Rooot

營業中

休息中

第一次同狗狗🐕、狗狗爸爸嚟呢間寵物友善餐廳。餐廳提供一個~$500的2人餐，但素菜🌱選擇有限，有啲自選項目要額外加錢（如跟黑松露野菌意粉🍝+$30），計落唔係平好多，所以最後散叫。港式梅菜豚肉丸和風咖喱飯🍛：賣相同咖哩的味道一般；狗狗爸爸話肉丸🧆有梅菜味道，雖然呢個中日混合幾特別，但如果將梅菜肉餅的用料搓成肉丸，份量應該比碟上的4粒肉丸大，所以感覺係噱頭>實際，而個份量對男人嚟講，應該唔太夠烤椰菜花扒配炒野菌🥦：單約論價錢（$128），CP值係好低，因為椰菜花都平，呢個size可能$5有找。但係外食難得有健康菜式🌱，加上佢味道好👍🏻，飽肚感足，可以推介❕凍朱古力🥤：色水好淡，但朱古力味都👌🏻，只係過甜，未至於伏，但唔係太值（寵物🐶🐱鮮食）鴨肉🦆：如果餐廳有pet menu，我哋一般都會點俾狗狗🐕。呢度的pet food係寄賣，餐廳只負責翻熱，食物唔平，鴨肉$89，不過只要狗狗食得開心😋就得啦整體嚟講，餐廳係贏環境，店內佈飾色彩繽紛，適合打卡；有個戴冷㡌的男店員非常熱情，呢啲都係加分位。部分食物有啲特色，亦幾好食，只係份量一般；餐廳所有食具都係即棄，好唔環保🫣。如果當係外賣咁睇，

行南豐紗廠行過呢間Rooot，見到裝修好有特色，行異國森林風，播住香港流行歌，而且食材同菜單感覺上都好健康，價錢又唔算好貴，就試下佢😄呢度有素食，另外食材主打健康同本地食材，啱曬宜家啲人越黎越注重健康。1⃣️港式梅菜豚肉丸和風咖喱飯（$98） 梅菜豚肉丸用本地豬肉、梅菜、麵筋、紫菜、馬蹄製成，同一出面食到既肉丸味道唔太一樣，食到豬肉既口感，食落唔會話好多汁，感覺比較輕盈啲😌另外咖喱汁係甜甜地既日式咖喱，撈飯食啱曬👍最鍾意係佢既便當配搭都好均衡好健康，飯係用藜麥飯，仲有跟沙律同埋火龍果，可以攝取到唔同既營養。沙律係配上黑醋汁而唔係沙律醬，感覺更加清爽。另外午餐仲有跟杯花茶，清淡解渴。  2⃣️港式素漢堡和風咖哩飯（$98）素漢堡係用冬菇、豆腐、麵筋、紅腰豆、甜椒製成，本身以為會係好似impossible burger果種味道，但係完全唔同wor😯食到粒粒菇既味道，而且面頭鋪滿咖喱汁，口感同味道都唔錯。本身個人唔鍾意食甜椒，但係個素漢堡既甜椒味唔係好突出，對我黎講都好好食😋感覺健康又冇負擔。  3⃣️黃姜香草忌廉南瓜意粉（$88）（加三文魚+$15） 意粉比我想像中驚喜，本身係從來都冇試過黃姜意粉呢樣