清真牛肉館 (龍崗道) (已結業)

九龍城除左食泰菜出名之外，呢間清真牛肉館及牛肉餅都好多人推薦，我果日去到幾時侯都排曬隊。佢除左牛肉餅之外，仲有好多其他嘢食，佢既咖喱好似都既好食。不過我今次就淨係試左佢地既招牌牛肉餅😋真係完全冇令我失望。1⃣️清真牛肉餅（$40）呢個真係超級好食😯食完之後真係明點解咁多人推薦佢。牛肉餅一夾起已經feel到有啲重量，一啖咬落去，表皮係煎得微脆既，而入面既肉，完全係爆餡！😍入面既牛肉好多，入面有啲蔥、韭菜，同啲牛肉一齊食落更加香口🤤而且佢真係爆汁，一咬開層薄薄脆脆既皮，啲牛肉湯汁即刻漏出黎，好正啊🥰🥰  雖然四十蚊兩件係貴左啲，但係真係好值得試下，好好食啊！  

身為香港人好似冇咩理由去九龍塘但未食過清真牛肉館但我又真係未食過今次第一次食好有驚喜～先黎一份馳名牛肉餅皮脆肉嫩就係依d入面好香牛肉汁味食果陣要細細啖咬開個lone仔如果唔係就飛到成台都係汁入面好熱要小心食叫左個涼菜唔好以為淨係一舊凍蕃茄佢d囊平均分佈而且個底果d蕃茄汁仲溝左少少茄汁咁好fresh又唔太甜幾開胃見枱枱都食咖喱我地又叫左一碟咖喱牛腩薯仔同牛腩都好夠林身不過本人唔係太食得咖喱辣依隻咖喱後勁有d太辣如果多少少椰汁可能會食得開心d

好耐冇去九龍城食清真牛肉餅, 今晚就嚟這間搵食先😅 七時多到達, 見門外多人等候, 原來大部分人都是等外賣(外賣自取有九折). 大約等了十分鐘 便可入座(人齊才可入座).清真牛肉餅 必食之選😋外皮薄薄 外表煎得有小烘(如圖) 內裡多餡 多湯汁. 食時必謹記 細細口咬開 以免大口咬開湯汁噴射出嚟!!! 雞肉水餃&🌶️ 辣子炒牛肉雞肉水餃: 餃子size細細粒, 一口一粒. 味道淡淡的, 要點黑醋＆豆瓣醬同食, 味道即刻提升🌶️辣子炒牛肉: 食物外貌與我想像中有點不同😅 原先想像辣子炒以為是乾身餸菜, 結果是濕炒. 味道濃都, 牛肉&筍都炒得好入味, 牛肉淋 筍好爽. 如果加碗白飯, 我相信只靠汁都可以食到一碗飯

嚟到九龍城唔知食咩好，行過清新牛肉館就唔諗了..平日直入唔洗等位。.叫左個2人餐 $2101. 牛肉餅依舊出色多汁 噴到周圍都係 大腿都噴到 熱死我大大舊 好正.2. 辣子羊肉冇咩特別 食唔到辣味 有筍既脆口 但羊好似冇咩味同埋有D油.3. 麻油雞醬好香 雞件都好滑 唔錯.4. 酸辣湯飲得出好多胡椒粉 個辣味有D假入面有牛肚同牛肉絲 出面好少冇見過.我地2個女仔冇叫額外叫飯 都夠食但下次再食都係散叫好了牛肉餅必食

午餐時間約1點來到餐廳尚有空位，但室內較焗促。點了四款午餐及兩款小吃。四款午餐包括豉椒及回鍋牛肉，回鍋牛肉較辣但非常惹味，肉質嫩滑。豉椒牛肉有家裡的感覺。紅燒雞肉則味道普通。擔擔麵沒有任何配料，不建議單點。整體來說，午餐飯量多但餸菜份量偏少，大食的朋友需要留意。隨午餐附送豆漿，不會過甜，適合配搭濃味食物。另外點了牛肉餅($19)及蔥油餅。牛肉餅鮮美多汁，每人一隻亦不為過。蔥油餅較為淡味，可在開首先行進食。

食完飯未食飽，路過去食個牛肉餅。雖然係叫外賣，但係一拎出黎就企係門口解決咗佢🤤🤤🤤拎上手超級熱辣辣，好驚爆汁，專登烏低身去就住食，但最後都逃不過被湯汁滴到滿手嘅命運。一啖咬落去，大大啖牛肉，仲有大量湯汁咇出黎，好燙口好熱，但湯汁又濃又甜令到我忍唔住繼續食。牛肉嫩口入味，唔會有筋，唔會難咬，餅皮非常薄，牛肉汁幾甜但係調味都幾多下，個人覺得皮可以煎得更香，整得更加煙韌，但係整體已經好好食👍🏻

成日話掛住掛住🐒又要嫌遠 今日終於肯碌去食佢地既牛肉餅應該係全港最好食一咬開🤤入面熱辣辣既牛肉高湯就噴出嚟d湯又香又濃 仲多到可以飲幾啖😋牛肉內餡重牛味🤩生熟程度啱啱好 仲有好多蔥美中不足係個皮厚咗少少 個餅既分量都少咗少少🤨食兩個做晚餐就差唔多🙅🏼‍♀️極唔建議外賣邊行邊食 或者第一次拍拖約食飯食😂因為絕對會食到周圍係 毫無優雅可言🤗

5:30pm左右，同爸爸媽媽食晚餐，好掛住牛肉餅！必點嘅牛肉餅38有兩件，可以散嗌。第一口咬落去冇汁，原來已經喺底漏緊。總係好難掌握食嘅技巧😂好好味！一如往常牛肉好嫩，肉汁又多。餅皮好薄。.蔥爆羊片肉好軟身，加埋洋蔥大蔥食味道夾。洋蔥偶爾有幾片太韌。但我竟然食唔出係牛定羊，肉偏咸，冇咩羊味。.瑤柱蛋白炒飯。較清淡嘅炒飯，唔多油，幾大碟，不過不失。.出乎意料地大碗！可以兩個人分。麵嘅熟度剛好，肉軟身。.

尋晚游完水之後，去咗食我哋11個人叫咗10樣嘢，當然一定有叫牛肉餅。牛肉餅好好食，煎得好香，個麵包皮出邊出面煎得微微地脆，但係入邊就煙銀軟熟。牛肉餅就好大嚿，非常之香嘅孜然味道，入口啖啖肉，唔會一咬就碎晒，而且肉汁好多，一咬就好似小籠包咁標出嚟，非常正宗嘅中東風味。我哋都有叫到咖喱牛腩、牛脷、煎同蒸銀絲卷、炒四季豆、煎羊肉餃、上湯牛肉餃等等，都好惹味，不過梗係無招牌菜牛肉餅咁出色。呢度真係好啱一班人嚟食，可以試多幾樣菜色之餘又吹住水食嘢，一大樂事。

自從幾年前食過呢間餐廳嘅牛肉餅，就深深愛上左佢，自此每逢經過九龍城，都定必要買返一兩件嚟食先至滿足。而呢間餐廳亦都成為左九龍城數一數二出名嘅必食餐廳。今日工作關係路經九龍城，固然要黎朝一朝聖🙇🏻‍♀️，下午四點零，餐廳冇乜人，所以啲餅係即叫即煎，心諗一定會更加好味，所以即刻外賣左4個招牌牛肉餅嚟食😋雖然餐廳無乜人食野，由於係即叫即整既關係，我都起碼等左15分鐘😓$18@招牌清真牛肉餅一啖咬落去，熱辣辣，味道依舊，點知個皮好明顯厚咗好多，未至於食到成口粉，但同以前嘅質素比確實差左好多（唔通我要求太高？）以為只不過係隅一失手，再試食另外一個...點知結果都係一樣... 一樣咁厚皮，頓時覺得好失望😣

今晚我們探完表姐同啱啱出世嘅表姨甥之後，同大姨媽一齊去咗九龍城龍崗道嘅「清真牛肉館」食晚飯！我們叫咗咖哩牛腩一上碟嗰陣，濃郁嘅咖哩汁味道已經香氣撲鼻，味道調教得相當出色，有好香濃嘅咖哩香味，我們用啲咖哩汁嚟撈飯食，食咗一碗都覺得唔夠，所以再添多碗飯嚟撈咖哩汁食，真係好正呀！而牛腩嘅肉質好鬆軟嫩滑！清真牛肉餅嘅餅皮非常薄身，外層煎得好金黃香脆，入面嘅牛肉肉質相當鮮嫩，而且有好多肉汁，味道都幾鮮甜！酸辣湯嘅材料都幾豐富，酸辣嘅味道調教得恰到好處，唔會過酸或過辣！三絲拉皮嘅三絲係香濃嘅牛𦟌絲、鬆軟嘅鷄肉絲同爽滑嘅牛肚絲組合而成，粉皮嘅質感好軟滑！牛肉水餃嘅餃皮都幾薄身，入面嘅肉質好鮮嫩多汁！清炒白菜嘅味道好清甜爽脆！乾燒四季豆炒得好夠鑊氣，味道非常惹味，四季豆好青嫩同無根！蔥油餅煎得香脆乾身，香蔥嘅份量相當多，味道好惹味香口！

平日下午12:30左右去到，都爆滿，記得book位。5個人點了幾個菜share。牛肉餅，好鎖住d肉汁，不過個皮乾左Ｄ，好好味。牛肉餃，一碟10個，一口食晒，Ｄ肉都好鮮嫩！值得一試。麻醬雞絲麵，麻醬味好重，條條麵都有麻醬味！！(冷食)如果你食羊既，一定要食咖哩羊腩！羊肉唔SO，連Ｄ咖哩汁都有羊味！！好好吃！5個人SHARE，每人$50,好飽，黎九龍城一定要試下。　如果得一兩個人，會食得唔多，又會貴，建議多Ｄ人一齊食。

一說起九龍城, 除了泰國菜之外, 最出名的就是牛肉餅. 清真牛肉館的牛肉餅, 多年來都受到追捧. 上次來光顧已經是好幾年前的事了, 當時店子仍未有分店. 今次再來, 雖然有另一分店, 但人龍依舊, 中午時候也要排十多張枱, 為的只是牛肉餅, 還有令人懷念的夫妻肺片. 店內經過裝修, 地方比以前整潔和光猛了不少, 不過擠逼依然, 任何時候也是要搭枱的, 要有心理準備.現在還有最低消費, 可能是怕食客只吃牛肉餅...牆壁也加了不少具回教特色的裝飾拿起餐牌, 食物的款式比以前多了不少, 不過想吃的夫妻肺片卻不再供應了...店子還將招牌/主打食物, 圖文並茂印刷成餐牌, 方便食客點菜.沒有夫妻肺片, 唯有只點牛肉餅和咖哩牛腩.一份牛肉餅有兩件, 也可以單件叫. 牛肉餅約掌心大, 大小和厚度的跟印象中的差不多. 薄薄的外皮煎得香脆, 部分帶焦. 吃牛肉餅是要趁熱吃的, 因為一涼了, 皮就會變腍, 也變得不好吃. 因為牛肉餅是即點即煎的, 所以無論內裡的肉餅和肉汁也是很熱的, 要小心舌頭!咬開牛肉餅, 一股熱氣從餅內冒出! 啡色的肉汁也不住的湧出來, 味道依然濃郁, 有很重的牛肉味, 而且一點也不

朋友生日，說到想吃清真嘢，我極力推薦到九龍城的清真牛肉館，那裡的牛肉餅很美味。九龍城有兩間分店，我選了舊店，感覺上比較有風味，到達舊店，晚餐時間人比較多，輪候時間相對也長，大概十五分鐘，終於有位，由於坐位有限，是需要搭枱的，也不緊要，一坐下點了幾個小菜，分別是咖喱魚塊，咖喱炒什菜，賽磅蟹和必吃-牛肉餅。 每枱都是吃差不多的菜，就如小菜吃飯，其他菜如有松子魚，賽磅蟹…上海菜有得吃，咖喱跟牛肉餅比較有名，咖喱也有很多種類，咖喱羊，牛肉，牛腩，魚，菜，但沒有豬，才發現餐牌上沒有吃豬的食物 。牛肉餅到了，包子裡湯很熱，小心燙口，很美味。咖喱也是十分有名，隨即點了幾個蔥油餅，與咖喱一齊吃今次食得飽飽，很滿足

去到都要等一陣位的不過好快就有位喇!!蔥油餅 有好香煎得好熱同埋好靚蔥油餅配埋咖哩 更一流!!牛肉餅 必食!!推介!!次次食都好熱有好多肉汁牛肉餡都好多好滑 正豆腐!! 整得都唔錯好滑好香好味同埋都好熱的!!