潮州合成甜品

營業中

休息中

【合成糖水】跟友人晚飯後意猶未盡，在夜啡與糖水之間選了後者。聽過潮州合成糖水好多次，不如趁此機會試試。如不少九龍城老鋪格局一致，非常傳統簡潔敞亮，位置被阿姐分配到樓梯底下，說坐這就不用搭枱，看來是種恩賜。雖然阿姐看來冷冰冰，但事實服務不差，會推介糖水坐久了也沒驅趕。接受阿姐的推介，選招牌蓮子綠豆邊薏米馬蹄沙清心丸$69。一直聽過合成評價毀譽參半，卻未有留意其價格也有點誇張，招牌糖水索價$69中式糖水界也屬少見，由於文迪甚愛馬蹄爽，所以就直接了當點招牌，朋友比我理智沒點招牌，就按口味選蕃薯糖水。招牌蓮子綠豆邊薏米馬蹄沙清心丸($69)，說是招牌是因物以罕為貴？說真的除了是正宗潮式糖水外，味道其實沒有太特別。配料是多樣豐富的，但飯後甜品份量是太大了，馬蹄綠豆薏米十分平凡嚐不出分別來，甜味也未能融入其中，清水丸的特別口感仍有，但印象裏在其他糖水鋪遇過更出色的，而近來深圳人氣潮汕甜品糖閱蓮軒，味道亦可口親和得多。反而朋友的番薯糖水($37)較為正常，老薑香氣濃烈，蕃薯份量亦多。朋友說九龍城有另一家更平民美味，霖迪想若然非對潮式甜品有情意結，這家還是非誠勿擾了。潮州合成甜品九龍城龍崗道9號地舖#

聽朋友講呢間潮州口味老字號糖水舖咁有名，忍唔住同朋友去試吓，點知結果真係令人大失所望。叫咗兩款糖水，再加咗清心丸，但無論係味道定性價比，都同「值得一試」差得好遠。.川貝蓮子雪耳燉木瓜 ($65 + $4清心丸).一入口，甜度控制得幾好，啱啱好唔會太甜，但糖水份量就偏少，或者應該講佢個碗真係好細，所以雖然相片見到好多料，但其實唔多，只係個碗出奇地咁細，成碗糖水食完感覺真係好一般，感覺空虛。.至於加咗嘅 清心丸，就真係一個迷。朋友形容得好搞笑，話食落好似擦膠咁，哈哈～質感偏粉，口感偏韌，完全唔好食，仲要額外加$4，真係有少少唔值。同其他店嘅芋圓相比，清心丸可以話係相當失色，建議唔加反而好啲。.特製重薑味番薯糖水 ($37 + $4清心丸).呢碗糖水因為薑味非常突出，入口即刻感受到陣陣辣勁，對於鍾意食重薑味嘅朋友嚟講，應該會幾滿意！而且番薯煲得夠腍～.但同樣，呢個 清心丸 又係出現一樣問題，粉粉地完全冇味，好似一團無靈魂嘅粉團，根本唔應該加落糖水度。$4真係可以省返嚟買多一塊番薯都好過！.總結.整體黎講，合成糖水 嘅確有啲老字號嘅氣勢，夜晚仲係坐無虛席，可能因為咁人氣關係，價錢方面就比較進取

今日無意間行到潮州合成糖水，呢間鋪頭喺區內已經算係一個老字號。牆上掛住好多報紙剪報，寫滿咗舖頭嘅歷史同創辦故事，仲有個「蓮子大王」嘅稱號，瞬間俾人一種歷史悠久、好有文化嘅感覺。本來只係想嚟食一碗簡單嘅糖水，但見到牆上貼住好多特別配搭嘅甜品推薦，忍唔住就點咗一碗 芒果西米涼粉珍珠丸加清心丸（$58）。見到配料多到令人心動，特別係清心丸，份量多到五粒起跳，完全唔會客氣！糖水上枱嗰一刻，啲芒果鮮黃吸引，涼粉黑亮閃閃，仲有啲小小嘅珍珠丸，成個配搭好豐富。湯底係黑糖水，甜度啱啱好，唔會過甜，令人飲完之後口感清爽。芒果肉質軟滑，帶住自然嘅香甜，西米圓潤煙韌，涼粉嘅清涼感好適合夏天食。至於清心丸，咬落去有啲似燕窩嘅口感，入口即化，配埋黑糖水嘅香氣，成碗糖水嘅層次更加豐富。呢碗糖水嘅配料都幾多，每啖都可以食到唔同嘅口感同味道，唔會有單調嘅感覺。而且清心丸嘅份量真係唔少，五粒起跳，食到好滿足。呢碗糖水絕對係呢間老字號嘅精華之一，特別係黑糖水嘅清甜，同各種配料配搭得非常完美。食完之後，發現潮州合成糖水除咗傳統嘅潮州糖水，仲不時創作新嘅口味同配搭，感覺真係好有誠意。今次試完呢碗糖水，真係覺得值得再嚟試其他款

今日又喺合成試咗個番薯糖水🍠，真係好正！糖水啲甜度啱啱好，唔會太甜🍯，飲落去暖笠笠，特別適合呢啲天氣。番薯煮得好腍，入口即化，仲有淡淡嘅薑味，令到成個糖水更有層次感😋。整體嚟講，呢個番薯糖水真係值得一試。另外環境都幾舒服，服務人員都好有禮貌👍。下次一定會再嚟試其他糖水🍧！

喺合成糖水試咗個百合綠豆沙清心丸，感覺幾唔錯。呢碗糖水雖然賣相簡單，但綠豆沙煮得好綿滑，唔會太稀，也唔會太稠，口感啱啱好。百合帶出淡淡嘅清香，為糖水增添咗一絲清新。清心丸係呢道甜品嘅亮點，入口軟糯，唔會過甜，與綠豆沙完美結合，令整體味道更加豐富。呢碗糖水嘅甜度適中，唔會太膩，飲完有種清爽嘅感覺，特別適合喺飯後清清胃口。整體來講，呢碗百合綠豆沙清心丸係一個唔錯嘅選擇，適合鍾意傳統糖水嘅朋友試下。無論係炎夏定係寒冬，呢碗糖水都令人感覺舒服，值得推介。

叫左個綠豆清心丸，滿心期待，食第一啖差啲吐返出黎，有冇人可以話我聽冇味既糖水係咪可以用商品說明條例告佢😤😤😤上一次幫襯我諗都係一兩年前左右，雖然係比起全盛時期差左少少，但當年都算好食既，揸車經過都會去買黎食吓。但今日專登揸車去買黎食，真係食到火都黎埋！！！！！清心丸同以前比較真係難以形容，成舊唔知乜野黎，口感似大菜糕，唔彈牙冇咬口冇味道🤬🤬🤬啲綠豆邊好似麥皮，我真係唔知食緊啲乜😤😤😤仲要成碗糖水真係好水，稀到爆！🤬🤬🤬

食完辣米線又食到個人熱熱地，天氣又熱，就行過去九龍城食糖水，又好掛住清心丸，就黎左好耐冇黎食的潮洲合成甜品，叫咗凍的百合蓮子清心丸$45，好似加左價🤣🤣好似都係熱的好食啲，潤啲咁，因為凍的會加啲冰入去。老公本身係叫蓮子紅豆清心丸，點知一食就有酸味，就同店員講，店員好好咁換過俾我哋，我諗係啲紅豆變壞咗。😩😩唔知做咩店入面好似冇開冷氣咁，只係開左幾把風扇，有啲覺得熱，好在食住凍嘅甜品就好啲😅😅😅

九龍城區食飯30 幾年，附近糖水鋪都有幫襯過，今日第一次見識凍腐竹雪耳清心丸$48系直接加冰粒，味道越食越稀又淡，冰粒仲有水喉味，系創新煮法？！未聽過有實力糖水鋪會用冰粒直接加入傳統糖水就係雪凍！凍品仲要加咗$2。完全失去過往真材料及味道，做生意賺錢應該但要取之有道，為應付絡繹不絕人客而粗製作品，會否辜負老字號名聲？食物好食之留情而長期支持，否則留錢不留情。

難得嚟開9龍城食泰國菜緊係要食埋唯一分店既合成糖水啦趁假日同老公早咗依晚餐，所以唔洗等位就有位食糖水，個餐牌超多選擇眼見咁多款糖水，最終都係揀咗最經典既✨22號 清熱百合綠豆清心丸 （呢個+$1轉凍）同埋💁🏻‍♀️37號 潮州綠豆邊清心丸 （熱）✨22號 清熱百合綠豆清心丸 （呢個+$1轉凍）用匙羹一撶就知道有幾足料😍，綠豆沙煮到起沙，口感超豐富，清心丸既煙韌、百合既鬆綿再配合綠豆沙既綿密，加上轉咗凍食，簡直透心涼🥳🥳💁🏻‍♀️37號 潮州綠豆邊清心丸 （熱）好記得呢碗糖水早幾年食過已經念念不忘😋簡單既綠豆邊同清心丸就足以做到成碗糖水好清甜👍🏻👍🏻👍🏻我比較中意熱食，熱食會更有風味總結一下：環境：4/5味道👅：4.5/5性價比：4/5

九龍城🇭🇰傳統糖水梗係要叫傳統既糖水，今次叫左黑芝麻糊加湯圓，岀名係手磨芝麻，食落都會食到有一粒粒，所以都覺得應該真係手磨既芝麻糊，反而覺得裏面有一粒口質感幾好👍🏻推薦：🩷🩷🩷仲叫咗蓮子蛋糖水😄就真係蓮子+1隻蛋嘅糖水😆😆推薦：🩷🩷下次可以再試下其他。

📍合成糖水九龍城除左係出名食泰國菜之外亦係飯後食糖水既好地方🔥因為咩款式既甜品都有今次同大家分享一間老字號主打潮洲糖水既合成糖水‼️👍🏻😋冰凍腐竹雪耳清心丸 （$46） 經典既腐竹糖水食到一片片滑嘟嘟既腐竹再加雪耳爽脆既口感合成最出名就係清心丸清心丸就係木薯粉再加白砂糖烹調而成既丸子食清心丸就係為左食佢既煙靭口感食糖水都係想搵嘢咬吓咬吓慢慢同朋友吹吓水🥳清心丸嘅味道真係木薯粉加砂糖冇乜嘢特別味道可言🤣純粹滿足下你想咬下咬下嘅口感😋如果未食過清心丸又想試嘅一試無妨😆😆😋冰凍綠豆沙清心丸 （$42）綠豆滾爛成沙係一碗會起沙既綠豆沙如果你嗌凍既糖水合成係會將碎冰加入糖水入面增加冰凍感敏感牙齒要注意⚠️🙊😋自製擂沙湯丸 （$35）係芝麻餡既湯圓熱辣辣既湯圓撈上花生碎係食到好飽既感覺🤣合成糖水賣既唔係咩新花款糖水好多都係經典款既中式湯水清心丸又唔係太驚艷既味道但合成糖水就係一間你隔左一段時間又會想食下佢個清心丸又會掛住個種咬下咬下感覺既糖水店合成就係有一種咁既魔力所以永遠都係要排隊先會食到🤣

係九龍城食完晚餐，當然要食埋糖水！聽閒呢間合成糖水嘅清心丸好出名，今次品嚐左冰花蓮子紅豆清心丸。清心丸彈牙煙煙韌韌，勁大粒，蓮子清涼爽口，份量十足，食落都幾飽肚，紅豆就未夠淋，不過成份甜品唔會太過甜膩，清涼解暑。

吃完正餐吃糖水，今日吃了出名的潮州合成甜品。車仔式的格局，客人點選了什麼甜品，就將材料放在一起創造一個製成品。「紅豆沙清心丸」 紅豆沙煲得很綿密，全碗都起哂沙，很好吃，唔會太甜，清心丸煙靱但有少少唔透心。「潮州綠豆邊清心丸」綠豆邊糖水清澈，綠豆邊還是原粒的加入糯糯的清心丸好像很清熱啊。

一家四口於九龍城食晚飯後，到老字號中式糖水一試，簡單直接而言，就係呢檔糖水非常失敗。一進入舖頭，聞到一陣好奇怪的味道，沿途行去座位嘅時候，地板黐黐立立，坐低後點了兩個甜品，一個係紫糯米芒果珍珠，另一個係腐竹清心丸，份量上，絕不細，唯獨味道可以說是失望中之失望。先講個腐竹糖水，用匙羹一搞落去，見到非常稀肚的糖水，有幾片腐竹浮下浮下，如果自己煲個腐竹糖水就知道，基本上佢冇乜落過腐竹，慳料慳皮慳到極點，完全冇煲出嚟係豆漿奶感覺嘅質，清心丸，大細不同，有啲好大粒，有啲好細粒，細個幾粒還可以，另外大嗰幾粒好似未煮透，中間個心硬到阿媽都唔認得，至於薏米， OK啦，有少少渣，問題不算大。至於紫米露，簡單嚟講就係幾樣材料按客人需要撈埋一齊，味道不配搭，甜度不均勻，食物溫度亦不均勻，入口感覺非常奇怪，連愛吃甜品的兩個小朋友，吃了兩口都放下匙羹。冇下次就肯定㗎啦。

頭先同朋友九龍城食完飯去糖水，去咗「合成」糖水，碗糖水一啱啱食完，即刻埋枱收，我哋都知佢想點，跟手埋嚟抹枱，抹完再用一個唔多客氣語氣問d野係咪嚟齊，我話係呀⋯⋯佢行開唔夠一分鐘再埋柗問d野係咪嚟齊，我即刻嚟料：「阿姐啊，我都係啱啱食完，我無咁快埋單㗎喎，佢見我嚟料跟住佢好唔like咁行開，我同d 朋友講原本都諗住食完坐陣走，依家就偏偏要坐耐d⋯⋯跟住d 朋友話萛啦⋯⋯真係極無禮貌，碗野仲要七十幾蚊…出到門口見唔到任何人等枱中☹️