等等HEA

營業中

休息中

上個月跟朋友食另一間普通大閘蟹餐廳，可惜不太好食，所以今次跟朋友試食大閘蟹放題。整體來說，清蒸大閘蟹的味道不過不失。花雕酒好喝，但不建議叫鹽焗大閘蟹，新鮮度不足。台式小食不過不失。總體來說，CP值OK 。

一到秋季一定係食大閘蟹，已經想食咗成年，最後上網搵咗好多評價，最終揀咗‘等等hea'，晏晝係主要食台灣嘢，夜晚就做大閘蟹放題，鍾意食大閘蟹嘅人真係要過嚟試一試！第一次食大閘蟹放題，真係嚇我一跳，冇諗過咁好質素，全部都係新鮮大閘蟹，啲膏好鮮甜，連蟹肉都好食，食到舔舔脷！個蟹粥同埋糯米飯都好好食！鹽焗同埋麻辣都好特別，尤其係鍾意食辣嘅人一定要試麻辣味，炸出嚟係特別香！而且老闆娘特別好人，好着重客人嘅意見，會特登過嚟問好唔好食，夠唔夠，感覺特別有人情味🥰

秋天又係食大閘蟹嘅季節，今次揀咗一間九龍城餐廳，餐廳聯乘大閘蟹教主，由揀蟹方面已經落足功夫，確保蟹嘅質素。店主仲有食神韜哥教路，不斷改良做法，非常有心。大閘蟹88分鐘放題分咗3個時段、以及4個size (小、中、大、特大）收費，今次試咗中size，一坐低店員會先上一轉大閘蟹先開始計時，最驚喜嘅係大閘蟹除咗清蒸，仲有玫瑰露花雕醉、鹽焗、麻辣味道。清蒸大閘蟹最傳統既做法，完全保留左大閘蟹既原汁原味，蟹膏鮮甜，口感豐腴，品嚐到大閘蟹最真膏既滋味。玫瑰露花雕醉大閘蟹花雕醉大閘蟹都係第一次試，香氣馥郁而清甜，非常入味，值得一試。鹽焗大閘蟹店主改良咗好多次，鹽焗過嘅大閘蟹完全唔乾身，食落去有少少鹹香味，非常惹味。麻辣大閘蟹大閘蟹炸至香脆，每一口都充滿住麻辣既刺激和大閘蟹既鮮美，鍾意辣嘅朋友一定要試。另外仲有多款小食：蟹粉水餃、生滾大閘蟹粥、蟹油香辣雞煲、合式腸蟹粉糯米飯、蟹粉澎湖花枝丸、蟹粉爆汁貢丸、一口麻辣鴨血、萬華街蚵仔滷肉飯、阿宗麵線、士林鹽酥雞粒、蟹粉滷肉時菜、蟹油多春魚，選擇非常豐富。推介生滾大閘蟹粥，加入左蟹膏、蟹黃一齊滾，口感軟綿綿，每一啖都非常有鮮味。蟹粉澎湖花枝丸/蟹粉爆汁貢丸炸