一生懸麵

營業中

休息中

小妹同Mami👩🏻早兩日去咗九龍灣食拉麵呢間一生懸麵都幾出名 早排好興嘅雪糕拉麵都系佢出嘅🤣🤣而家期間限定都做緊個花生醬雪糕拉麵不過小妹想試咗佢哋最original嘅先🤭啲特色嘢就留待下次啦🤪-👍🏿魚介豚骨沾麵 $82小妹嗌咗個沾麵 揀咗凍麵同埋唔要蔥麵質揀咗標準 煙韌有咬口😆系小妹鐘意嘅軟硬度魚介湯嚟嘅時候熱辣辣 出晒煙😳沾麵有個好處系可以自己控制味道 唔驚個湯會太鹹🤭今次嘅沾麵湯好濃厚 但唔會系死鹹嘅味道真系飲到魚介味😝湯入面仲有粒豚肉 唔系鞋灼灼嘅湯渣 系偏肥嘅叉燒粒😳粗身嘅麵條唔算好掛湯 配濃郁嘅湯底恰到好處味道啱啱好😚配料有兩塊叉燒 肥肉比例多火炙後充滿油香不過對小妹嚟講太肥太油膩Mami👩🏻就好鐘意啦🤭另外仲有半隻溏心蛋同筍片整體小妹覺得幾好食 值得encore😚味道: 8.5/10性價比: 8/10-👍🏿白湯豚骨拉麵 $72呢碗系Mami👩🏻嗌嘅 小妹都有試味😂拉麵麵條系幼身嘅 相比起粗麵 幼麵冇咁有口感但依然夠煙韌 唔錯😚拉麵嘅白湯唔使好似沾麵咁杰身飲落味道濃郁得嚟唔會過鹹👍🏿Mami👩🏻超鐘意個湯佢基本上飲晒咁滯🤣證明真系幾高質配料同沾麵一樣 不過多幾片紫菜同木耳絲索

收工一個人晚餐，搵咗呢間口碑不錯嘅拉麵店（肥髀唔好拉麵，一個人先可以食）去到商場一個開放式拉麵店，長窄店面，因為門面太長，一邊放了幾張椅子，有一對情侶坐在椅上，問咗佢哋坐係度排隊嘅，咁我咪坐在佢哋後面！呢個時候有另一對情侶到，佢哋無視我哋就入座，我咪起身搵店員，佢見到我問我幾多位，我講一位，佢帶我入高腳椅對廚房位坐低，再用少少訓話語氣同我講要出聲搵佢哋先，但我留意之後到嘅客人都自動去嗰幾張椅子度排隊，店員又無訓話佢哋！好難理解！入座枱面窄，放晒餐具同調味料，每個位有點餐紙，落好單就等！白湯豚骨拉麵🍜（$68）賣相ok，半隻溏心蛋嫩滑，蛋黃係我喜歡嘅漿口狀態，蛋味濃！紫菜幾香，叉燒兩片，唔係圈狀，似切腩片，偏瘦唔會嚡，幾好味，荀片已淥到淋晒，無咗咬口，差，蔥片爽脆清甜，但幼麵太淋無咬口（我選普通硬度）湯又太濃太漿，幼麵掛湯又多，最後只食到2/3，好少會食唔晒啲麵（鹹到要飲好多水！燒餃子🥟（$25）賣相不錯，但咬落外皮係薄身好脆硬，餡料菜同豬肉，唔乾有肉汁，點嘅醋汁清爽，解膩一流，但皮完全炸到硬，欠缺煙韌口感！一般講真拉麵係失望嘅！湯太鹹了！好少會食唔晒啲麵女店員除入座時有點怪責我唔知規矩

第一次食沾麵 頗滿意呢個辛辣沾麵唔太辣，我都接受到，湯底好濃郁😍，麵條掛汁力強👍🏻不足之處係湯唔夠熱叉燒韌，溏心蛋唔錯，如果再生少少就完美煎餃子朋友食的，好似好脆咁，而且一d都唔油，感覺不錯魚介豚骨沾麵唔太食得出有魚味同豬骨味 反正就係好濃味 呢個湯更熱 我就飲左幾啖湯都唔覺得口乾👍🏻叉燒有d韌 糖心蛋OK嘅 麵嘅份量都OK👍🏻鍾意拉麵嘅朋友我覺得值得試試 白湯豚骨拉麵 加左叉燒麵條冇沾麵嘅麵條好味，不過都ok，湯都好濃，好似有d騷，不過我反而覺得幾好，同沾麵個兩款湯有得比美