반찬앤쿡 Banchan and Cook (時代廣場) (已結業)

之前試過一次呢間位於時代廣場既Banchan and Cook，感覺都幾驚爲天人，今日又去食返餐先。Banchan and Cook係一間韓式餐廳，菜式融合韓式同西式既菜式。星期日下午12:30到，唔洗等位。餐牌好似一本雜誌咁，今期以聖誕做主題。餐牌有招牌蛋包飯，韓式輕食，韓式年糕及意粉，牛角包窩夫，休閑小食，甜品，炸雞，同各式飲品。免費小食免費小食係青瓜漬，白蘿蔔漬，同紫梛菜漬，爽脆甜酸，好開胃。初雪芝士炸雞 半份 $138 另加一上次試過無骨炸雞，今次我哋揀左半份有骨初雪芝士炸雞試吓先。初雪芝士炸雞個名好浪漫，原來係炸雞上面灑上糖霜做雪，所以食落甜甜哋。炸雞成座山咁，大概有8大件，足有半隻春雞，有齊雞脾，雞全翼同雞胸。炸皮好脆，又甜甜哋，肉質都仲嫩，唔會乾爭爭。炸雞上面有4件煙韌年糕，沾滿甜甜哋嘅味粉。下底就係粗身炸薯條，雖然唔熱，不過沾另上嘅蜜糖煉奶或者蝦肉色嘅煉奶都好好味。呢份炸雞真係甜到漏。仲跟左每人一對膠手套俾你食雞用。韓式卡邦尼意粉 $108 另加一韓式卡邦尼意粉係圓身幼身意粉加左好多菇片同煙肉碎。個忌廉汁好香濃又好夠沾滿每一條意粉，好邪惡。而菇片同煙肉碎又可加添口感。係

𝙫𝙚𝙧𝙮 𝙘𝙤𝙯𝙮 𝙖𝙣𝙙 𝙨𝙥𝙖𝙘𝙞𝙤𝙪𝙨 𝙧𝙚𝙨𝙩𝙖𝙪𝙧𝙖𝙣𝙩 𝙬𝙞𝙩𝙝 𝙖 𝙨𝙚𝙡𝙚𝙘𝙩𝙞𝙤𝙣 𝙤𝙛 𝙠𝙤𝙧𝙚𝙖𝙣 𝙛𝙤𝙤𝙙! 𝙩𝙝𝙚 𝙚𝙜𝙜𝙨 𝙖𝙧𝙚 𝙧𝙪𝙣𝙣𝙮, 𝙨𝙢𝙤𝙤𝙩𝙝 𝙖𝙣𝙙 𝙛𝙡𝙖𝙫𝙤𝙧𝙛𝙪𝙡... 𝙞𝙩'𝙨 𝙙𝙚𝙛𝙞𝙣𝙞𝙩𝙚𝙡𝙮 𝙖𝙣 𝙚𝙜𝙜-𝙘𝙚𝙡𝙡𝙚𝙣𝙩 𝙤𝙢𝙪𝙧𝙞𝙘𝙚💯 𝙗𝙪𝙩 𝙤𝙫𝙚𝙧𝙖𝙡𝙡 𝙩𝙝𝙚 𝙛𝙤𝙤𝙙 𝙖𝙧𝙚 𝙖𝙡𝙡 𝙧𝙚𝙡𝙖𝙩𝙞𝙫𝙚𝙡𝙮 𝙨𝙬𝙚𝙚𝙩 𝙩𝙤 𝙢𝙚.自從冇得去旅行之後就冇再食過蛋包飯，竟然比我係time square發現呢間蛋包飯專門店，仲有好多款韓國小食添！蛋包飯上菜時已經見到佢浪下浪下咁，一切開蛋皮入面啲蛋漿好似熔岩咁流出嚟，蛋香十足，蕃茄炒飯配韓式炒牛肉勁好餸飯🤤 食韓國嘢點可以唔叫炸雞，呢度嘅蜂蜜炸雞除咗底層墊咗粗薯條外，面頭仲有啲炸年糕，可以點蜜糖芝士醬或者千島醬，一百蚊大大份幾個人叫嚟share就啱哂～ 想止止韓燒癮可以試吓燒黑毛豬，一塊塊半肥瘦嘅五花腩滷味好入味，包埋生菜、紫蘇葉、大醬、蒜片同泡菜等，食落勁滿足！最後試咗牛角包窩夫同兩款飲品都唔錯，呢出開銅鑼灣可以一試～

Weekend 出Times Square 行完街就順便係商場食埋飯見到呢間文青風嘅韓式餐廳好似好吸引😛之前係太古城經過另一間分店已經想食 今日就決定試下佢呢度嘅蛋包飯😌.🌟 無骨蜜糖炸雞 (半份) ($108)估唔到半份炸雞嘅份量都幾多🐔炸雞有甜絲絲脆皮 仲無骨啖啖肉薯條上面落左砂糖🍟 所以唔係平日食開嘅咸味 味道有d似蕃薯條仲有幾舊煙韌年糕餐廳仲提供左酸酸地嘅千島醬同沙律醬點雞食.🌟烤牛肉蛋包飯 ($98)最初留意到呢間餐廳都係因為佢嘅蛋包飯🥚🍛店員送餐之後會即場幫客人切開奄列軟糯嘅奄列中間保持住啱啱熟透配埋烤牛肉同中間包住嘅炒飯真係超豐富😚奄列面頭仲加上左燒汁同沙律醬 fusion得有特色.🌟慢煮羊膝配薯條 ($165)慢煮羊膝好有驚喜🥰羊膝煮得超腍 一切落去羊肉就好易分離而且甜甜地嘅醬汁亦都同羊肉味道好夾🐏仲附上有韓國菜特式嘅紅蘿蔔🥕同白蘿蔔伴碟仲有沙律菜🥗同薯條 好滿足.🌟韓式雜莓牛角包窩夫 ($72)窩夫香脆可口 而且味道都唔錯🧇配上雜莓、肉桂粉同蜜糖令味道更豐富帶點鮮果嘅清新酸甜🍓🫐.🌟溶化朱古力 ($42)係一杯經典嘅朱古力凍飲 賣相亦都好精美.🌟科學怪人之夜 ($48

物價高昂的時代廣場也有親民的韓國餐廳。店內裝修好有CAFÉ感，以木材為主，又有花花草草，牆身還有不少鏡。餐前小食是醃蘿蔔青瓜，酸酸甜甜好開胃。烤牛肉蛋包飯 - $118厚厚的半熟滑蛋比起下面的炒飯還多，炒飯以醬油、翠玉瓜、豬肉及紅蘿蔔炒成，口感豐富；上碟後，侍應會於蛋的中央用刀輕輕一切，雞蛋滑得自然滑下來，滑蛋入口粘稠鬆軟，好濃厚的雞蛋味；韓式炒牛肉份量也很多，濃厚的梨汁洋葱炒成，牛肉大片又鮮嫩；還有沙律菜平衡一下膩感。燒醬油黑毛豬白切肉配大醬生菜 - $182黑毛豬肉質嫩滑多汁，油脂分佈均勻，五花肉位置肥瘦相間、層次分明，以醬油燒製已經好惹味；韓式食法一定是配大醬生菜，韓式大醬富豆香，帶有顆粒，口感有點像不辣的豆瓣醬。蜜糖無骨炸雞 - $128無骨吃起來比較方便，炸雞脆得掉渣，連旁邊的薯條及年糕也被蜜糖厚厚的覆蓋著，口感極甜絲絲，還有兩款炸雞醬跟配。韓式雜莓牛角包窩夫 - $92把牛角包壓成窩夫的形狀，想不到會變得鬆軟香脆得多，牛油味更加香和突出，撒上糖和蜜糖，入口鹹鹹甜甜的；還有士多啤梨、紅桑子和藍莓。濟州鮮奶綠茶 - $42鮮奶味道特別濃厚，平衡了抹茶醇厚的茶香。溶化朱古力 -

朋友對餐廳名好有興趣，我上網一查，原來「BANCHAN 」嘅韓文發音喺「BAN CHAN 」，意思喺韓式小碟拌菜，餐廳名好有意思👏🏻 餐廳以輕食為主，結合咗西餐同埋韓國輕食，簡稱fusion 菜🤣 🔥必點：韓式雜莓牛角包窩夫想完美咁將滑蛋切開，首先要瞄準中間位置，從頭切到尾，柔嫩滑蛋就會從中間向兩邊一傾而出，畫面感一流👍🏻 飯底係混合咗少量蔬菜粒去炒嘅醬汁炒飯，配上甜甜哋嘅烤牛肉，味道豐富最鍾意無骨啖啖肉，炸粉薄到同雞肉嘅外皮都分唔開，炸過後雞肉仍然嫩滑多汁，面上鋪上堅果同埋花生碎，搭配煙韌年糕、香脆薯條，加上千島醬同埋蜂蜜牛油醬，既有增添口感同埋作點綴之用，可以話係誠意之作，令炸雞滋味倍增😋羊膝肉質非常軟腍，唔洗用刀切，用叉一撕而出，可以以入口即化嚟形容，羊味極濃同埋帶羶味，喜歡食羊嘅朋友必定愛上😋第一次試croffle，簡直喺一試難忘🤯 一切落去「郭郭」聲，仲傳來一陣牛油香，裡面喺千層酥皮，脆中鬆化，酥香可口，整個窩夫沾滿玉桂粉，配上藍莓、紅桑子、草莓，酸酸甜甜朱古力濃而不膩，喺呢種天氣飲，好暖胃☺️ 梳打顏色夢幻，由上層嘅紫色漸變至紅色，底部嘅紅色充滿士多啤梨同埋紅桑子果肉，攪拌均