潮州合成甜品

營業中

休息中

上次食完碗馬蹄沙湯圓非常非常滿意，當然會再返黎啦～ 一坐低望下餐牌，向事頭打聽下有冇清心丸先。。。又冇貨。。。冇所謂，咪下次囉 睇咗一陣餐牌，都唔知食咩好，好彩冇咩客人，揀多陣，最後決定要碗【綠豆沙湯圓】啦～即叫即到當然～兩樣都係事先準備好的。其實我都係實在想唔到食乜我先叫哩碗糖水，我知道馬蹄沙好食，但上次食過，想試其他野，坐到自己都唔耐煩就就咗佢了。一黎我對哩間鋪嘅出品有信心，二黎我覺得越簡單嘅野越考技術，哩間係老店，所以雖然我叫嘅糖水咁傳統，但其實我係滿心期待的～試試綠豆沙先，嗯，煲得夠爛，但依然保持原粒狀態，亦好香，甜味啱啱好，一啲都冇太甜，唔錯 湯圓係潮式嘅厚皮麻蓉湯圓，就好似潮洲男人咁，係有啲粗礦，但夠穩，有責任心。哩粒湯圓亦一樣，皮厚厚的夠穩夠實在，內裡嘅芝麻餡炒得夠香，但一啲都冇焦，味道唔錯，幾有意思的～但一般香港新一代都好似比較中意皮薄餡靚的簡單得黎整體味道亦唔錯，但出得黎食野總係想食到啲特別啲嘅食物，下次再黎試試