越好

營業中

休息中

同朋友黎左呢間越南菜食晚飯，性價比非常唔錯👏我地叫左個$176二人餐，揀左沙爹串燒牛撈檬，咖哩豬扒飯，清湯蛙蛙菜，清湯蘿蔔，熱柚子蜜同紅豆冰～好食既串燒肉最緊要係外層燒得夠焦香，而裡面肉質能夠保持嫰滑😋 呢度就做得相對唔錯啦！👍👍沙爹醬花生味濃郁，唔太辣但好香😋豬扒食得出幾重既香茅味，嫩滑juicy🤤咖哩偏濃稠帶微微椰香，配埋酸蘿蔔同酸菜，唔覺唔覺就食晒D飯😂😂冬天既白蘿蔔當造，呢度煮得夠晒淋👍 味道超級清甜兼無渣😁紅豆冰奶味偏重口感順滑，啲紅豆好似日本紅豆咁大粒😯 淋得黎帶少少咬口😋埋單每人$90都唔駛就食到勁飽，主食小食同飲品都食勻，絕對超值！！🎉

今日早咗收工，同男友出左沙田行街順便用消費券刺激下經濟😂晚飯就黎左呢間越南過江龍度解決😁我哋叫咗個二人套餐👉雙寶飯少飯，沙嗲串燒牛肉撈檬，泡菜仙爪，清湯蘿蔔，恐龍美祿少冰同埋熱檸水～雙寶飯即係豬扒同雞扒，豬扒偏薄身，肉質幾軟滑，完全唔韌☺️雞扒就有勁濃郁既香茅味，嫰滑juicy！🤤呢兩款扒都似係燒出黎多過煎/炸整出黎，食落香口但又唔會燶👍👍沙嗲串燒牛肉唔係跟沙爹汁一齊上，而係燒果陣落左沙爹汁一齊燒，所以食落只有微微沙爹味，但面頭有花生碎所以都幾香👍牛肉肉質淋滑😋撈檬酸酸may may夠晒開胃，個汁偏辣左啲，檬粉爽口👍呢餐既主食雞牛豬都有份，其實三樣都好食👏😋泡菜仙爪即係類似無骨白雲鳳爪，偏酸但唔辣(呢個“泡菜”應該係指底下用醋去醃嘅紅白蘿蔔而唔係一般人心目中嘅韓式泡菜😅)蘿蔔清甜夠淋，唯獨有一舊有啲渣，但當蔬菜或者配菜都幾唔錯☺️恐龍美祿賣相吸引😍面頭有層cream同脆米，同美祿好夾😋味道濃郁，飲到最後都唔會覺得淡，加$3好抵🤣呢排比較熱氣所以唔敢食炸蝦餅同咖央多士🙈下次既目標就係佢地！😎

收工後約左朋友係沙田食晚飯，黎左連城廣場呢一層既美食集中地搵野食～見呢間河粉好似好有來頭，又有飯既選擇唔驚唔岩食就決定試下～我地叫左個四寶牛肉湯河，咖喱豬扒飯少飯，清湯娃娃菜，清湯蘿蔔(原本想食咖央多士但賣晒😢)同埋一杯蜂蜜柚子茶河粉湯底帶有濃郁而清甜既牛味，唔油膩，飲得出係好花時間心機同成本煮出黎👍👍 而且感覺唔似同樣主打牛肉湯河既錦X咁濃味精味🙊牛肉同牛展嫩滑，牛腩夠淋，牛丸彈牙，出色！😋個咖喱幾重花生味，個人認為似沙爹多啲😂好惹味但唔會太辣豬扒份量好多😯 香口得黎唔油膩亦都好juicy，連汁送飯一流😎清湯蘿蔔好甜無渣，如果再淋啲就perfect😂下次要再黎試下咖央多士！😤