熾工房 (已結業)

西環惹味炸雞 ٩(๛ ˘ ³˘)۶  餐廳主打炸雞、烤雞全部都即叫即炸，熱辣辣另外仲有自家製嘅香濃蘑菇飯特別美味，性價比很高 套餐配上汽水，薯條或牛油粟米🍟🌽 ▫️滋味雞翼套餐足足有10件單骨雞翼皮脆肉嫰嘅雞翼，夠香脆新鮮炸起雞翼嫩滑唔柴配上士拉差醬，更加惹味薯條粗幼適中好有薯味，夠香口推薦～▫️熱狗套餐🌭麵包軟熟香綿，唔會太乾中間夾住長長嘅香腸鹹香味十足下次想試試加芝士醬應該會更邪惡粟米杯好香牛油味夠甜，質素唔錯

📌熾工房📍西環高街111號地舖☎️28660080★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*不嬲都好鍾意西環一帶，俾人一種好悠閒寧靜嘅感覺。老區嘅味道好有舊香港情懷。呢日捐窿捐罅行咗上去高街，仲撞手神入咗間小店食炸雞添。餐廳周圍好幽靜，店舖入面環境好濶落，樓底極高，大大幅落地玻璃空間感十足，牆上有色彩鮮艷嘅璧畫，感覺活力年青。餐廳有八款套餐：炸雞、烤雞、漢堡、雞翼、意粉、飯、熱狗、沙律。基本上包含晒所有快餐嘅選擇。我同朋友都係鍾意香口嘢嘅人，嗌炸嘢走唔甩。💫滋味脆雞套餐（$66）連薯條及汽水有兩件炸雞，即叫即炸熱辣辣，外皮香脆，入面嘅雞肉好嫩滑唔嚡，配埋個土拉差醬好夠辣。跟餐配粗薯條分量都幾多，新鮮炸起唔係淋果啲。💫滋味雞翼套餐（$64）配汽水·另升級蘑菇飯有十隻單骨雞翼好好「lun」好易食，雞皮炸到脆卜卜之餘，外皮下嘅雞肉醃得好入味，好juicy 唔會乾，配埋個BBQ 醬，雞翼控一定覺得好滿足。加咗$5 升級轉咗個人氣蘑菇飯。白飯上淋上好creamy 好綿帶香草味嘅忌廉汁，味道香濃，菇味突出，趁熱撈飯真係正！我鐘意呢個飯無咗

熾工房嘅主店喺長洲，後來開咗分店喺西環，地址唔算就腳，因為地鐵站/巴士站行過嚟都要行一段路，不過都無阻我哋嚟食😂 •🥢 原味烤雞套餐 $68烤雞有兩件，兩件都有雞鎚，但其中一件大件啲連埋雞上脾嘅肉😋 烤雞用香草醃製，烤到外面啲皮有啲啲脆，好有焦香，但入面啲肉都keep到幾juicy幾滑🤤套餐配薯條同汽水，薯條係幼身，有啲淋，普通啲～•🥢 滋味雞翼套餐 $64雞翼全部都係單骨雞翼，好方便食用！份量好多有成10件(即係5隻雞翼)😍 雞翼炸到超級脆，而入面都好juicy🤤 另外有配士拉差醬，但雞翼本身都有調味好夠名，想食落再惹味啲可以點😌•🥢 蘑菇飯 (+$5 跟餐薯條轉)蘑菇飯嘅汁係淡淡嘅奶黃色，食落好creamy，有啲似雞皇飯加好多嘅蘑菇片，唔似其他快餐店嘅得黑椒味，呢到嘅就蘑菇同汁嘅份量都幾多，每啖都食到！

💫wow lab 熾工房（高街111號地鋪）上網見到話呢間嘅炸雞好食又係長洲名物，價錢又唔貴，所以放學即係黎一試！一入到去環境比人感覺舒適乾淨，亦都冇炸物店嘅油饐味👍🏻-出示全日制學生證仲有85折，真係非常抵食，學生恩物🤩最後我地嗌咗兩個餐加蘑菇飯share食😋👆🏽滋咪雞翼套餐 （單骨雞翼）$64✨分量適中✨即叫即炸，熱辣辣，好好食✨薯條同雞翼都好夠脆👆🏽蕃茄扁意粉套餐 $68✨軟硬度啱啱好（最怕食啲腍嘅意粉）✨味道就正常，冇炸物咁驚艷🤣✨大啡菇多汁，好食由於見大家話蘑菇飯好食，所以另外加咗個黎試下😗（跟餐可以加$5轉，但我地想食薯條就冇轉😂）👆🏽蘑菇飯 $28本身以為係似kfc嘅蘑菇飯，但其實係唔同嘢😳✨菇菌味重👍🏻✨配炸物好夾，唔會濟總結👻價錢：4.5/5味道：4.5/5環境：5/5服務態度：5/5我印象中港島食嘢不嬲都偏貴，但wow lab性價比高（如果有學生證仲抵），估唔到港島都有性價比咁高嘅餐廳！有下次會再返黎試埋炸雞同烤雞😋