GRIND SIZE

營業中

休息中

福岡嘅美食分享暫告一段落，又再同大家分享返香港嘅美食😛呢間位於旺角嘅Grind Size，我哋大概1年半前都有介紹過，上個月我哋再去食，試咗其他未食過嘅菜式😋 甜品依然出色😍•🥢 香煎帶子三文魚籽明太子手捲粉 $148帶子表面微微煎香，入面保留刺身嘅彈牙口感👍🏼 手捲粉有啲似𠝹咗一刀嘅長通粉咁，中間包住唔少明太子醬，口感相對上實少少，比一般食嘅長通粉無咁彈牙～ 明太子醬入面仲有唔少櫻花蝦，再加埋三文魚籽嘅鹹香，好惹味😋 但食到最尾會有少少膩🤭•🥢 香草煎封門柳 煎雙蛋 Sourdough $128封門柳份量幾多，每層有4-5件，口感幾嫩，而且幾有牛味，配埋流心蛋黃就更加滑溜🤤 呢個sourdough幾有驚喜🤩因為除咗封門柳同埋流心煎雙蛋之外，封門柳同麵包中間原來有薯蓉！薯蓉口感非常軟滑，應該落咗唔少牛油🧈 加埋麵包一齊食都幾夾，但係有個缺點就係會搞到塊麵包浸腍晒，無乜咬口😣P.S. 發現新餐牌無咗呢款了🥲•🥢 火炙松露荷蘭汁脆炸薯條 $88薯條份量好多，而且的確幾脆，但係個醬就比預期中有啲落差，食落似普通嘅松露沙律醬😬 •🥢 海鹽焦糖玉桂蘋果牛角包窩夫 $72之前食過檸檬茶味心太軟已經

上次同同事早放工嚟過呢間cafe打躉，覺得環境好舒適，感覺好文青嘢食行fusion，都整得好唔錯，今次再訪試吓食晚餐卡邦尼大胃都經常食，溫泉蛋係佢老友烚到流汁，撈吓闊條麵，醬汁嘅味感up配豬面肉代替煙肉，比較彈牙，更有肉香薯條係普通食材，但炸到咁脆卜卜，真係唔係間間都得，面頭有大量木魚同紫菜，仲有大阪燒醬，真係好有風味胃民竟然係第一次食croffle，表示對呢樣嘢好有驚喜，就連成日食croffle嘅大胃，都覺得醬汁、口感都一流，相信海鹽焦糖係關鍵呢間有好多種類嘅咖啡，焦糖燉蛋味都有，唔會死甜，topping creamy青瓜咖啡一啲都唔奇怪，出奇地夾，另類提出到咖啡嘅香

是日去開買嘢，隨便向花園街搵間食店，好好彩walk in都有位😍Lucky🙏 咁啱坐左樓上梳化位，幾有feel而且仲夠靜，幾啱傾下計。🔥蟹肉明太子流心西班牙蛋餅 ($98) 中間有流心😋而且質地鬆軟夠滑，唔會因為佢太厚而硬身，做得好好！日式蟹膏 三文魚籽 帶子 明太子手捲粉 ($158)個汁幾好味，明顯feel到明太子同三文魚籽用料好足，係個蟹膏咸咗少少，蟹鉗唔夠鮮同d蟹肉難撩d，不過整體俾個汁救返算ok嘅。🔥慢煮澳洲牛面頰 沙嗲煎腸粉 ($158)牛面頰夠淋，加埋個汁變真沙嗲牛🤣 個腸粉煎到香香地，撈汁一流。🔥花雕麻辣意粉 配本地鮮蜆 ($128)意粉熟度啱啱好，個汁夠麻小辣，雖然花雕入咗汁度唔多覺，但已經令Yummy想清碟‼️ 最開心嘅係佢蜆好大隻，份量又多。🔥海鹽焦糖玉桂蘋果牛角包窩夫 ($72)呢個玉桂出手比較重，一上檯勁香☺️☺️窩夫溫度又夠熱，大愛❤️❤️咸又唔咸蛋黃吉士 甜又唔甜比利是窩夫 ($98)呢個係個微秒嘅組合，咸同甜撞埋一齊，不過Yummy重口味，私心覺得集中咸蛋黃味少d甜味都ok🤣🔥髒髒牛角包窩夫 ($72)永遠髒髒系列嘅野食都唔會令人失望，滿滿嘅咖啡同朱古力味😋 ☕️焦

啤酒漿薯條配蜜糖芥末醬 $68有驚喜，好酥脆唔油膩，好好食👍🏻慢煮澳洲牛面頰·沙嗲煎腸粉 $158牛面頰好軟腍，腸粉煎到外皮焦焦地，但本身腸粉個質地唔夠煙韌，比較”削”；配上惹味嘅沙嗲汁，微辣，整體都唔錯。海鹽焦糖玉桂蘋果牛角包窩夫 $72牛角包窩夫外脆內軟，配上玉桂蘋果粒粒同雲呢拿雪糕，冰火交融，口感豐富。黑芝麻鮮奶 $48鮮奶、黑芝麻同糖漿係分開上，我哋冇落糖水，落哂成杯黑芝麻都覺得唔夠濃郁，只有好淡嘅黑芝麻味。〰️〰️〰️〰️〰餐廳食品幾有特色，例如：花雕麻辣意粉、沙嗲煎腸粉、不是飲品·凍檸茶等等⋯⋯主菜同甜品有創意之餘，味道都唔差。餐廳裝修以簡約白色為主，二樓有梳化位同榻榻米位，空間寬闊，好適合打卡😆 不過坐二樓就要捕捉住店員上嚟嘅時候，如果佢哋唔係帶位或者送餐，都幾難叫到佢哋🫣如果驚星期六日好多人，可以預先打電話去book定位，咁就唔洗排隊啦😉〰️〰️〰️〰️〰️食物: 3.5/5性價比: 3/5 環境: 4/5服務: 3/5Revisit: Maybe