PHI Coffee & Pancake (卡佛大廈)

營業中

休息中

下雨的晚上，放工約了友人食飯，友人推介PHI Coffee & Pancake，主打日式梳乎厘Pancake，都幾吸引一於試下，THANKS友人BOOK位。餐廳面積頗大，木系為主調，四周滿佈花草的佈置，感覺自然柔和，位子寬敞，坐得舒適。餐牌，食物都幾多選擇，除了Coffee & Pancake，仲有意粉、三文治及蛋糕等。伯爵茶鮮奶咖啡，$42，拉花好靚，淡淡的伯爵茶香味，都不俗呢。豆花咖啡，$52，友人的，賣相吸引。海鮮煙肉意粉，$92，有煙肉、青口及蜆等，意粉少許鹹帶少許鮮味。宇治抹茶紅豆梳乎厘，$112。厚身的梳乎厘Pancake，蛋味香濃，口感鬆軟有空氣感，配料有三色丸子、蕨餅及紅豆等，份量十足，抹茶忌廉香甜，微微的抹茶味，三色丸子口感有點實味道甜甜地，蕨餅口感滑溜軟嫩有抹茶味。有張卡可儲印花換優惠。食物味道不俗，坐得舒適，價格合理，服務態度有禮。漏左拎返把傘係餐廳(隔左日發現)，幸好餐廳職員留住左把傘(之後放工時去拎返)，THANKS個職員呀~~~~~!

星期三特別難捱梗係要放工之見吓朋友輕鬆吓啦，今次我地決定去中環呢個middle point 匯合，一睇reviews就比PHI疏乎厘吸引所以決定去試吓～餐廳粉色外牆相當吸晴，餐廳裏面嘅Design都好少女有好多乾花擺設，7:30pm去到完全唔洗等！座位寬闊舒服，係同朋友𣈱談嘅好選擇！海鮮煙肉意粉相當有水準，青口同蜆肉都好足料，意粉好有咬口。跟餐+$32有一大壺福鼎白茶，好清新同解膩。原本以為芝士牛肉三文治配煎蛋會好普通但比我想像中有surprise ，個toast好脆口而且牛油香好出，煎蛋半流心一切開幸福感Level up!餐廳做緊hand drip promotiom，一盒10包有兩款味嘅PHI Your Drip $188送一客疏乎厘，心儀嘅Lotus Biscoff Caramel Soufflé $128即係加多$66(連加一)就有10包 hand drip，一試無妨。Lotus Biscoff Caramel Soufflé 真係睇得又食得，疏乎厘嘅空氣感十足，加雪糕同埋焦糖醬超夾，三大塊一下子就被我哋K.O.咗啦～ 超滿足！Menu-

最近跟朋友試下玩Yoga，上完堂就去左附近哩間cafe食埋lunch先走。Phi因為野為野食唔錯，加上成間鋪用左好多仿真植物做裝飾，所以除左平日lunch hour多附近嘅打工仔幫趁，weekend都好多喺附近做完運動嘅人黎食。店面都幾大，座位都好闊落唔會太迫，冷氣仲好勁，出面慶合合入到黎，坐耐仲都要搵返件披。佢地主打意粉、三文治、梳乎厘等輕食，另外仲有好多特式咖啡同茶，聽朋友講佢地個Menu每個月都會轉下，所以就算成日黎食都唔會悶。Tiramisu Coffee($52) - 咖啡上面有厚厚嘅鮮奶，面頭再放左好多朱古力粉，就咁飲同平時咖啡差唔多，但飲多兩啖再攪勻佢飲，就會飲倒鮮奶嘅creamy同朱古力粉嘅生味，就好似食緊Tiramisu一樣。紫薯鮮奶咖啡($48) - 咖啡上面有紫色拉花，好啱打卡，聞落好香紫薯味，但入口紫薯味其實唔會太重，鮮奶咖啡奶泡綿密，咖啡香而不苦。海鮮煙肉意粉($92) - 意粉上面放滿青口、蜆、煙肉同番茄粒，意粉比較水潤，口感微彈，意粉量都唔少，不過因為冇忌廉，所以味道比較輕盈。芝士牛肉三文治配煎蛋($82) - 三文治烘到脆脆地，中間夾左半融芝士同牛肉，再