先叫咗個煙三文魚凱撒沙律$58，煙三文魚份量好多，沙律菜好新鮮好大碟，平時出去食呢碟沙律起碼接近$100生蠔都超抵食，$9起，中size既美國蠔都只係賣$18，因為我哋鍾意食比較大隻嘅蠔，所以叫咗美國蠔，每一隻都鮮甜肥美另外我哋仲叫咗個海鮮拼盤，$298竟然有一隻龍蝦，大蝦，帶子，翡翠螺，龍蝦好大隻，啲肉好彈牙，翡翠螺味道鮮甜，呢一個海鮮拼盤真係非叫不可鍾意食海鮮嘅朋友就必定要黎試下

今日約咗個朋友食飯，大家都鍾意食生蠔，今次就揀咗位於尖沙咀山林道嘅Season Plus餐廳環境都幾好，除咗室內嘅位置之外，仲會有露天嘅座位，幾有情調同個朋友咁耐冇見，梗係要開返支酒黎個Girl’s talk，我同朋友都比較鍾意果香味較重嘅白酒，而店員向我哋介紹呢支仲會帶有花香，果然介紹得冇錯，呢一支白酒好易入口，少少甜，果味濃郁帶有淡淡花香，好適合女仔而惠顧酒類可以以優惠價$50換購生蠔，生蠔大大隻又新鮮，配白酒一流我地叫左個一口和牛粒，牛味香，唔會韌，份量都幾多最後就叫咗個超抵食嘅海鮮拼盤，有龍蝦，翡翠螺，虎蝦，元貝同埋黑松露芝士大啡菇個芝士焗得好香，海鮮都好鮮味，200幾蚊黎講物超所值餐廳仲會設有cocktail 任飲都係$128，可以約埋班好朋友一齊食個海鮮宴

星期六與朋友一起食個晚餐傾下計， 今次係朋友提議試這間餐廳， 一入到去見到好多客人都叫了生蠔，海鮮拼盤，紅酒白酒等等嘅食物飲料， 我哋立即坐低睇下menu有啲乜嘢好嘢先到最後我哋三個點了生蠔，芝士黑松露焗大蘑菇，海鮮拼盤，羊架， 精選沙律拼盤， 意大利肉醬千層麵。 總括嚟講這間餐廳環境服務都唔錯， 同朋友坐低傾下偈飲下酒黎呢度係一個好好嘅選擇， 價錢又唔貴但係又有唔錯嘅美食白酒生蠔拼盤 真係超值價錢，只係$198就有12隻生蠔同埋一支白酒， 開頭都諗住支白酒未必好飲， 但原來易入口帶一點果香味， 配埋生蠔真係非常之唔錯 12隻新鮮肥美的生蠔這個海鮮拼盤有大大隻波士頓龍蝦， 花甲，大蝦，翡翠螺，青口， 份量十足大家都食得好開心好滿足😋😋😋精選沙律拼盤入面有挪威煙三文魚，巴馬火腿，有機沙律菜，法式凍熟蝦配意大利黑醋。當店員送上沙律的時候， 我與朋友們都好驚喜 因為真係好大盤🤩🤩🤩 沙律菜好新鮮， 其他配料亦都相當美味， 尤其是佢地既熟蝦爽口鮮甜， 仲有唔少得巴馬火腿同煙三文魚真係襯到絕！食咗咁多生冷食物，開始有少少想食翻熱食， 我哋點了羊架， 羊架味道普通唔算好特別， 但係還可以肉質唔差。

係山林道既盡頭，轉彎上樓梯，彷彿去左一個隱世角落，裡面有豐富既海鮮，寧靜既環境，令你可以完全放鬆心情。休息寧靜夜景，令人有種置身外國既感覺，同朋友黎飲杯野都相當有氣氛。室內則係另一番景象，而且都各有特色。MENU海鮮款式選擇之多，而且價錢唔貴，生蠔拼盤、海鮮拼盤一定係必點之選！日本璣煮鮑魚，一份有兩隻，帶清甜海鮮味，肉質較厚韌，需要使勁咀嚼。要講抵食一定非呢個海鮮拼盤莫屬，冷盤大大份咁上，夠晒一家大細分～冰鎮海鮮仍然保留住鮮味，海鮮包括有波士頓龍蝦、法式凍熟大蝦、加拿大翡翠螺、紐西蘭青口同韓國花蛤。龍蝦肉質煙韌又厚身，食落去啖啖肉，加拿大翡翠螺、紐西蘭青口新鮮又好食～法式凍熟大蝦口感爽彈又鮮口，韓國花蛤份量有一磅之多，而味道亦相當鮮甜，朋友聚餐都係必食之選！熊本霜降西冷，帶淡淡牛脂香，order既係5成熟，但食落去係外熟內軟，生熟度控制得未算平均，不過塊西冷本身既味夠香，令味道加番唔少分，不過薯角則炸得太油膩，唔太好食。

平日晚去食，不用訂位，全場只有我地一張桌，好似包場咁。因為慶生，所以叫了好多野食。有生蠔盤，$198有12隻加白酒一支，生蠔不是很大，但質素也ok。再點了沙律拼盤，海鮮拼盤，意大利飯，海膽刺身同帆立貝刺身。食物質素ok，環境都ok，只是可能平日晚人客不多，給店員望著食飯不是太自在。

真的意想不到在尖沙咀鬧市當中，竟然發現到這一間遠離繁囂的小綠洲，在這裡你不㑹聽到車聲，也不會見到人來人往的情境，你可真不能相信自己竟然身處在尖沙咀！這𥚃真的不是容易找，店家特意圖文並茂製作一張地圖。生蠔拼盤（$198/set)這個是餐廳最強人氣#1 之選， 我當然不會錯過，$198 有12隻生蠔外並送意大利白酒一枝。以這個價錢吃到一打生蠔加一枝白酒，都算超值，如果想享用質量更好的蠔和酒類，更可加錢升級。生蠔很鮮甜，肉質爽口，還吃得出淡淡的海水味道白酒配生蠔更是最佳拍檔，總括而言，以這個價錢來說，真是物超所值，難怪成為#1 人氣之選。海鮮拼盤（$298）拼盤包括：▪️龍蝦半隻 - 肉質鮮甜，龍蝦頭更有很多蝦膏。▪️小龍蝦4隻 - 小龍蝦頭大身細，蝦身細細，但也很多肉，蝦頭亦有很多蝦膏。▪️大蝦4隻 - 大蝦肉質爽彈新鮮，亦很鮮甜▪️加拿大藍青口6隻 - 藍青口一點也不覺鞋口，帶點煙靭，肉味鮮甜。▪️加拿大翡翠螺4隻 - 翡翠螺肉質結實鮮甜，但裡面有小小沙。▪️磯煑鮑魚2隻 - 鲍魚是用醤汁煮過後再雪涷，鮑魚不會過靭，味道惹味。慢煮美國安格斯牛柳（$348）牛柳還附送一款頭盤：煙三文魚沙律，意式巴馬火

朋友介紹這間餐廳的海鮮和生蠔很抵食，於是便和hubby來試試。餐廳裝潢簡約，侍應招待也很好，雖然今天是星期四，而且地點離地鐵站比較遠，但不到七時半已全場爆滿，連餐廳外也坐了兩枱客人。生蠔拼盤 (連意大利白酒一支) 原價$298，現以推廣價$198便可享用生蠔十二隻。生蠔很鮮甜，有濃濃的海水味，吃完口內回甘；白酒也很香果香味，這個拼盤真的很超值。海鮮拼盤 非常足料的海鮮拼盤，而且所有海鮮都很新鮮。龍蝦雖然只有半隻，但也很大隻而且很多膏和很爽口。新鮮的小龍蝦也有四隻，鮑魚、翡翠螺和青口也很鮮味，不像一般酒店自助餐那淡而無味的貨色。燒海膽多士 金黃色的海膽多士很香脆，淡淡的海膽味和濃濃的芝士，是很特別的配搭。