味將軍

營業中

休息中

工作繁忙，午飯最緊要快靚正，真善美邨的味將軍從不令我失望。叫咗滑蛋叉燒飯，即叫即整唔洗5分鐘已經有得食。上枱熱辣辣，蛋煎至半生熟，入口香而且滑。叉燒冇乜特別，應是現成貨，不過對這種街坊小店也不能太苛刻啦！重點係帶甜嘅豉油，將這個港式味道昇華到另一層次。埋單$38，凍飲仲要唔洗加錢。係今時今日真係算窮L恩物。餐廳另一名物係日式咖哩飯。其實味道都好，只不過做法是把炒蛋直接放上白飯面而非正宗日式蛋包飯做法，比起滑蛋叉燒飯，反而未算突出。不過都係果句，30幾蚊，性價比已經非常高。

上網見過雜誌介紹味將軍，雖然住係附近但係一直都未試過。今日趕時間所以想快靚正搞掂餐Lunch2.00左右無咩人，一到就有位坐牆上有好多餐牌，樣樣都好似好正咁~選擇困難timorder完之後幾分鐘就有得食，效率非常高而且野食價錢都比較平，三十幾蚊有飯有野飲（滑蛋叉燒飯）蛋煮得非常滑，面頭仲有一層半熟蛋漿，咬一口蛋再啜一啖蛋漿，滑溜嘅蛋再配上蔥花同埋叉燒片超好味啊！呢個應該係我食過最好食嘅滑蛋（漢堡蛋包咖喱飯）同樣地嗰蛋非常好食，煎得好滑，不過咖喱嗰味就比較淡，同埋只有汁，無平時咖喱嗰D配料（薯仔、雜菜....），所以相對於滑蛋叉燒飯比較遜色。-但係總括黎講食物質素同服務態度都好好，以後一定會成日黎食