반찬앤쿡 Banchan and Cook (時代廣場) (已結業)

同朋友約咗去附近嘅戲院睇戲，於是喺去睇戲之前就決定去呢間度食個lunch醫肚先。間餐廳就開11點半，於是我同朋友就喺出面睇下menu，諗下一陣可以嗌啲咩食，最後都好快就決定好咗要食2人套餐。落咗單之後，等咗大約15分鐘，就上咗主菜，朋友就叫咗辣炒年糕，我就要大蝦墨魚汁意粉，我覺得兩碟嘅賣相都唔差嘅，同埋味道都唔錯👍🏻完成咗主菜之後，又等咗大約10分鐘，小食就嚟啦，咁小食就叫咗炸雞拼盤，我覺得都係唔差嘅；最後就上飲品，我同朋友都嫌甜咗啲，呢樣有少少可惜🥲同埋傳菜速度可以快返少少就更好。

平時明明大排長龍，今日同阿仔係樓上玩完，路經竟然見無人心郁郁咁睇左陣餐牌就決定入去試下前菜有醃蘿蔔，幾夠味！燉牛肋骨蛋包飯牛肋骨味道偏甜，蛋都好嫩滑，飯就係炒飯，都好match好味！墨汁大蝦魚籽意粉味道一般，啲蝦彈牙但無咩味海鮮煎蔥餅海鮮無乜，但調味還可以，都叫幾好味！有骨炸雞（一份，可選2款口味）我㨂左原味同蜜糖味！炸雞都算係最出色，炸到脆卜卜，好野味👍🏻👍🏻值得一試、個底仲有啲薯條，小朋友至愛🥰最後跟餐有2杯飲品原本仲應該有2個甜品，但店員忘記左上，我又忘記左叫上，到反到屋企先醒起、但已經太遲Lu 🤣🤣🤣唯有下次再食🤭

叫左個set dinner, 有蝦果個比牛好食唯一最欣賞喺會喺你面前劏開隻蛋好療愈嘅感覺，蛋整得幾好，喺牛果個d汁麻麻地。但佢哋assign左位比我哋之後每次叫人都有啲困難，好少望到客人叫佢哋。。。2人餐得一個蛋糕又無特別寫清楚有幾多個，好彩得一件因為我識欣賞太甜😂野飲叫左無花果soda但我都唔知飲緊乜。。。蛋糕5建議嗌。。。價錢方面都算平，不過希望d音樂可以細聲少少，同屋企人坐喺度食飯講嘢好似要同啲音樂鬥大聲🥲如果唔係都聽唔到講咩

要求按照服务员的意愿入座，如果不按照服务员的意愿就不上餐牌，不给点单！坐下等了5分钟才过来跟我们说要按照他们的安排入座才可以点单。并且餐厅人并不多的情况下，我们提出要求可不可以换一个大一点的桌子，之前每次去吃都是可以的，并且我们每次都会点的多，一个小桌子也放不下，才会每次去吃的时候要求换一个大一点的。唯独这次，不知道哪里招惹了服务员吗？就这次一个男的站门口的服务员从一开始的服务态度就很差，难道因为我们是内地人吗？不好好安排座位，当我们再询问其他服务员可不可以换一个座位的时候，那个服务员也不说话！我们走到一个大一点的桌子，问了门口的那个人可不可以坐那里，明明招收示意可以，我们才坐下，等了5分钟迟迟没人过来给菜单，我们就叫了服务员，另外一个过来才跟我们说要按照服务员的意愿入座才可以点单。有亿点点无语😓

平時叫開外賣，外賣員一向細心，男女都好有禮貌，試過好多韓國fusion呢間吾錯，最緊要吾洗點等位，堂食熱辣辣又特別好味，上菜快，特別喜愛佢餐前漬物酸菜很野味，會繼續去

🍀是日點餐🍀烤牛肉蛋包飯(💰98）(+10% 🛎️)賣相完勝燉牛肋骨嗰款，啲牛烤得好香，黑椒芝麻味啱啱好，最抵讚係職員會問你洗唔洗幫手切開個蛋留汁，可以選擇自己切😋｜👅: 4/5燉牛肋骨蛋包飯(💰162）(+10% 🛎️)牛肋骨配冬菇蘿蔔，賣相上就稍微失色，味道幾好啦，夠入味嘅，不過不失｜👅: 3.5/5另+$45配飲品及焦糖布甸🍮叫咗個蜜桃沙冰🍧ok la～布甸唔錯，面嗰層焦糖唔係整得咁好｜👅: 3.5/5環境: 3.5/5服務: 4/5再訪: 3.5/5

餐廳喺時代廣場九樓，一搭lift 上去就可以見到依間餐廳。成個餐廳都幾大下，好適合去聚餐或者見friend菜品評價🍴🥩烤牛肉蛋包飯服務員會幫手切開蛋包飯，切開時熱氣騰騰嘅特別吸引^ ^整體仲唔錯！層次好豐富量亦都幾足夠🍗炸雞拼盤因為套餐包括咗三種味道，個人感覺原味炸雞>蜜糖炸雞>甜辣炸雞，整體算係食過嘅炸雞裡面仲唔錯嘅🧈巴馬火腿卡邦尼年糕雖然名字係年糕但係其實底下鋪咗一層炒粉，醬料同蛋包飯嘅好似，年糕仲算軟糯，整個中規中矩

之前朋友帶過我黎呢間餐廳食都覺得食物唔錯，諗住今次同另一個朋友過嚟慶祝生日！見啲相既甜品好似都唔錯！本身已經經open rice book左枱，平時會習慣係open rice remark 寫麻煩甜品上寫上happy birthday 等字眼，但今次唔記得左又見仲有一個鐘就到booking時間，為免職員睇唔到我後加remark我就自己打上餐飯問可唔可以係甜品寫字，職員就話下，無嫁喎，我哋無呢啲廚房，我本身就奇怪寫碟要咩廚房😅不過唔緊要，唔係間間餐廳都有呢啲服務我都明，咁我都話咁唔緊要啦唔該晒，諗住收線既時候就聽到個職員話佢都痴_線，要係甜品到寫字，之後講咩我無聽亦唔重要就收左線。做服務性行業係辛苦我諗好多人都明，有情緒會係背後吊鬼我諗好多香港人都會，但，麻煩下次醒少少，真係confirmed 個客收哂線先出講😂唔係真係會有其他客打返黎鬧返你！愈來愈少人係香港餐廳食飯唔係無原因，想支持下你哋都支持唔落，真係無下次，即刻缺席去左樓上Green house 食。好少比負皮，今次真係要比負皮你哋

我們於12/6（三）約下午十二點四十五分左右到達餐廳，可能因預先訂位，所以侍應給我們4人卡座，當時客人亦不多，餐廳環境舒服。我們只有2個人，侍應居然推薦一個$560的套餐比我們😛太睇得起我們了😅另外，唔知係咪我們太好聽力，我們亦聽到侍應之間的對話，例如：屙屎😥😰因為沒有lunch set，所以我們最後叫了2個正價的產品，並不包飲品。❶燉牛肋骨蛋包飯（$162）：有4塊燉牛肋骨，算大塊但太多筋，刀也切不開（刀是沒有鋸齒），有一塊白蘿蔔，紅蘿蔔及冬菇，蛋包飯是炒飯底，但沒有味道。侍應一端過來的時候，便立馬在我們面前切蛋，係沒有煙的，食物並不熱。❷巴馬火腿卡邦尼年糕（$98）：份量適中，年糕是長條型，夠煙靭，有一塊火腿及生蛋在年糕上。因為用網上訂位，所以有85折，埋單要加一。食物一般，沒有特別好的服務質素，以同類餐廳來說，價格偏貴

三點幾入，不用等位叫左甜辣炸雞無骨熱🔥，新鮮整，似係即刻整🔥又叫左個牛肋骨蛋包飯個汁既味ok，但我覺得個牛有d un，可以淋d 就更好再叫一杯green tea coffee 同桃特飲桃特飲味道偏淡

真心好耐無在香港約人食飯 原因係香港食嘢真係好貴唔係講笑見到個餐牌 這個燉牛肋骨蛋包飯 都要$162 價錢會唔會高左少少？😂仲要味道只係好普通好普通😀🧇伯爵茶布丁牛角包窩夫最喜歡這種牛角包窩夫 味道的確不錯👍🏻仲有杯荔枝梳打 甜度適中 清涼感滿分💯

同朋友約咗睇電影，望一望times餐廳嘅價錢，呢間算係合理同較容易負擔。兩個人叫咗一份無骨炸雞，蜜糖味道唔錯，再另加一個豬扒長通粉，再各自一杯嘢飲，都份量太多～ 味道不錯，可惜豬扒過熟，影響口感。會再考慮到訪！                                 評分（5分滿分）：味道：⭐️⭐️⭐️⭐️環境：⭐️⭐️⭐️⭐️⭐️推薦：⭐️⭐️⭐️⭐️

傳統韓國菜就食得多，今次朋友帶左我黎呢間位於時代廣場9樓嘅韓國餐廳Bandhan & Cook。未入餐廳前已經見到門口個menu有幾款蛋包飯, 心諗蛋包飯唔係日本架咩🤔連韓國餐廳都有，不過今次冇試到，我地叫左個年糕，泡菜煎餅＆傳統生米酒。年糕比其他韓國餐廳特別，採用左幼身長條型，感覺好似食緊好煙韌彈牙嘅面條一樣😋泡菜煎餅嘅顏色較深色，煎得好香脆生米酒好少地方飲到，用碗黎飲好鬼正，好有韓國當地人feel🤭

一入門口 果位戴眼鏡哥哥仔就已經西口西面 冇禮貌到一個點 當面同佢講野佢都可以當聽唔到直接走 食都食到嬲 一肚氣 野食好唔好食都冇用啦 冇人想再幫襯 唔洗你好聲好氣但可唔可以做返個人？There was a man with glasses at the entrance of the restaurant who had a very bad attitude. It's always a look of disdain and disgust. And when talking to him, just ignore the leave

經openrice訂座，消費滿$350送牛角酥窩夫話冇貨，送咗個又甜又漏嘅甜品，好彩係免費，難食到爆，除左死甜，冇其實形容詞可以形容到，唔多老實，好失望。因為太甜係咁飲水，職員太忙冇人留意到，前後由我主動提出加水，職員冇主動加過水，最後一次我都懶得叫，自己斟！另一款紅蘿蔔🥕芝士蛋糕，完全冇味，唔知食緊咩😂甜品完全唔得！食物一般，因為有訂座優惠先會去，伏嘅餐廳，食一次就夠！😂真係自費，唔駛錢未必會再去嘅餐廳🍴