翔壽司

營業中

休息中

火辣辣嘅夏天最好緊係食啲涼浸浸嘅嘢要涼浸浸最好就係日本野啦今次又搵左間壽司OMAKASE—————————————————————小店入面大概得8-10個位就算9點先去到都接近爆滿佢地有10-12件嘅自選壽司set今晚中島想食好少少所以叫左個櫻嘅OMAKASE10款壽司當中包括中島大愛嘅海膽同拖羅其他都比較少食金目鯛比較淡味作為開頭唔錯蜜柑鯛面頭嘅醬油加埋有一下真係以為食緊蜜柑🤣赤貝新鮮爽脆飛魚魚肉鮮甜彈牙無腥味深海池魚魚油豐富有三文魚嘅錯覺北海道牡丹蝦鮮甜高質海膽新鮮鮮甜真係睇到完整一舊舊唔係一pat pat鯖魚面頭舖上紫蘇葉同昆布 食落好清新火炙銀雪魚燒過既雪魚好香既魚油味 魚肉鮮嫩 入口即溶大トロ入口魚油化開充滿魚香最後用蔥花中トロ同味噌湯結尾飽肚又滿足嘅一餐🥰🥰—————————————————————❀ 櫻Omakase $380

今次去翔壽司食晚餐，由原本嘅立食變成有座位坐，咁就可以同朋友慢慢嘆傾吓計。鮪壽司拼盤包括有：赤身、中拖羅、大拖羅、腦天、炙燒面脥肉、蔥吞拿魚腩手卷。中拖羅魚味濃郁‼️大拖羅油脂非常豐富‼️腦天魚味非常香濃，有回甘味‼️面頰肉充滿彈性，食落有啲似生牛肉刺身‼️手卷嘅吞拿魚腩蓉份量非常足，食到尾都仲有😍炙燒壽司盛盒包括有：炙燒吞拿魚腩、炙燒三文魚腩、炙燒吞左口魚邊、炙燒金線鯛、炙燒帶子。經過炙燒後，魚味更香。比較特別嘅係金線鯛，即係日本紅杉魚，魚皮上嘅紅黃花紋好突出，魚肉柔軟黏口，魚味偏淡但鮮甜☺️10件自選壽司只係$168，價錢唔算貴。點左比較特別嘅魴鮄同深海池魚。兩款都係深海魚，肉質鮮甜美味😋拖羅海膽杯喺飯上面鋪滿滿嘅一層碎拖羅，上面再鋪上肉質肥厚又大大片嘅加拿大海膽同入口卜卜脆嘅三文魚籽，真係超級滿足😌

自從恢復晚市之後，大家都努力還返啲生日飯債，友人就提議去厚福街搵食，貪呢度多選擇。嚟到大家都表示唔係太肚餓，於是就選擇咗翔壽司食吓壽司刺身。小店規模不大，店內就只有圍住壽司師傅工作枱嘅曲尺形吧枱，大概只有十數個座位，感覺猶如置身喺日本築地嘅壽司小店內。我哋選擇咗精選刺身(二人前)，包括有三文魚、帶子、池魚、甜蝦、油甘魚各兩件，每款都新鮮甘甜。另外揀咗特上壽司盛合，總共有十款不同壽司🍣。海膽鮮甜醇厚，有入口即溶嘅感覺。三文魚籽粒粒晶瑩飽滿，咬落鮮味。牡丹蝦肉質厚實肥美甘甜。帶子味道鮮甜，肉質柔軟。炙燒金線鯛肉質經火炙後更加嫩滑有口感。拖羅雖不算十分肥美，但亦帶鹹香。深海池魚肉質較爽口，試一口足以令人回味。同樣係池魚，上面加咗薑蓉及葱花，香而不辣。特別要讚賞嘅就係呢度嘅服務，員工會首先問客人食唔食Wasabi，我同朋友各有喜好，於是壽司師傅就冇將Wasabi放入壽司內，而係將之放喺碟嘅旁邊，真係非常貼心嘅服務。

#日本菜經過厚福街見剛開了立食Omakase。約朋友去食。我地各叫左一set$158自選壽司10件個list選擇好多，並不只有平價壽司，都好多款正同特別既簡😎。 仲係即叫即手扼添。壽司水準高，食材新鮮。刺身飯既溫度同酸度剛好，壽司亦不會散開。必叫推介「魴鮄」我未試過，幾特別，魚肉粉紅色，清甜彈牙。火炙金線鯛：將鯛魚微微燒熟帶出魚香。赤蝦：蝦肉晶瑩剔透，味道鮮甜。甜蝦：非一般甜蝦，好肥大味道爽甜。火炙左口魚邊：口感彈牙，入口溶化。油金魚：油脂分佈平均。深海池魚：肉質結實，味道爽口。池魚：肥美鮮甜。三文魚腩：肥美juicy 。帶子：帶子king size。「海膽手卷」推介$48就有半板海膽，好creamy，yummy🥰🥰🥰 。每件壽司手卷已經加左wasabi ，大家要注意啊

又黎到厚福街，匯聚好多美食嘅地方今日見又有新嘢，開咗間立食壽司omakase餐好吸引，$380包10件壽司加一件手卷再加麵鼓湯而且提供嘅壽司類別非常吸引我有冇睇錯😍小店環境舒服，有勾比人掛袋師傅就係魚生櫃後即場準備先黎金目鯛魚肉厚身，食落甘甜，已預先沾上醬油調味飯加上赤醋，唔會搶味食完第一件，就知冇入錯黎！2. 深海池魚同池魚係2個唔同嘅品種食落肉質帶爽，肥美鮮甜！3.北海道牡丹蝦日本最出名嘅蝦蝦肉肥美，食落爽甜嫰滑4.赤貝黎到見到肉嘅厚身程度，就知同平時香港一般餐廳食到嘅唔同爽，甜，鮮！5.赤鮭輕輕用火燒過，帶出魚油香味肉質嫰滑肥美6.北海道赤海膽赤海膽係馬糞海膽嘅一種，但體積較大食落非常鮮甜7.火炙左口魚邊一向偏愛呢款壽司最愛燒過後食落充滿魚油香呢度用上嘅左口魚邊厚身食落更滋味8.生鯖魚多數食到嘅鯖魚都係以醋腌制過呢度用上新鮮嘅鯖魚，加上白板昆布，紫蘇葉食得出好新鮮，而且配搭好有驚喜,好味！9.燒吞拿魚面頰特別嘅部位，魚肉厚身嫰滑10.大拖羅呢一件作為壓軸真係當之無愧睇相都知魚身有幾厚，有幾肥美食得出呢間翔壽司用料非常好同新鮮！然後以葱吞拿魚腩手卷作結尾最後飲埋碗蝦麵鼓湯已經好飽，