越好

營業中

休息中

天氣越來越炎熱，吃點清爽的最愛就是水冷麵跟撈檬了，想吃撈檬的話沙田真的有不少選擇，這次就來到每次經過店家都滿客的越南餐廳試試看 一人套餐：越南豬扒撈檬 $89（包一份小食及飲品）雖然早就聽說吃這店的下午茶性價比更高，可我在午餐時段來就簡單的點一人餐就好，餐牌上的主食都可以點，每餐還包括小食及飲品～ 本想試香茅雞扒撈檬可這天到訪時已經賣光，改最經典的豬扒撈檬，份量不多不少，賣相不錯，有一塊切成條狀的豬扒，再加上芽菜、青瓜絲、醃蘿蔔、生菜跟花生碎；有別於其他越南餐廳，這裡是店家提供一碗撈檬用酸辣汁，不過不用擔心份量絕對足夠！豬扒切成條狀易於入口，軟腍的程度一度以為自己不是在吃豬扒啊！反而有點像吃雞肉般～ 調味可以不會太鹹，把所有食材跟酸辣汁拌勻味道就剛好，吃起來清爽不黏不過略欠特色～ 而兩款小食春卷跟蝦餅同樣是可預見的食物質素，春卷香脆惹味蝦餅爽口彈牙，但味道上就沒太大驚喜，整體來說是不錯但沒有太會令人想再訪的衝動店家設於沙田火車站樓上商場，開業多年人流依舊非常暢旺，每次來到附近都會見到店內座滿食客～ 小小的店鋪已搶眼醒神的橙黃色及白色為主，裝潢明亮簡約，不過用餐的座位之間就比較逼狹，而且

一間完全不懂得尊重人嘅餐廳特別係個位脾氣暴躁女侍應-晚上接近9點入座人已經唔算多，只得數枱客但兩款食物可以同時出錯係唔多客之下，仲要張餐碟放喺食物上面，完全極不衛生同極不尊重人客-最過份地方係侍應自己出錯食物，仲向我哋爆脾氣大罵「你哋到底食啲咩，想點啊」發完脾氣後，成餐飯一句歉意都無-晚上9點人客又唔係多點解要放餐碟係食物上面？同佢講，又扮聽唔到之後送錯餐，又係到發脾氣鬧客食餐飯都要受職員氣，真係難以接受

雖然知道繁忙時間，搭枱同調位都好正常。通常野食未黎之前都唔介意轉下位。搭枱直頭冇所謂，反正食完都走。但都唔係一餐飯調三次座位吧。~~~~兩次既經驗都麻麻地。兩次我入去個時，餐廳都冇乜人。第一次既經驗，我被安排座位後，就立即叫野食。係等野食過程中，有個戴眼鏡既女職員話，依家係繁忙時候，希望我調一調位。反正未有野食，咁我調左位。第二次，野食黎左，之後我食左少少，同一個女職員又叫我調位，咁我又再調多次。反正都係剛開始食。第三次，我食左一半，佢又繼續話好多人，叫我再調位。第一次食飯要調三次位。~~第二次經驗，我同樣都係被安排座位，個度啲位全部都係2人位，啲枱可以拍埋變4人個種。咁岩我被安排坐係拍左做4人枱既枱。張所謂既4人枱，其實仲有另一個女士食緊飯，而我個野食又送到，同埋我又食左一半。又係同一個女職員叫我調位。今次我話：「唔好意思，我唔調啦！」女職員態度勁差咁話：「佢話唔肯調位喎！」之後就安排左啲客人坐其他枱。仲要一邊安排客人，一邊好大聲咁講：「唉，啲人又要坐係度，阻住啲四人枱。」其實，都唔洗咁樣講野掛？一開始坐邊，又唔係我選，如果咁驚一個人霸住自己啲枱做唔到生意，不如直接貼住「只招待兩人以

晚上九點幾想入嚟食嘢，本身店面已經唔大，成個場得兩台有客人，佢係要叫我坐兩個有客人嘅枱中間嗰張，極度狹窄，我問可唔可以坐第二度，佢話唔可以….但係成個場其他枱係吉，咁算啦，唯有叫外賣啦，叫咗個撈檬，佢叫我叫一人餐，有個小食包嘢飲…咁是但啦，叫咗個一人餐，埋單外賣盒收我$4😳…..總共成為$93….返到去一睇…嗰個小食，我真係未見過咁短嘅春卷同咁細個蝦餅….可能材料真係好貴🤦🏻‍♂️⋯⋯味道非常一般….份量又少…價錢又貴…服務態度又唔好….成舊水食啲咁嘅嘢..以後唔會….唔怪得啲人返大陸食嘢…..！

繁忙時間趕時間咁急～專登揀下午茶時間少人想靜靜地坐喺度慢慢食越式牛腩湯河～有：新鮮香葉、洋蔥絲、蔥花粒、芽菜、河粉份量少～四片厚切牛腩～味道似水煮牛肉生牛肉湯河四片牛肉～越南粉一向都係靠湯底～食過好多間～依間味道唔係正宗越南湯粉湯底越南豬扒湯河～煎豬扒味道幾香口～可惜超細塊又好薄～下午茶嚟講唔抵食炸蝦餅應該訂返嚟～同出邊食開嘅味道一樣～冇咩特別下午茶價錢嚟講唔平～見佢座位都舒適～諗住一路傾吓偈食吓嘢～嚟過幾次湯粉都係放喺枱邊～員工非常冇禮貌～未食完都過嚟收枱面嘅嘢好騷擾～附近仲有幾張吉枱喎～唔係咁都要趕走啊～今次最後一次嚟啦～老細唔知知唔知啲員工趕客呢

落order個時態度已經唔好，叫左3個一人餐，係咁話又一人差，咩意思，唔想做直接出聲啊，最忟就係都未食完就直接拉左張枱比第二個客，都幾奇怪，唔怪得冇人等位，一句講曬態度極差

今日自己諗住是旦係沙田搵野食，諗住平平地食下，點知中伏1 服務已經一般般，連續兩次比錯嘢 咖啡變奶茶湯粉變撈檬2 咖啡勁難飲3 然後我見到嚿雞扒入面粉紅色，同佢講唔熟 ，佢話正常拎返俾我食，完全唔想幫我換或者再煎一煎

下午茶時段，感覺生意也不錯，員工服務也非常勤快下午茶，選擇也不小，價錢可接受--越南豬扒撈檬-- $53 加特飲紅豆冰$6集團式調味道，穩打穩紮，豬扒質量，厚度，整體質素沒有太大驚喜，同樣也不會使人失望。下午茶的份量，每樣食材紅蘿蔔絲，青瓜絲，生菜絲的份量也剛剛好，若大食，胃口好，建議再追加小食。一小碗撈檬酸汁，感覺也是集團式的調味道，份量一定夠用香港獨有的特飲選擇，原味道小女子當然每次也不放過選紅豆冰的機會😉最正係奶多，紅豆淋軟

下午茶套餐香茅雞扒湯河 $53越南豬扒飯 $50配熱咖啡配熱桂圓紅枣茶好味指數 3.5/5 🍭🍭🍭🍬{豬扒和雞扒兩款肉質都很軟身 豬扒沒有太多脂肪 雞扒本身用醃好 醃得很入味 湯河既湯底很清甜 入口不油膩 想要點酸辣 還可加上辣椒和檸檬汁}

位置非常方便，地鐵站出閘口直上就到，上餐速度明快，服務態度有禮，非常適合趕時間的上班族！人氣四寶湯河（$70）滿滿香氣的一大碗：鮮味牛肉、嫩口牛展、彈牙牛丸和柔嫩牛腩，湯底入口清新，有牛味，河粉滑身軟糯，不易斷，煮得剛剛好！越南豬扒湯河加紮肉（$63+$13）豬扒炸得有水準，香口內軟有肉汁，紮肉表現正常！九層塔🌿增香提鮮，令湯汁河粉更為昇華！📍越好 (沙田)#越好#牛肉#牛展#牛丸#牛腩#方便#快速

唔算好餓，而朋友想食越載嘢，簡簡單單就呢間啦，環境企理整齊，可以食嗰快餐。想一人一湯河，最選了二人餐，包小食及飲品，都感到不錯。較一人餐多了兩隻雞翼，亦貴了12蚊，看看你愛唔愛小食，加此也不錯。我們選了豬扒撈檬，泰式肉碎飯，小食除雞翼外，仲有兩塊蝦餅，兩條春卷，兩杯飲品。撈檬大碗有一大塊豬扒及小量酸瓜，十分開胃。而泰式肉碎飯炒得香口，仲有真正炒香了的辣椒及九層塔，超惹味。個人喜愛蝦餅及雞翼多點，朋友仔就愛春卷，隨心吧。

鋪頭：越好地址：沙田沙田車站圍1號Citylink 1樓109號舖​💰192蚊💰Order左d咩？​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ 1️⃣ 雞絲扎肉撈檬 （合格以上）檬粉條條分明，爽身唔淋，撈檬個汁唔會太辣/酸，雞絲唔韌，扎肉正常冇異味，整體味道合格以上​2️⃣ 香茅雞扒撈檬 （合格以上）撈檬同上，雞扒外脆，肉嫩，同埋真係有香茅嘅香味​3️⃣ 春卷、魚餅&雞翼 （一般）決定食套餐，主要想試下d小食，份量少都算，味道好一般，春卷唔夠脆，魚餅冇乜味​4️⃣奶茶 & 咸檸七 （正常）兩杯都正常，冇異味，冇酸味，奶茶冇特別滑，可以揀少甜少冰​🤨總結：食完個下覺得好唔抵，早知單點2個餐，小食真係好唔抵，味道同份量都好失望，雖然撈檬都可以，但都救唔到：呢個2人餐性價比好低​Btw之前食過兩次，覺得撈檬同牛河唔錯，呢間做得比較好嘅係肉類煮得幾好食​📝 以下評分最高分五粒🌟味道：🌟🌟🌟粒 抵食程度：🌟粒環境&服務：🌟🌟🌟粒（正常環境同服務） ͟ ͟ ͟ ͟ ͟ ͟ ͟ ͟ ͟ ͟ ͟ ͟

今次點了人氣四寶湯河～一嚐越南菜最出名的生牛肉片和pho的獨特湯底pho的湯底是它的靈魂。湯底濃郁，吃得出有淡淡的牛味。Pho河煮得剛好，又不會太硬，足夠吸收湯底的味道，每一口也能吃得到湯掛到麵條上！四寶湯河的主角是生牛肉片及牛肉丸，配上其他洋蔥、葉等等。生牛肉片放工熱湯裡會即時把牛肉片的表面煮熟，這時，湯的熱力已把牛肉的肉汁鎖住，有種入口即溶的感覺。吃到最後，牛肉八九成熟的時候，牛肉的口感變得非常嫩，配以濃湯更甚美味！

同朋友星期六去食嘢，叫咗3個餐食，我哋因為本身食嘢快，唔洗半個鐘就食完，之後職員就已經係咁收嘢走，收咗啲嘢食都算，連未餸完嘅嘢都想收走，我即刻制止佢，之後個職員係咁話我地食完仲唔走，但明明成個場有好多枱客仲早過我哋嚟，我已經特登比個單佢睇幾時落單，佢之後仲要同等梗位嘅客人一齊討論串我哋。呢間垃圾食肆我一定會唔再食，希望其他想去嘅人千萬唔好去。佢哋嘅員工真係完全敗壞哂成間餐廳，咁鍾意趕客走。希望餐廳正視呢D員工。

星期六中午一行三人，12:14分左右入到餐廳坐低，12:17落單叫嘢食，食物大概係12:26到齊。由於我同朋友本身肚餓，都係食嘢比較快，所以我哋極快係12:38左右已經清晒所有食物，職員已經好手收晒所有碗，與此同時聽到職員同後面嘅食客講：「你睇餐牌啦，睇定就有位㗎喇」我哋原本都打算飲埋枱面杯水，抖一抖都走。點知再轉個頭，職員就即刻過嚟想收埋我哋杯水走，其實當時距離我哋入座時間係半個鐘都未夠，亦有好多枱係早過我哋入座，而又未走。我哋只係食得比較快，但我哋一食完就想趕走我哋俾，感覺真係十分差。講真，餐廳想翻枱我明白嘅，但我食咗半個鐘都未夠，會唔會太過分呢？食完嘢係咪真係抖幾分鐘都唔俾，要即刻起身走呢？然後佢哋係咁收我哋嘢走嘅動作，令到等位嘅一家四口誤會我哋已經食咗好耐，食完唔走係度撳電話，仲要俾說話我哋聽，對父母暗串我哋：食完就走啦，仲係度撳電話🙄