川味雞烤魚大王 (大河道)

營業中

休息中

係荃灣搵野食，搵到呢間烤魚好似幾吸引。舖面望落好地道，入內冷氣好足，唔怕食辣野熱到流曬汗。每枱都有個電磁爐面，邊食邊加熱慢慢食都唔怕野食變凍。重慶麻辣烤海鱸魚 $268 第一次食怕太辣，所以只係揀左BB辣，常人接受到嘅辣度。一上菜已經俾佢賣相吸引，大大盤麻辣湯底，開邊嘅海鱸魚，上面鋪滿辣椒同花椒。等電磁爐烘熱會開始聞到麻辣香味，到煮滾就可以食得。魚肉入口幾嫩，口感結實，份量大份，淨係食魚都已經好滿足🤤邊食邊拆魚肉會食到淡麻辣味，拆完肉煲多陣先食就會濃味好多。一口魚肉搭一粒花椒，口中咬爆花椒又係另一種麻辣感受。兩個人慢慢食，滾左一個鐘左右條魚都冇滾散👍🏻雞湯紅薯粉 $28紅薯粉口感Ｑ彈，而且非常吸味。就咁食已經有濃雞湯鮮甜味。更加可以夾入麻辣烤魚湯底吸收濃湯，食落既彈牙又麻辣😝涼拌皮蛋 $32百香果梳打 $26大杯特飲，仲有粒粒百香果籽。梳打氣泡感，消暑之餘仲好解辣。食量唔夠大，食到魚就食唔到雞，唯有下次再幫襯。

最近好喜歡食川菜，尤其是最近天氣很熱。吃點酸酸辣辣的特別開胃。招牌口水雞$68這裡的口水雞差不多半隻的份量，剛好還有雞髀的部位，肉質好滑🤤🤤口水雞醬汁好香花生麻醬，色香味俱全，一路食一路keep住流口水，值得一試。酸菜烤魚$188平時總感覺內地才有好吃的酸菜魚，但在門口聞到香香的味道，決定一戰這裡的酸菜烤魚🤤一來到好大盤，酸菜魚湯裡的豆腐好香滑，魚烤得好香脆，魚肉挺鮮甜的，酸菜弄得很入味，這樣一來酸菜魚湯底也可以當湯飲，就算這裡半條魚，也真是很大條。滑類雙拼$82 墨魚滑同蝦滑，望落分量都算多，放落酸菜魚度打邊爐，食落都好鮮甜爽口🤤涼拌皮蛋$32這裡的涼拌皮蛋都幾特別有兩種顏色，我都第一次食淺黃色嘅皮蛋味道不錯涼拌牛柏葉牛柏葉也是很有口感的這裏的涼拌汁，就感覺涼拌什麼也好好吃😋蒜香炒小菜～油麥菜食左咁多肉感覺點都要食點菜，最後落埋烏冬一齊煮兩個人食到好飽❤️❤️川菜來說餐廳上菜速度也挺快，下單後不會等很久。而且侍應也很熱情的。餐廳仲有一部電視機喺度一路食一路喺度睇電視，感覺幾舒服。

返工既日子基本上每日都一係skip dinner 一係直接宵夜今次同男朋友約左去荃灣食宵, 好想食烤魚之際見到有其他app話呢間川味雞烤魚大王十點半後有半價😍 好吸引, 即刻book左枱～雖然唔係好熟荃灣, 但係呢度地址都唔係好難搵, 都係近食宵夜既個堆餐廳附近😂去到十點半, 已經完全唔駛等位lu  係openrice一早睇定左想食咩, 我地叫左 小半條鯇魚 ($188) 重慶麻辣既小辣其實睇d人食評話一小條魚都夠食, 仲要食唔哂好多~ 但係最細得呢個選擇>_< 想食多少少菜 加左 ($16), 涼拌皮蛋 ($32) 事後覺得嗌得有少少多😕 我諗呢度嗌既應該夠3-4人食...條魚上面擺滿哂辣椒, 望落都幾吸引 隻辣既色都幾靚😋個湯底本身仲有白蘿蔔片, 薯仔片, 芽菜同埋酸菜等等既配料白蘿蔔片同薯仔片索哂汁之後好好味!! d魚都幾嫩 (但係我諗其他魚應該更嫩, 可惜唔夠多人食), 要小心d骨~湯底方面都ok, 都夠香, 有麻辣味亦唔會太鹹, 都係食到花椒八角既味道~ 第一次見黃色芯既皮蛋~ 食落去其實同平時黑色個d冇太大分別, 係覺得個"羶”味再重d切成角既萵荀要煮耐d先