清真牛肉館 (龍崗道) (已結業)

尋晚游完水之後，去咗食我哋11個人叫咗10樣嘢，當然一定有叫牛肉餅。牛肉餅好好食，煎得好香，個麵包皮出邊出面煎得微微地脆，但係入邊就煙銀軟熟。牛肉餅就好大嚿，非常之香嘅孜然味道，入口啖啖肉，唔會一咬就碎晒，而且肉汁好多，一咬就好似小籠包咁標出嚟，非常正宗嘅中東風味。我哋都有叫到咖喱牛腩、牛脷、煎同蒸銀絲卷、炒四季豆、煎羊肉餃、上湯牛肉餃等等，都好惹味，不過梗係無招牌菜牛肉餅咁出色。呢度真係好啱一班人嚟食，可以試多幾樣菜色之餘又吹住水食嘢，一大樂事。