聚聚 (已結業)

一踏入10月，即刻要唱番首Let’s eat 膏🦀無錯，又到咗食大閘蟹嘅時候😍除咗買返屋企自私食外，今年仲可以約埋朋友去「聚聚」聚聚，同班蟹精食返個大閘蟹套餐，聯誼一番😎.🦀秋聚·大閘蟹套餐💰$398/位.🔸前菜🍴盞鬼濃蝦栗子湯質地香滑濃稠，充滿濃郁蝦香🦐非常香甜😋內裏更有大量帶子肉及栗子粒，超足料👍🏻.🍴荔枝蕃茄伴沙律花枝卷去皮蕃茄浸荔枝糖水，甜香得嚟又清新😙花枝卷外層卜卜脆，內裏粒粒花枝彈牙😌.🍴蟹粉小籠包橙黃色蟹粉醬汁見到都興奮🤩本身小籠包已經充滿湯汁，加埋蟹粉更鮮味😚.🔸主菜🍴清蒸大閘蟹（兩隻）登登登登，主角大閘蟹出場🌟足足五兩重，夠晒大隻😍一拆開，橙黃蟹膏蜂擁而出，即刻大啖大啖啜🤪蟹膏鮮甜回甘，無法抗拒嘅美味😋店家好細心準備晒膠手套、剪刀等食蟹用具✂️而且為咗保溫，另一隻蟹更用錫紙包裏，等你再食嗰陣仲係暖笠笠🥰細心位加分✅.🍴孜然手抓骨手抓骨啖啖肉，佈滿炸蒜及辣椒乾增添惹味，孜然香味濃😚.🍴濃湯花膠浸菜苗菜苗爽脆，花膠大大塊且滑嘟嘟.🍴臘味糯米飯秋天最啱食糯米飯，飯粒軟糯入味，充滿辣味香😆.🔸甜品🍴薑茶食完蟹點少得飲番碗薑茶驅寒😌薑茶微辛唔會好甜，仲有個玫瑰花形杞子糕送🌹

秋風起，又到食肥美大閘蟹嘅日子，今日去咗聚聚食大閘蟹套餐(全日供應)，現時做緊優惠價，平日$398/位，星期六/日 $428/位 。餐廳環境唔錯，乾淨企理，坐得都好舒服。店員好貼心，會先幫客人斟上玄米茶，仲提醒客人小心熱，好加分。我地點咗個秋聚大閘蟹餐之後，店員會問客人是否先食大閘蟹先，其他後上，咁就唔怕掛住食大閘蟹時而令其他菜凍晒，夠貼心。✨清蒸大閘蟹(2隻) 每隻約5両2隻大閘蟹係會同時間一齊上，其中一隻會用錫紙包住保溫，咁就唔怕拆蟹嘅時候另一隻就凍晒，同時會附上手套、拆蟹嘅工具提供，濕紙巾等，呢幾點都做到好貼心。目測兩隻蟹都有差唔多5両，每隻都好多膏，蟹膏味道甘香，蟹肉鮮甜嫩滑，加少少黑醋更可提升大閘蟹嘅鮮味，更可幫助腸胃消化同吸收，食完兩隻好滿足。✨荔枝蕃茄伴沙律花枝卷先食個車厘茄，酸甜又多汁，花枝卷炸到卜卜脆，口感一流，可以依個人喜好加少少芥末醬會更惹味，食落冇咁膩，沙律菜如果有少少Sauce 會更好，食落冇咁Dry 。🌟蟹粉小籠包小籠包外已經有一層蟹粉包住，一口咬下肉汁豐富，蟹香味無窮。✨盞鬼濃蝦栗子湯味道香濃足料，有帶子粒、栗子、仲有油炸鬼等，整體味道都唔錯。✨孜然手抓骨