三分俗氣 (已結業)

一直鍾愛係工廠區搵美食，聖誕期間食過太多西餐，今晚就要食返中菜，中菜最愛既非上海菜莫也！三分俗氣外表唔太起眼，但味道絕對會令你回味涼伴雞絲粉皮~最愛既上海前菜，有濃濃既麻醬味，雞絲粉量足夠，而且粉皮好有口感，夠晒彈牙！招牌鮮肉生煎包~上碟時熱辣辣，食得出既鮮味，果然係招牌菜，生煎包夠晒脆，將肉汁鎖住，一定要襯熱食，好味道四川紅油抄手~紅油炒手係我心中要求就皮夠薄，紅油同蒜茸既比例要岩岩好，三分俗氣就做到啦成都水煮魚片~第一次食水煮魚，所以正唔正宗我無資格講，但食得出魚片好滑，望落以為好辣，但我又接受到，另外配有芽菜同粉皮椰茸煎芋餅~上海美食黎講，從未見過呢款甜品，咁就試試先，甜品可以用外脆內軟黎形容，外層係半煎炸，舖上大量椰絲，內層就芋泥再包紅豆餡，香口亦不會太甜，煙煙un un....仲有8件咁多，絕對直得再encore,大愛9

年前食過，今天再臨為的係佢嘅小籠包同高力豆沙。鮮肉小籠包 $36佢做的小籠包皮，真係可以算是皮薄饀靚。皮好有彈性，內𥚃雖然多汁但唔會容易穿。水準仍然 keep 到，實屬難得。三十六蚊有4隻，抵食的，大推。涼伴雞絲粉皮 $42小食來講真係算勁大碟，粉皮好正有彈性，滑嘟嘟又夠 Q ，第一次食到呢種口感。麻醬夠多又好香好濃，不過就蓋過了雞絲味道。糖醋魚塊 $75大大塊的糖醋魚塊，酸酸甜甜幾開胃。魚塊炸過表層都幾鬆化，冇雪味冇腥味。俗氣擔擔麵$45花生醬很濃的擔擔麵，香而不辣。超大碗，兩個人 share 都食唔曬。麵底幾靚，幼細而有彈性。不過最好叫餐廳幫忙剪麵，我地忘記了，太長有D難夾。奶油津白 $55又係大碟夾抵食之選，感覺有少少似西式的白汁焗菜，好香奶油味。每條津白都 carry 左好多汁，好味呀！雪山高力豆沙 $38另一主角，為佢而來，果然不負眾望。外層佈滿雪山糖霜粉，棉花糖般的高力豆沙皮真係做得特別好味。豆沙饀其實唔會太多，亦唔係甜，好啱我。價錢平，新鮮即做又熱辣辣，亦係必食項目。沒有加一，食到好飽二人埋單都唔使三百，高 CP 呀！

平時好少嚟新蒲崗，今次為咗試下三分俗氣特登搭車入嚟，因為係晚餐時間，去到下層已經坐滿哂，好彩餐廳地方夠大位夠多，有二樓，唔洗等即刻有得坐。首先食咗個前菜——涼伴雞絲粉皮($42)有好香嘅麻醬味，雞絲幾有咬口，粉皮爽口，而且大大條唔算難夾，手殘嘅我都夾到。我地呢班朋友仔好鐘意食辣野，所以我地就叫左四川紅油抄手（$45）、足料酸辣湯（$30）、川味口水雞（$62）同成都水煮魚片（$108）。四川紅油抄手（$45）果然皮薄，肉質夠味，加埋佢d辣汁，果然冇令我失望。足料酸辣湯（$30）夠酸唔太辣，而且真係多料，湯同料既比例非常好👍。同埋佢好好呀，可以簡大碗定細碗，唔驚叫左唔啱飲而浪費哂。川味口水雞($62)肉質超嫩滑，食落去涼得嚟又帶少少辣，骨又唔算大舊，食起嚟相當過癮。成都水煮魚片（$108）佢一上枱紅當當咁好驚佢好辣，即刻試下佢，好彩唔太辣。我非常推薦呢道菜比大家，除左因爲個辣度係大家接受到外，佢d魚係冇骨架👏👏👏。呢道菜除左有魚，仲有寬粉同豆芽架，兩樣都好入味，勁好食👍👍。飲品方面我地叫左自制鮮豆漿（$12）、咸檸七（$20）同茅根竹庶水（$12）。豆漿（$12）是店家自製的，入口有濃濃

媽子系新蒲崗開檔所以間唔時都會去新蒲崗食晚餐今日又系陪媽子日所以就去左附近既三分俗氣食上海菜依間餐廳裝修簡單企理店鋪內既人客都系附近既居民為主店員同埋人客好多已經系老朋友相當熱鬧~當然價錢都相當親民~味道相當不錯當中招牌鮮肉生煎包 $36系我地每次來都必點之選因為餐廳既肉餡十分新鮮 經過半煎半蒸後肉汁相當飽滿 而保滿左系包之間咬落去 記住要搵個湯匙接住！一啖湯都唔可以流失~蟹粉小籠包 $60$60有4大只~絕對系超級抵大家食既時候可以捉住小籠包既頂站再點少少醋~醋同蟹肉系絕配之選！之後由上面咬開 飲少少湯汁~再把剩低既部份一啖落去果種滋味系非筆墨所形容~川味口水雞 $62上海人既口味比較同香港人相近佢地既辣味系香辣而不過於刺激而餐廳處理雞肉既部份都做得好好所以雞肉保持到鮮嫩 加埋川味既汁醬系一道好好食既開胃小菜！！！賽螃蟹伊面 $82賽螃蟹其實並唔系蟹而系蛋白加入鮮奶再經快炒或微炸做到好滑既口感 帶點奶香 做到同蟹肉口感好似而餐廳既賽螃蟹既口感十分幼滑每啖都帶有少少奶香~撈埋伊面簡直一絕！成都水煮魚片 $108 系抵食之選去骨既魚片系懶人既至愛每啖都系魚肉~又唔洗去骨再加上水煮魚片入面

星期日同家人想食上海嘢，結果去好評多的這間三分俗氣，點知。。。食完又覺得openrice食家們欺騙我。。午餐叫左兩個A+B餐，主菜加小食，送飲品，再另外加兩個小食。1. 擔擔刀削麵 ($32) + 小龍包(3隻 -$20)擔擔麵夠多花生醬，味道夠濃，略嫌咸；麵質喜歡有質感咬口的麵。小龍包好多汁，肉質正常👌🏻2. 雞扒菜飯($33) + 小龍包(3隻$20) 雞扒 油 ；菜飯 油係咪上海嘢係甘。 。 無理由會甘的3. 涼拌雞絲粉皮($48)夠多麻醬😂粉皮都好食的👌🏻但離個菜式應該唔會差得去邊?除非有人同我講 粉皮係佢地自己整，甘我就對離間嘢改觀。否則絕不推薦😂之後到一碟 上台後想反枱的菜式4. 韭菜餅 ($30)點解 點解可以同我想像中差甘多。係咪有味餸係韭菜炒蛋，為響應環保，所以用離味餸整個餅，混水摸魚？意想不到再用春卷皮包住離味餸。 。 。 油到呢，又無韭菜味，離譜的係蛋味都無負分的韭菜餅。定又係我唔識嘢？點解可以甘多好評。總括離講真係below average